..
04/02/2024
ကမ္ဘာကြီးကျဥ်းလာတာနဲ့အမျှ
မင်းသတင်းတွေလည်း
ငါတစ်ခုမှမရတော့ဘူး
ဆံပင်တွေဘယ်လောက်ရှည်နေပြီး
မင်းတို့ခရီး ဘယ်ထိရောက်နေပြီး
ငါမသိဘူး
မေးစရာလူမရှိတဲ့အခါတိုင်း
သိချင်လာတဲ့မင်းအကြောင်းတွေကို
အင်တာနက်ပေါ်မာ မွှေနှောက်ရှာတယ်
နောက်ပြီး မြောက်အရပ်ကိုမျက်နှာမူလို့
မျက်ရည်ဝဲတယ်
တိမ်တွေကပြောတယ်
ခွဲရတာတကယ်တဲ့ ။
-နွေသစ်ငြိမ်း
05/01/2024
လူတစ်ယောက်ကို အဲ့သလောက်
ချစ်နိုင်ပါလားလို့
ခင်ဗျား ကိုယ် ခင်ဗျား
အံ့သြမှင်သက်လို့ မဆုံးခင်မှာပဲ
အဲ့ဒီလူဟာ ခင်ဗျား ဘဝထဲက ထွက်သွားဖို့
တနည်းနည်းနဲ့ ပြင်ဆင်ပြီးနေပြီ ဖြစ်တယ်
ခင်ဗျားတို့ တစ်ဘဝလုံး သိလာတဲ့
ချစ်ခြင်းမေတ္တာရဲ့
အသွင်သဏ္ဍာန်ဆိုတာ အဲ့ဒါပါပဲ
- ဘုန်းပြည့်စုံမင်း
23/12/2023
ပြန်လာစေချင်လားဆို....
"ဟင်အင်း"ပြန်မလာစေချင်ဘူး။
ကျနော်ဒီတိုင်းလေးပဲရပ်နေမှာ
ဘာကိုမှ မမျှော်လင့်ပဲနဲ့လေ
အထိရှကင်းကင်းလေး
စာအုပ်တွေအများကြီးဖတ်မယ်၊
သီချင်းတွေအများကြီးနားထောင်မယ်၊
တိမ်တွေကိုငေးမယ်၊
စိတ်ပြေလက်ပျောက် ဂစ်တာတီးပါ ကျင့်ထားမယ်။
အရင်လို မရမကအတင်းကြီး...
မဆိုင်တဲ့သတင်းတွေလိုက်ရှာမနေတော့ဘူး။
ရပ်နေမယ် ၊နုနုညံ့ညံ့ဆက်ပြေးနေမယ်။
ချစ်ခြင်းမေတ္တာက ခလှုပ်လာတိုက်ရင်တော့...
အချိန်အကြာကြီးပေးပြီးမှ ရွေးချယ်ဖြစ်တော့မယ်။
-ဘုန်းမင်းနွေ
20/12/2023
သူ စိမ်း ကို ရင် နှီး ဖို့ က လွယ် တယ်
ရင်း နှီး ပြီး သား လူ က စိမ်း သွား ရင်
ပြန် ပြီး ရင်း နှီး ဖို့ ဆို တာ က မရှိ သလောက် ပါ
ဥပမာ - ပြောရမယ်ဆို ကျွန်တော်နဲ့ သူမလိုမျိုးပေါ့ 😔
#1997 ခွန် မောင် ဝင်း
13/12/2023
စိတ်ဆိုးနေတဲ့အချိန်၊ အလိုမကျတဲ့အချိန်
ဟန်မဆောင်ဘဲ ချက်ချင်းပြန် တုန့်ပြန်တတ်တဲ့လူတွေက
ဘယ်တော့မှ နောက်ကျောဓားနဲ့ မထိုးတတ်ဘူး။
ပြုံးပြီး စကားချို ဟန်ဆောင် ကောင်းတဲ့
လူတွေကတော့
မျက်နှာဖုံးတပ်ထားတာမို့ သူတို့ အတွင်းစိတ်ကို
ခန့်မှန်း ဖို့ ခက်ခဲတယ်။
အဲလို လူတွေကဘဲ အဆုံးထိ ထိုးချတတ်ကြတာ။
တကယ်တော့ ရင့်ကျက်တာနဲ့
ဟန်ဆောင်တတ်တာက တခြားစီပါ။
#စာကြွင်း
ဟန်ဆောင်ကောင်းတဲ့ လူတွေကတော့
ပိုပြီးနေရာရတတ်ကြတယ်။
# # #
11/12/2023
ထားလိုက်တော့ ဆိုတဲ့စကားမွာ
