Wie lautet die Website?

doenje_so_ljubov

Startseite
Deutschland
Stuttgart
doenje_so_ljubov

Сеопфатна поддршка за доење и лактација - курсеви, работилници, индивидуални советувања

Страница која нуди интересна содржина како и можност за едукација на тема лактација и доење, преку едукативни постови, видеа на тема доење, Q&A сесии и интерактивни кафепиења.

Официјална едукација може да се стекне преку детален курс за доење и лактација или работилници на конкретни теми.

Индивидуални советувања се закажуваат преку вебстраницата. https://doenjesoljubov.com

******

YouTube:
https://www.youtube.com//channels

Instagram:
https://www.instagram.com/doenje_so_ljubov/

******

кокреатор на иницијативата Human Milk 4 Human Babies - North Macedonia:

https://www.facebook.com/Human-Milk-4-Human-Babies-North-Macedonia-106095561844391/

******

Kонтакт: [email protected]

04/08/2026

#светсканеделанадоење2026 #бебелогија #доењесољубов #

02/08/2026

🤱 Ја славиме Светската недела на доење 2026!

И ја славиме секоја мајка која доела или дои – без разлика колку долго траело или трае нејзиното патување со доењето.

Затоа што секоја приказна е различна.
Секоја капка е важна.
Секој ден е важен.
И секое искуство заслужува да биде слушнато.

Ги славиме вашите почетоци и вашите завршетоци.
Лесните денови и тешките моменти.
Предизвиците што сте ги надминале, но и оние поради кои вашето патување можеби завршило порано отколку што сте посакувале.

Ги славиме сите ваши денови, недели, месеци и години доење – без споредување, без очекувања и без осудување.

Затоа што зад секое доење стои една своја, единствена приказна.

И секоја од тие приказни е вредна.

Оваа Светска недела на доење ги славиме сите ваши приказни! 🤱

29/07/2026

Запознајте ги нашите предавачи! 🤱

📅 6 август 2026 📍 Хотел Мериот – Скопје

Со голема радост ви ги претставуваме предавачите од третиот и последниот ден на едукативниот дел од програмата!

Третиот ден има исто две сесии: утринска и попладневна.

Оваа година подготвивме инспиративни предавања со врвни стручни лица кои ќе споделат најнови знаења, практични искуства и препораки за поддршка на доењето.

Им благодариме на сите предавачи што се дел од овогодишната програма и несебично го споделуваат своето знаење!

Напомена: доколку сакате да присуствувате на настаните во Хотел Мериот, ве молиме да се пријавите на [email protected]. Местата се ограничени.

Доколку сакате да ги следите предавањата онлајн, линкови за зум се споделени на линкот во био.

Се гледаме на Светската недела на доењето!

#СветскаНеделаНаДоењето #ДоењеСоЉубов #Бебеологија #ЈуниорМед Breastfeeding BreastfeedingSupport WBW

29/07/2026

Запознајте ги нашите предавачи! 🤱

📅 5 август 2026 📍 Хотел Мериот – Скопје

Со голема радост ви ги претставуваме предавачите од вториот ден на едукативниот дел од програмата! Вториот ден има две сесии: утринска и попладневна.

Оваа година подготвивме инспиративни предавања со врвни стручни лица кои ќе споделат најнови знаења, практични искуства и препораки за поддршка на доењето.

Им благодариме на сите предавачи што се дел од овогодишната програма и несебично го споделуваат своето знаење!

Напомена: доколку сакате да присуствувате на настаните во Хотел Мериот, ве молиме да се пријавите на [email protected]. Местата се ограничени.

Доколку сакате да ги следите предавањата онлајн, линкови за зум се споделени на линкот во био.

Се гледаме на Светската недела на доењето!

#СветскаНеделаНаДоењето #ДоењеСоЉубов #Бебеологија #ЈуниорМед Breastfeeding BreastfeedingSupport WBW

29/07/2026

Запознајте ги нашите предавачи! 🤱

📅 4 август 2026 📍 Хотел Мериот – Скопје

Со голема радост ви ги претставуваме предавачите од првиот ден на едукативниот дел од програмата!

Оваа година подготвивме инспиративни предавања со врвни стручни лица кои ќе споделат најнови знаења, практични искуства и препораки за поддршка на доењето.

Им благодариме на сите предавачи што се дел од овогодишната програма и несебично го споделуваат своето знаење!

Се гледаме на Светската недела на доењето!

#СветскаНеделаНаДоењето #ДоењеСоЉубов #Бебеологија #ЈуниорМед Breastfeeding BreastfeedingSupport WBW

28/07/2026

Конечно е тука програмата за Светската недела на доење! 🤍

Со огромна радост ве покануваме да бидете дел од нашиот традиционален годишен настан, кој и оваа година го организираме заедно – Доење со љубов Natasha C. Todosovska, IBCLC, Бебеологија Бебелогија - Школо за трудници и доење и Junior Med Јуниор Мед

Подготвивме одлична програма со навистина инспиративни теми и извонредни предавачи, на што особено се радуваме. Веруваме дека секој ќе пронајде нешто корисно и интересно.

