doenje_so_ljubov

Здраво! Јас сум Наташа, IBCLC - меѓународно сертифициран консултант за доење и лактација.

Самата сум мајка на две дечиња, и она што навистина ми беше предизвик беше недостатокот од конкретни основани информации, како и недостатокот од вистинска поддршка. Тоа ме инспирираше да се посветам на учење, растење и помагање на другите.

Со многу труд, посветеност и љубов, во 2020 година го создадов брендот „Доење со љубов“ – сега препознатлив и доверлив бренд кој нуди љубезна, професионална поддршка за доење за семејствата и тоа на англиски, германски и македонски јазик - сѐ со цел да се чувствуваат слушнати, охрабрени и поддржани!

Овој простор постои за да нуди проверени информации за доењето – не само како начин на исхрана, туку како поврзување, утеха и начин на изразување љубов.

Имам две многу различни, но длабоко значајни лични искуства со доење – полни со предизвици, сомнежи, љубов и раст. Моите деца ме научија дека нема две исти приказни – и тоа ме наведе да ја продолжам формалната едукација за да им служам подобро на другите семејства.

Во февруари 2021 година, станав сертифициран специјалист за доење (CBS). Потоа во јануари 2022 година станав и Лидер на La Leche League.
Во септември 2025 година, после повеќе од 200 часа специјализирана обука за лактација, и преку 1500 часови работа со семејства, се стекнав со лиценца за работа како IBCLC - international board certified lactation consultant.

Од 2021 година сум еден од главните организатори на настаните за Светската недела на доењето во С.Македонија со цел промоција на доењето и овозможување едукација за сите и од светски експерти од оваа област.

Неколку интересни факти за мене:

– јас сум и магистер градежен инженер;
– сакам да плетам;
– имам мала, но растечка колекција на винил плочи со класична музика, и уживам во мирниот ритуал на нивно слушање;
– Шопен ми е како сродна душа во паралелен универзум;
– за мене, музиката и доењето се најуниверзалните форми на љубов;
– свирам пијано уште од детството и им предавам на деца во музичко училиште – тоа ми е втора голема љубов по мајчинството;
– никогаш не сум сретнала мајка од која немам научено нешто нешто ново! 💜

Со љубов,
Наташа Ц. Тодосовска

После цели 3 месеци чекање, конечно ми пристигна најубавиот новогодишен подарок… ✨
Резултатите од долгоочекуваниот испит!

Официјално:
Положен испит.
Стекната титула IBCLC (од 01.01.2026). 💛🎊🥳🤱🏽

..за оние што не знаат – ова е највисокото светско признание во областа на лактација, познато и како “golden standard for lactation care”.

Патот не беше лесен. Тие што ме знаете – знаете дека сум раскажувала колку е оваа патека долга, колку е едукацијата обемна и колку строги се критериумите за воопшто да смееш да излезеш на испит.

А за самиот испит… тој што седнал на тоа столче – знае. 😅

Но едно нешто можам да го кажам со сигурност:
Овие 5 години работа со сите вас – со секое семејство, со секоја приказна – ме изградија. Ме научија повеќе отколку што можев да замислам.

Овој резултат се должи на:

💛 мојата љубов кон тоа што го правам
📚 огромната жед за знаење од оваа област
🤱 и, секако, искуството што го стекнав со вас – токму тука!

Благодарам што ми го доверувате најнежниот дел од вашите приказни. Ова признание е мое, но и ваше. ✨

25.11.2025

Во овие анонимни родилни приказни не бараме виновници. Само гледаме каде недостига: понекогаш емпатија, понекогаш едноставно објаснување, понекогаш само еден топол збор, понекогаш едукација.

Никој не е совршен.
Ни системот, ни луѓето.
Но, животот почнува токму во родилните сали.

Затоа што не е сеедно како раѓаме и како се раѓаме, ова е тивок повик до сите нас, како општество: да бидеме малку повнимателни, малку похумани, малку повеќе луѓе.

И еден повик до нас мајките: да не молчиме кога нешто не е во ред, но и да го кажеме гласно кога било убаво.
За да знаат сите како може да биде кога човечноста е на прво место. 🌹

- - -

Сите кои сакаат да ја споделат својата приказна, ве покануваме на 25.11.2025 на онлајн настан на зум (линк во био) кој комплетно ви го препуштаме вам, со надеж дека споделувањето ќе ви донесе барем малку олеснување!

Оние кои тоа сакаат да го направат анонимно - кликнете на линкот во био и напишете ја вашата приказна - приказните ќе ги споделиме на нашата ФБ група на 25.11.2025.

Вашата приказна вреди да биде слушната!
Навистина не е сеедно како раѓаме, ниту како се раѓаме!

#РеволуцијаНаРозите #25Ноември #НеЕСеедноКакоРаѓаме

💧

За време на советувањата, кога мајките сакаат да ми кажат дека мислат дека "немаат доволно млеко", речиси секој пат ми кажуваат дека "мене не ми тече млеко од другата града додека дојдам од едната!".

