Shkolla Shqipe në Bavari

Urime Kurban Bajrami

Me rastin e festës së Kurban Bajramit, LAPSH-i uron të gjithë besimtarët myslimanë:
paqe, shëndet, harmoni dhe begati në familjet tuaja.

Kjo festë e solidaritetit dhe mirësisë le të na afrojë më shumë me njëri-tjetrin dhe të na frymëzojë për më shumë dashuri, respekt dhe humanizëm.

Gëzuar Kurban Bajramin!

Një mbrëmje nderi dhe bashkëpunimi në Rezidencën Mbretërore në Mynih

Kryetari i Lidhjes së Arsimtarëve dhe Prindërve Shqiptarë në Bavari (Lapsh Bavari), Milazim Ukaj, me ftesë të Kryeministrit të Bavarisë, Dr. Markus Söder, së bashku me Konsullin e Përgjithshëm të Kosovës në Mynih, z. Afrim Nura, mori pjesë në një mbrëmje të veçantë të organizuar në Rezidencën Mbretërore në Mynih.

Në këtë ngjarje, përveç përfaqësuesve të komuniteteve të ndryshme të përzgjedhura në Bavari, ishin të pranishëm edhe përfaqësues të diasporës shqiptare nga Kosova, të angazhuar në fusha të ndryshme si arsimi, shëndetësia, drejtësia dhe sipërmarrja, të cilët japin një kontribut të rëndësishëm në shoqërinë bavareze.

Gjatë diskutimeve u vlerësua roli i komuniteteve të huaja në forcimin e bashkëjetesës dhe integrimit në Bavari, duke u theksuar gjithashtu lidhjet e forta me vendet e origjinës.

Mbrëmja u mbyll në një atmosferë respekti dhe mirënjohjeje, ku u vlerësua angazhimi i diasporës shqiptare si një urë lidhëse e gjallë mes atdheut dhe Bavarisë.

“Promovohet monografia ‘Shkolla Shqipe në Republikën e Bavarisë – ndërgjegje e atdheut’” nga Mustafë Krasniqi

Dje, në Rosenheim të Gjermanisë, u bë promovimi i monografisë së autorit Mustafë Krasniqi me titull “Shkolla Shqipe në Republikën e Bavarisë – ndërgjegje e atdheut”, organizuar nga Shoqata Kulturore “Shqiponja”. Në këtë aktivitet morën pjesë shumë përfaqësues institucionesh, diplomatë, mësues, aktivistë të diasporës shqiptare, nxënës, ish-nxënës dhe dashamirë të Shkollës Shqipe në Bavari.

Në këtë aktivitet morën pjesë edhe kryesia e LAPSH-it si bashkëpuntor dhe donator privat të vëllimit të parë të botimit të librit, dhe disa mësimdhënëse e nxënës të Shkollës Shqipe në Bavari.

Kryetari i LAPSH-it për Bavari, z. Milazim Ukaj, në emër të tij personal, të kolegëve, mësimdhënësve, prindërve dhe nxënësve të Shkollës Shqipe në Bavari, përshëndeti autorin, familjen e tij dhe të gjithë të pranishmit. Ai e përgëzoi autorin Mustafë Krasniqi për librin e botuar dhe e falënderoi për punën e palodhshme në mbledhjen dhe sistemimin e të dhënave historike mbi Shkollën Shqipe në Bavari.

Në fjalën e tij, ai vlerësoi lart kontributin e autorit, i cili fillimisht si kryetar e më pas si koordinator i Shkollës Shqipe, me urtësi, përkushtim dhe frymë bashkëpunimi, dha një ndihmesë të çmuar në organizimin dhe mbarëvajtjen e mësimit plotësues në gjuhën shqipe në landin e Bavarisë dhe më gjerë.

Aktivitetin e përshëndetën gjithashtu edhe mësuesja Valbona Roqi nga Rosenheimi, Kryetari i Këshillit të Prindërve, z. Arif Arifaj, koordinatori regjional nga Nürnbergu Armend Ismajli si dhe nxënësja Amra Bardhoci nga Shkolla Shqipe në Freising, përfaqësues të shoqatave, miq të autorit dhe nxënës, të cilët recituan poezi të Mustafë Krasniqit, duke i dhënë veprimtarisë një frymë të veçantë emocionale dhe artistike.