Погледнете ја програмата и резервирајте си време – не пропуштајте да бидете дел од настаните по повод Светската недела на доење. Со нетрпение очекуваме да се дружиме! 💙

#светсканеделанадоење2026 #снд2026

04/01/2026

Здраво! Јас сум Наташа, IBCLC - меѓународно сертифициран консултант за доење и лактација.

Самата сум мајка на две дечиња, и она што навистина ми беше предизвик беше недостатокот од конкретни основани информации, како и недостатокот од вистинска поддршка. Тоа ме инспирираше да се посветам на учење, растење и помагање на другите.

Со многу труд, посветеност и љубов, во 2020 година го создадов брендот „Доење со љубов“ – сега препознатлив и доверлив бренд кој нуди љубезна, професионална поддршка за доење за семејствата и тоа на англиски, германски и македонски јазик - сѐ со цел да се чувствуваат слушнати, охрабрени и поддржани!

Овој простор постои за да нуди проверени информации за доењето – не само како начин на исхрана, туку како поврзување, утеха и начин на изразување љубов.

Имам две многу различни, но длабоко значајни лични искуства со доење – полни со предизвици, сомнежи, љубов и раст. Моите деца ме научија дека нема две исти приказни – и тоа ме наведе да ја продолжам формалната едукација за да им служам подобро на другите семејства.

Во февруари 2021 година, станав сертифициран специјалист за доење (CBS). Потоа во јануари 2022 година станав и Лидер на La Leche League.
Во септември 2025 година, после повеќе од 200 часа специјализирана обука за лактација, и преку 1500 часови работа со семејства, се стекнав со лиценца за работа како IBCLC - international board certified lactation consultant.

Од 2021 година сум еден од главните организатори на настаните за Светската недела на доењето во С.Македонија со цел промоција на доењето и овозможување едукација за сите и од светски експерти од оваа област.

Неколку интересни факти за мене:

– јас сум и магистер градежен инженер;
– сакам да плетам;
– имам мала, но растечка колекција на винил плочи со класична музика, и уживам во мирниот ритуал на нивно слушање;
– Шопен ми е како сродна душа во паралелен универзум;
– за мене, музиката и доењето се најуниверзалните форми на љубов;
– свирам пијано уште од детството и им предавам на деца во музичко училиште – тоа ми е втора голема љубов по мајчинството;
– никогаш не сум сретнала мајка од која немам научено нешто нешто ново! 💜

Со љубов,
Наташа Ц. Тодосовска

11/12/2025

После цели 3 месеци чекање, конечно ми пристигна најубавиот новогодишен подарок… ✨
Резултатите од долгоочекуваниот испит!

Официјално:
Положен испит.
Стекната титула IBCLC (од 01.01.2026). 💛🎊🥳🤱🏽
..за оние што не знаат – ова е највисокото светско признание во областа на лактација, познато и како “golden standard for lactation care”.

Патот не беше лесен. Тие што ме знаете – знаете дека сум раскажувала колку е оваа патека долга, колку е едукацијата обемна и колку строги се критериумите за воопшто да смееш да излезеш на испит.

А за самиот испит… тој што седнал на тоа столче – знае. 😅

Но едно нешто можам да го кажам со сигурност:
Овие 5 години работа со сите вас – со секое семејство, со секоја приказна – ме изградија. Ме научија повеќе отколку што можев да замислам.

Овој резултат се должи на:

💛 мојата љубов кон тоа што го правам
📚 огромната жед за знаење од оваа област
🤱 и, секако, искуството што го стекнав со вас – токму тука!

Благодарам што ми го доверувате најнежниот дел од вашите приказни. Ова признание е мое, но и ваше. ✨

22/11/2025

25.11.2025

Во овие анонимни родилни приказни не бараме виновници. Само гледаме каде недостига: понекогаш емпатија, понекогаш едноставно објаснување, понекогаш само еден топол збор, понекогаш едукација.

Никој не е совршен.
Ни системот, ни луѓето.
Но, животот почнува токму во родилните сали.

Затоа што не е сеедно како раѓаме и како се раѓаме, ова е тивок повик до сите нас, како општество: да бидеме малку повнимателни, малку похумани, малку повеќе луѓе.

И еден повик до нас мајките: да не молчиме кога нешто не е во ред, но и да го кажеме гласно кога било убаво.
За да знаат сите како може да биде кога човечноста е на прво место. 🌹

- - -

Сите кои сакаат да ја споделат својата приказна, ве покануваме на 25.11.2025 на онлајн настан на зум (линк во био) кој комплетно ви го препуштаме вам, со надеж дека споделувањето ќе ви донесе барем малку олеснување!

Оние кои тоа сакаат да го направат анонимно - кликнете на линкот во био и напишете ја вашата приказна - приказните ќе ги споделиме на нашата ФБ група на 25.11.2025.

Вашата приказна вреди да биде слушната!
Навистина не е сеедно како раѓаме, ниту како се раѓаме!

#РеволуцијаНаРозите #25Ноември #НеЕСеедноКакоРаѓаме

Adresse

Stuttgart

Website

https://doenjesoljubov.com/

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn doenje_so_ljubov etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.