L.V.P.A. e. V. - Latinitati Vivae Provehendae Associatio

11/09/2024

Venite exspectati exspectataeque! :)

27/06/2021

Hodie, a.d. V Kal. Iul. anni a.U.c. MMDCCLXXIV (sive 27.6.2021), Caius Licoppe doctor clarus, Domus Latinae Bruxellensis conditor idemque Melissae periodici Latini editor, qui diu sodalis L.V.P.A.e fuit, diem natalem nonagesimum agit. Alfonsus Weische egoque Caecilia ei nomine L.V.P.A.e his verbis gratulati sumus:

Hodie, o Cai doctissime doctor, tibi natalem nonagesimum celebranti inter multos etiam L.V.P.A.e regimen nomine totius associationis ex animo gratulatur. Gaudemus quod tecum atque cm tua Melissa uniti sumus in Latinitate viva colenda. Quod eam multitudine, varietate, pulchritudine operum tuorum claram et iucundam facis, in memoria L.V.P.A.e sodalium et amicorum semper erit. Eo addentur, quaecumque Latine scripturus es, praecipue ornans Melissam. Optamus ergo toto animo, ut per multos annos tibi tuisque contingat summa felicitas nixa valetudine optima.

28/02/2021

Salvete sodales! Hoc anno instituetur V iam certamen poeticum Sarbievianum. Plura hic:

Carissimi Latinitatis Cultores!Hoc anno quintum iam Certamen Poeticum Sarbievianum instituitur, cuius ut participes sitis invitant vos sodales Latinitati Vivae Provehendae Associationis et Societat…

20/10/2020

Carissimi sodales,

Anna Elissa Radke sodalis nostra novum libellum carminum edidit, qui "Corona Spinea" inscribitur. In carminibus in eo collectis cm alia, tum tempora peste coronaria afflicta meditatur. Theodericus Sacré in ampla doctaque praefatione refert de carminibus, quae inde a Romanorum aetate de morbis contagione periculosis conscripta sunt.

Libellus apud apud domum editricem "Manutii" in serie, quae "editio Zenonis" inscribitur, inclusus duodeviginti nummis Europaeis venalis est. (Manutius-Verlag, EditionZeno)

Anna Elissa Radke: Corona Spinea – covid 19

20/10/2020

Carissimi sodales,

nuper in Dania Sulpicii Severi "Vita Sancti Martini" in usum discipulorum ratione Oerbergii discentium in lucem edita est. Verba ignota Latine explanantur; praeterea Henricus Brockdorff, Eva Engelund, Gudrun Haastrup, Georgius Wildt Hansen editores ampla praefatione Sancti Martini vitam, aetatem, qua vixit, necnon vitam opusque Sulpicii Severi exponunt. Adiunctae sunt tabulae annorum locorumque.

Liber apud domum editricem "Multivers" 149,95 coronis Danicis (i.e. 20,15 nummis Europaeis) venalis est:

Welcome to Multivers - Udgivelser

20/02/2020

Carissimi poetae Latini,
quartum iam Certamen Poeticum Sarbievianum instituitur, in quo optimo poetae Latino praemium datur. Colite Musas et carmina vestra in certamen mittite :)

Carissimi Latinitatis Cultores!Hoc anno quartum iam Certamen Poeticum Sarbievianum instituitur, cuius ut participes sitis invitant vos sodales Latinitati Vivae Provehendae Associationis et Societat…

26/02/2019

Certamen Poeticum Sarbievianum iam tertium habetur :)
Scribite carmina, mittite et praemia exspectate :)

Carissimi Latinitatis Cultores!Hoc anno iam tertium Certamen Poeticum Sarbievianum instituitur, cuius ut participes sitis invitant vos sodales Latinitati Vivae Provehendae Associationis et Societat…

11/01/2019

delirant isti barbari, nonne? ;)

Nasze wakacje na Wolinie ;) :D
Tihomil

28/06/2018

Caecilia omnibus Latinitatis Vivae fautoribus cultoribusque salutem plurimam

Rursus vobis in animum revocare velim Seminarium Latinum Varsoviense, quod diebus 20.-27. mensis Augusti huius anni agetur. Dies, usque ad quem nomina dare licet, dilatus est in Kal. Iul., vulgo 15.7. Si igitur vobis placebit aestate septem dies Latine disputare, confabulari, philosophari, cantare, celebrem urbem cognoscere, in loca amoena et viridia excurrere, professores claros Valahfridum Stroh et Maurum Augustum audire, porta Seminarii vobis patet!

Eis, qui volent, die Solis in ecclesia iuxta universitatem sita sacris Latinis cm cantu Gregoriano interesse licebit.

Invitationem, temporis ordinem schedamque inscriptionis depromere licet apud www.lvpa.de.

ADDENDUM ET CORRIGENDUM: Pecuniam in ipso Seminario nobis solvite, quo facilius res pecuniarias cm Universitate Varsoviensi transigamus.

Valete quam optime!

Corporate Yellow, Free XHTML/CSS Template, 2-column layout

02/06/2018

Qui singula scire desiderant, adeant paginam www.lvpa.de, ubi invenietis "Invitationem" cm omnibus nuntiis, ordinem temporis necnon schedam, qua nomina detis. Inter alia praebebuntur scholae tironum et tironum provectorum. Praeterea nobis contigit duos hospites claros invitare: Valahfridum Stroh Maurumque Augustum professores facundissimos.

Corporate Yellow, Free XHTML/CSS Template, 2-column layout