Në fund, në një atmosferë të ngrohtë e miqësore, të pranishmit bashkëbiseduan me autorin mbi historinë e shkollës shqipe në Bavari dhe shumë të gëzuar, pranuan librin e autorit me nga një koment dhe nënshkrim personal të tij.

Aktiviteti tregoi edhe një herë se sa e përkushtuar është diaspora jonë ndaj gjuhës shqipe dhe nevojës që ajo të mbetet gjithmonë një vlerë që bashkon shqiptarët kudo që jetojnë.

Zgjedhjet e Shkollës Shqipe në Bavari (LAPSH Bavari e.V) 19.04.2026

Dje, më datë 19.04.2026 Shkolla Shqipe në Bavari zhvilloi me sukses procesin zgjedhor, një moment i rëndësishëm për vazhdimësinë dhe organizimin e mësimit plotësues në Bavari.

Në këtë aktivitet morën pjesë Konsullja e Përgjithshme e Republikës së Shqipërisë në Mynih, znj. Genta Mburimi, Konsulli i Përgjithshëm i Republikës së Kosovës në Mynih, z. Afrim Nura, duke i dhënë kësaj ngjarjeje një rëndësi të veçantë institucionale.

Procesi zgjedhor u zhvillua në mënyrë të rregullt dhe demokratike, me pjesëmarrjen e disa mësimdhënësve dhe anëtarëve të LAPSH-it.

Pas shkarkimit të kryesisë së kaluar, procesi u monitorua nga Komisioni Zgjedhor, i përbërë nga pesë anëtarë.

Pas numërimit të votave nga Komisioni Zgjedhor, u zgjodhën anëtarët e rinj të kryesisë si më poshtë:

• Milazim Ukaj – Kryetar
• Xhymsh*t Tafa – Nënkryetar
• Avdi Kolukaj – Arkëtar
• Mustafë Krasniqi – Koordinator
• Albana Kasumi Dashi – Zëdhënëse
• Arif Arifaj – Kryesues i Këshillave të Prindërve

Urojmë kryesinë e re për detyrën e marrë dhe suksese në vazhdimin e punës për ruajtjen dhe zhvillimin e gjuhës dhe kulturës shqiptare në Bavari.

Falënderojmë të gjithë pjesëmarrësit për angazhimin dhe kontributin e tyre në këtë proces!

Një falënderim i veçantë shkon për Shoqatën “2 Krenare” për sigurimin e sallës dhe Shoqatën "Iliria Kaufbeuren" së bashku me afaristin Ilir Martinaj nga Kaufbeureni për donacionin me ushqim!

Gëzuar festën e Pashkëve!

Lidhja e Arsimtarëve dhe e Prindërve Shqiptar në Bavari (LAPSH Bavari e.V.) ju uron Pashkët, shëndet, mbarësi e lumturi në shtëpit e juaja.

Paçi një ditë të bekuar!

Me respekt,
LAPSH Bavari e.V.

Me fat Fitër Bajrami të gjithë besimtarëve të fesë islame!

Lidhja e Arsimtarëve dhe e Prindërve Shqiptar në Bavari (LAPSH Bavari e.V.) ua uron të gjithë besimtarëve festën e Fiter Bajramit!

Urojmë që agjërimi dhe lutjet tuaja të jenë pranuar!

Paçi gjithmonë shëndet, begati, hare dhe mirëkuptim në familjet tuaja!

Me respekt,
LAPSH Bavari e.V.

Në kuadër të shënimit të 7 Marsit – Ditës së Mësuesit, disa anëtarë të kryesisë dhe mësimdhënës të Shkollës Shqipe në Bavari zhvilluan një vizitë në Tiranë, ku patën nderin të realizonin takime me përfaqësues të institucioneve shtetërore.

Një nga momentet më të veçanta të kësaj vizite ishte takimi me Presidentin e Republikës së Shqipërisë, z. Bajram Begaj, i cili u zhvillua në Pallatin e Brigadave. Me këtë rast, kryetari i LAPSH-it në Bavari mbajti një fjalim të shkurtër, duke uruar të gjithë mësimdhënësit për festën e 7 Marsit dhe duke theksuar rëndësinë e punës së tyre në ruajtjen dhe kultivimin e gjuhës shqipe te brezat e rinj në diasporë.

