27/03/2026
[ဂျပန်နိုင်ငံ၊ စားသောက်ကုန်ဝန်ဆောင်မှုကဏ္ဍ (Food Service) Tokutei Ginou ဗီဇာ လက်ခံမှု ယာယီရပ်ဆိုင်းခြင်းဆိုင်ရာ အရေးကြီးအသိပေးချက်]
ဂျပန်နိုင်ငံ၊ လူဝင်မှုကြီးကြပ်ရေးဦးစီးဌာန (ISA) ၏ ယနေ့ (၂၀၂၆ ခုနှစ်၊ မတ်လ ၂၇ ရက်) ထုတ်ပြန်ချက်အရ စားသောက်ကုန်ဝန်ဆောင်မှုကဏ္ဍ (Food Service) တွင် Tokutei Ginou (၁) ဗီဇာဖြင့် လက်ခံမည့် အမြင့်ဆုံးလူဦးရေ (၅၀,၀၀၀) ပြည့်ရန် နီးကပ်လာပြီဖြစ်သဖြင့် အောက်ပါအတိုင်း အရေးပေါ် အစီအမံများ ပြုလုပ်သွားမည် ဖြစ်ပါသည်။
၁။ လက်ရှိအခြေအနေ
ဖေဖော်ဝါရီလကုန်အထိ စာရင်းများအရ ဗီဇာရှိသူ ၄၆,၀၀၀ ခန့်ရှိနေပြီး၊ လာမည့် မေလဝန်းကျင်တွင် အမြင့်ဆုံးသတ်မှတ်ချက် ၅၀,၀၀၀ ပြည့်သွားမည်ဟု ခန့်မှန်းထားပါသည်။
၂။ အဓိကပြောင်းလဲမှုများ (၂၀၂၆ ခုနှစ်၊ ဧပြီလ ၁၃ ရက်နေ့မှ စတင်၍)
ဗီဇာအသစ် လျှောက်ထားခြင်း (COE): ဧပြီလ ၁၃ ရက်နှင့် နောက်ပိုင်း လက်ခံရရှိသော လျှောက်လွှာများကို ဗီဇာထုတ်ပေးမည် မဟုတ်ပါ။ (ဧပြီ ၁၃ မတိုင်ခင် လျှောက်ထားသူများကိုသာ ဦးစားပေး စစ်ဆေးထုတ်ပေးပါမည်)။
ဗီဇာအမျိုးအစား ပြောင်းလဲခြင်း (Change of Status): ဧပြီလ ၁၃ ရက်နှင့် နောက်ပိုင်း လျှောက်လွှာများကို လက်ခံမည်မဟုတ်ပါ။ သို့သော် အောက်ပါအချက်များနှင့် ကိုက်ညီပါက အကန့်အသတ်အတွင်း စစ်ဆေးခွင့်ပြုနိုင်ပါသည်-
(က) Ginou Jitsusei (အချက်အပြုတ်/အစားအသောက်ထုတ်လုပ်ရေး) မှ ပြောင်းလဲသူများ။
(ခ) Tokutei Katsudo (ဗီဇာပြောင်းရန် ပြင်ဆင်နေသူများ) ဗီဇာရရှိထားပြီးသူများ။
ဗီဇာသက်တမ်းတိုးခြင်း (Extension): ပုံမှန်အတိုင်း ဆက်လက် လျှောက်ထားနိုင်ပါသည်။
၃။ အလုပ်ပြောင်းခြင်း (Job Change)
စာသောက်ဆိုင်နယ်ပယ်အတွင်း တစ်ဆိုင်မှ တစ်ဆိုင်သို့ အလုပ်ပြောင်းခြင်းများကိုမူ ပုံမှန်အတိုင်း ဆက်လက် စစ်ဆေးခွင့်ပြုပေးသွားမည် ဖြစ်ပါသည်။
ထို့ကြောင့် စားသောက်ဆိုင်ဗီဇာ ပြောင်းလဲရန် ပြင်ဆင်နေသူများအနေဖြင့် ဧပြီလ ၁၃ ရက်နေ့ မတိုင်မီ အမြန်ဆုံး လျှောက်ထားနိုင်ရန် သတိပြုစေလိုပါသည်။
အသေးစိတ်သိရှိလိုပါက လူဝင်မှုကြီးကြပ်ရေးဦးစီးဌာန (ISA) သို့ တိုက်ရိုက်ဆက်သွယ် မေးမြန်းနိုင်ပါသည်။