အဓိပ္ပါယ်တွေ အများကြီးပါသွားတယ်၊
အရမ်းဝမ်းနည်းသွားတာ ဖြစ်နိုင်သလို၊
စိတ်ပျက်သွားတာလည်း ဖြစ်နိုင်တယ်၊
မပြောချင်တော့တာလည်း ဖြစ်နိုင်သလို၊
ပြောမထွက်ရက်တာမျိုးလည်း ဖြစ်နိုင်တယ်၊
ကိုယ့်ကြောင့် စိတ်မဆင်းရဲစေချင်လို့နဲ့
စကားလမ်းကြောင်းလွှဲပေးလိုက်တာမျိုး
မသိချင်ယောင်ဆောင်ပေးလိုက်တာမျိုးဆိုလည်း
မမှားဘူး၊
အဲ့ဒီစကားလေးက သိပ်လေးနက်တယ်နော်၊
08/12/2023
အရင်လိုလည်း
မမျှော်တော့ဘူး
ပြီးတော့....
အရင်လိုလည်း
မပျော်တော့ဘူး ချစ်သော...ရေ
03/12/2023
တောင်တန်းတွေ ပင်လယ်တွေကို သဘောကျပေမယ့် ဘယ်တော့မေးမေး အချစ်ရဆုံးကတော့
အညာပါပဲ။
အညာရဲ့ တမာနံ့သင်းသင်းကို ချစ်တယ် ။
ထန်းပင်တွေစီပြီးပေါက်နေတဲ့
လမ်းအရှည်ကြီးကို
ကြည့်ရင်းလွမ်းမယ် ။
နွားတွေဖြတ်သွားလို့ လမ်းမှာဖုန်တသောသော
ထသွားတာက အညာပဲ ။
ဆောင်းတွင်းမှာ အညာကိုသွားမယ်။
ရန်ကုန်ဆောင်းထက်
အညာဆောင်းကပိုပီပြင်တယ်။
ကောက်ညှင်းပေါင်းပူပူကို ပဲများများနဲ့
မနက်စာရမယ်
နှင်းမကွဲသေးတဲ့ မြို့သေးသေးလေးက
အကြော်ပူပူလေးစားရင်း ရေနွေကြမ်းသောက်မယ် ။
မြန်မာအသားအရေမှာ သနပ်ခါးထူထူလိမ်းတဲ့
အညာသူ လေးတွေကို မြင်ရတာ
ရန်ကုန်က ကားကျပ်ကျပ်ကိုမေ့စေတယ်။
အညာက စေတီတွေဖူးမယ်
ဖက်ကြမ်းဆေးပေါ့လိပ်ခဲပြီး ခပ်ရိုးရိုးပြုံးတတ်တဲ့
အဖွားတွေကိုလည်း တွေ့ရမယ် ။
ကောက်လှိုင်းပုံတွေမြင်ရတာလဲ မရိုးဘူးမဟုတ်လား။
မီးရဲရဲမှာ အိုးဖုတ်တာကိုလည်း
မြေစေးကနေစပြီးအဆင့်အဆင့် မြင်ရဦးမယ်။
ရေအိုးထဲကရေအေးအေးကို အုန်းမုတ်ခွက်နဲ့
ခပ်သောက်ရတာလဲ အညာမှာပဲရှိမယ်။
ထန်းတောတွေလည်းရှိပါရဲ့
ထန်းရည်ချိုချိုလည်းရမယ် ဇီးသီးပင်တွေလည်း အများကြီးရှိတယ် ။
အညာရဲ့ နေဝင်ချိန်ကို တစ်ဝကြီးကြည့်မယ် ။
အညာဟာ ဘယ်တော့မှ မရိုးတဲ့ ပန်းချီကားပဲရယ်။
Photo Credit
02/12/2023
ဆုံဖို့ကံပါလာရင်
မဆုံချင်လည်း ဆုံရတယ် "
ဝေးဖို့ကံပါလာရင်
မဝေးချင်လည်း ဝေးရတယ် "
ကိုယ့်သဘောဆန္ဒမပါလည်း
အရာရာက ဖြစ်ချိန်တန်ရင် ဖြစ်သွားရတာပဲ။
ကျွန်တော်တို့ချစ်တဲ့သူတွေကို
အနားမှာနေပါဆိုပြီး အတင်းဆွဲထားလို့မရသလို တစ်ဖက်က အလိုမရှိတော့လို့
ထွက်သွားမယ်ဆိုလည်း တားခွင့်မရှိပါဘူး။
အချိန်တန်ရင် . . .