Дали тоа има врска со целокупната лактација?
Дали е некаков знак дека мајката не може да произведе доволно млеко?

...

Да го разгледаме процесот на доење:

Кога бебето цица, го стимулира хипоталамусот да ги лачи хормоните на доењето - пролактин окситоцин. Окситоцинот, кој преку крвта стигнува до двете гради, е одговорен хормон за "исфрлање на млекото од градите" т.е. предизвикува let-down рефлекс – млекото почнува да тече од алвеолите кон каналчињата. Целиот тој процес се случува (во помала мера) и во градата од која не доиме во моментот.

..

❓Дали ако не излегува млеко значи дека во таа града нема млеко?

❌ Воопшто не!

..

✅ Излегувањето на млеко од градата од која не доиме зависи од мазниот мускул околу брадавицата кој е одговорен да го „затвори“ протокот.

👉 Бидејќи сите ние сме различни, нормално е:

- кај некои мајки да тече само првите недели;
- кај некои мајки да тече цело време додека дојат;
- кај некои мајки никогаш да не тече.

..

Слично е и со колострумот – често имам прашања од трудници: дали доколку им тече колострум во бременоста е знак дека ќе имаат доволно млеко по породување? Или пак недоволно?

Ова прашање како и сите останати интересни прашања за доењето детално ги разгледуваме на курсот за доење! 💜🤱🤰

---

🌸 Ако сакаш да доиш без страв и со сигурност – на курсот за доење можеш да ги научиш сите тајни на доењето!

⏳ Роденденскиот попуст од 50% на курсот и работилниците е активен уште 2 дена – искористи ја шансата денес и направи најубава инвестиција за тебе и твоето бебе. 🤱

Код за попуст: DSLJ-5
Инфо: www.doenjesoljubov.com/shop

или одете на линкот во био! 🤗❤️

Организатор / предавач:
Ивана Тасеска – сертифициран специјалист за доење и нов член на организацискиот тим 💛

Со голема радост ја најавуваме Ивана Тасеска од Доилка , сертифициран специјалист за доење, која оваа година се приклучи кон организацискиот тим на Светската недела на доење во Скопје! 🎉

Ивана е посветена на поддршката на мајките и семејствата во процесот на доење и верува дека секоја мајка заслужува информирана, емпатична и професионална поддршка.

Со својата енергија и љубов кон оваа работа, таа веќе внесе нова сила во нашиот тим, а оваа година ќе ја сретнете и како активен дел од програмата зборувајќи за најважните чекори за успешно доење!

Добредојде, Ивана! 🙌

📍 Центар Јадро
📅 6 август

Организатор / предавач:
Наташа Ц. Тодосовска – LLLL (Германија), специјалист за доење и ко-организаторка 🤱

Наташа Ц. Тодосовска – сертифициран специјалист за доење, лидерка на La Leche League Deutschland (Германија), основачка на брендот „Доење до љубов“, и еден од главните организатори на Светската недела на доење во Скопје – веќе петта година по ред! 🙌

Наташа е посветена на поддршката за доењето и емпатично родителство, и е инспирација за многу мајки во Македонија, Германија и пошироко. Низ нејзината работа и преку нејзиното лично и професионално стекнато искуство, таа нуди поддршка, знаење и простор за поврзување – сето тоа водено од љубов и почит.

Оваа година повторно ќе биде дел од програмата со предавање кои е посветено на оралните рестрикции и нивниот ефект врз доењето.

📍 Центар Јадро
📅 7 август

Гостин предавач: Силвана Николоска Глигоровска – дипломиран фармацевт

Во рамки на Светската недела на доење 2025, ни се приклучува и м-р Силвана Николоска Глигоровска, дипломиран фармацевт, магистер специјалист по аптекарска практика, менаџер на аптеките Вивалек .vivalek.

Таа ќе ни зборува за една многу важна тема која често знае да е предизвик во доењето и носи несигурност - употребата на лекови и суплементи за време на доење.

Преку нејзината сесија ќе имате можност да добиете проверени и научно засновани информации кои ќе ви помогнат да донесувате безбедни и информирани одлуки!

📍 Центар Јадро
📅 6 август

Гостин предавач – Др. Драгана Емел Маркоска 🤱

Имаме огромна чест и радост повторно да ја најавиме нашата долгогодишна соработничка и поддржувачка на Светската недела на доење – Др. Драгана Емел Маркоска , специјалист педијатар во ПЗУ Јуниор Mед која е со нас уште од првата година! 👶✨

Како докторка со големо искуство и срце за најмалите, Др. Емел Маркоска со својата стручност и посветеност е неизоставен дел од нашата програма. Оваа година повторно ќе придонесе со своето знаење и поддршка за родителите, низ разговор што допира до суштината на грижата за бебето, особено после френотомија.

Нејзиното присуство секогаш носи сигурност, разбирање и охрабрување – и за родителите, и за професионалците!

📍 Центар Јадро
📅 6 & 7 август