Ndër të tjera, u zhvillua edhe një takim me ambasadorin e Republikës së Kosovës në Shqipëri, z. Skënder Durmishi, ku u theksua rëndësia e bashkëpunimit dhe mbështetjes së vazhdueshme për arsimin në gjuhën shqipe jashtë atdheut.
Vizita në Tiranë, pjesëmarrja në festën e Ditës së Mësuesit, e organizuar nga Presidenca e Republikës së Shqipërisë nën patronatin e Presidentit z. Bajram Begaj, takimi me Ambasadorin e Republikës së Kosovës në Tiranë, z. Skënder Durmishi, si dhe me Konsullen Sabrije Grainca, vizita në qytetin historik të Krujës, në shtëpitë-muze të Ismail Kadaresë dhe Dritëro Agollit, pjesëmarrja në “Albanian Night” Show dhe shumë aktivitete të tjera, ishin përvoja të mrekullueshme që do të mbeten gjatë në kujtesën tonë.

Shprehim mirënjohjen tonë të veçantë për Konsullatën e Përgjithshme të Republikës së Kosovës në Mynih dhe Drejtorinë e Diasporës pranë Ministrisë së Punëve të Jashtme të Republikës së Kosovës, për mbështetjen financiare që bëri të mundur realizimin e kësaj vizite. Një falënderim i përzemërt shkon gjithashtu për Konsullatën e Përgjithshme të Republikës së Shqipërisë në Mynih për mbështetjen dhe angazhimin në krijimin e mundësisë për realizimin e këtyre takimeve të rëndësishme.
Gjithashtu, falënderojmë Presidentin e Republikës, z. Bajram Begaj, për dhuratën e çmuar “Vepra poetike” të shkrimtarit tonë të madh, Ismail Kadare.

Kjo vizitë përbën një vlerësim të rëndësishëm për punën dhe përkushtimin e mësimdhënësve të Shkollës Shqipe në Bavari, të cilët vazhdojnë me përkushtim të mbajnë gjallë gjuhën dhe kulturën shqiptare te brezat e rinj që rriten larg atdheut.

Ura e Bashkuar

Për nder të festës së 7 Marsit – Ditës së Mësuesit, anëtarë të kryesisë së LAPSh-it Bavari dhe disa mësues/e zhvilluan një vizitë në Tiranë.

Gjatë qëndrimit në Tiranë u zhvillua një vizitë në Pallatin e Brigadave, ku patën nderin të takohen me Presidentin e Republikës së Shqipërisë, z.Bajram Begaj, ku dhe kryetari i LAPSh-it në Lapsh Bavari z. Milazim Ukaj mbajti një fjalim të shkurtër, duke u uruar të gjithë mësuesëve festën e 7 Marsit.
Gjithashtu u realizua edhe një takim me përfaqësues të Ambasadës së Republikës së Kosovës në Tiranë, me Ambasadorin Skënder Durmishi.

Falenderojmë Konsullata e Përgjithshme e Republikës së Kosovës në Mynih dhe Drejtorinë e Departamentit të Diasporës të Kosovës për mbështetjen financiare.
Një falënderim i veçantë i drejtohet Konsullata e Pergjithshme e Republikës së Shqipërisë në Mynih, për mbështetjen dhe organizimin e mrekullueshëm të kësaj vizite!

Urime 7 Marsi – Dita e Mësuesit!

Respekt dhe mirënjohje për çdo mësues që me përkushtim mban gjallë dijen, gjuhën, kulturën…

Gëzuar festën të gjithë mësuesve!

LAPSh Bavari

Kryetari i LAPSH-it, z. Milazim Ukaj, mori pjesë në podiumin diskutues të organizuar nga Morgen e.V me rastin e Ditës Ndërkombëtare të Gjuhës Amtare më 27 shkurt 2026 në Mynih.

Në këtë aktivitet ishte i pranishëm dhe sekretari i shkollës z. Bashkim Halilaj.
Gjatë diskutimit z. Ukaj prezantoi përvojën dhe rolin e Shkollës Shqipe në ruajtjen e gjuhës dhe identitetit kulturor tek fëmijët e diasporës shqiptare.

Falënderojmë kryetarin z. Milazim Ukaj për prezantimin dhe kontributin e tij!