ကိုယ့်အနားက
ထွက်ခွာသွားကြမယ့်သူတွေချည်းပါပဲ။
ဒါကြောင့်လည်း ကျန်နေခဲ့ရမယ်ဆိုတဲ့
အသိစိတ်လေးနဲ့ပဲ
လူတွေကို ချစ်ဖြစ်တော့တယ်။
" //
crd
30/11/2023
သင်္ဘောတွေဟာ
သူတို့ပတ်ပတ်လည်မှာရှိနေတဲ့
ရေတွေကြောင့်
မနစ်မြုပ်ဘဲ
သူတို့ ကိုယ်ထည်ထဲကို
ဝင်လာတဲ့ ရေတွေကြောင့်သာ
နစ်မြုပ်ရခြင်းဖြစ်ပါတယ်
ဒါကြောင့် ...
သင့်ရဲ့ပတ်ဝန်းကျင်က
ဖြစ်ပျက်နေသည့်
မကောင်းသော အကြောင်းအရာတွေကို
သင့် ရင်ထဲကို အဝင်ခံပြီး
သင့်ကိုယ်သင် မနစ်မြုပ်မိပါစေနှင့်....
သင့်ရဲ့ဘဝအတွက် သင်ကိုယ်တိုင် ဆုံးဖြတ်ပါ၊
သင့်ရဲ့ပန်းတိုင်အတွက် သင်ကိုယ်တိုင် ကြိုးစားပါ၊
သင့်ရဲ့မိသားစုအတွက် သင်ကိုယ်တိုင် ရုံးကန်ပါ၊
ပတ်ဝန်းကျင်ဆိုတာ ရှိတစ်မျိုး၊ မရှိတစ်မျိုးဖြစ်တဲ့အတွက်၊ ဂရုမစိုက်ပါနဲ့.....
သင့်ပတ်ဝန်းကျင်မှာရှိတဲ့ Negativity တွေကိုခေါင်းထဲမထဲဘဲနဲ့ သင့်ရဲ့ အောင်မြင်မှု့ပန်းတိုင်ကိုသာအာရုံစိုက်၍ ဆက်လက်လျှောက်လှမ်းပါ
ပြောချင်တာက မလိုတာတွေ
ခေါင်းထဲမထည့်ပါနဲ့ စိတ်ရှုပ်တက်တယ်
28/11/2023
"သံယောဇဉ်ဆိုတာကို
ဖြတ်ပါမယ်ဆိုမှ တိုးတိုးလာတယ်။
သံသရာကို ကြောက်မိအောင် ကြိုးစားပါမှ
ဘဝဟာ မက်ဖို့
ပိုပိုကောင်းလာတယ်။ "
(သူငယ်ချင်းလို့ပဲ ဆက်၍ခေါ်မည်"ခိုင်")
_ credit
27/11/2023
The meaning of flower