Germaniya 360

Germaniya 360 Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Germaniya 360, Bildung, Dresden.

Bugun tongda Germaniyaning Friedrich Schiller University Jena olimlari tomonidan o’tkazilgan qiziqarli bir ilmiy tadqiqo...
20/06/2026

Bugun tongda Germaniyaning Friedrich Schiller University Jena olimlari tomonidan o’tkazilgan qiziqarli bir ilmiy tadqiqotni Oxford Academic jurnalida o’qib qoldim.

Tadqiqot Global Burden of Disease (GBD) ma’lumotlari asosida tayyorlangan bo’lib, 1990–2016 yillar davomida ovqatlanish odatlarining yurak-qon tomir kasalliklaridan o’limga ta’sirini tahlil qilgan.

Men uchun eng qiziq joyi shundaki, tadqiqotda Oʻzbekiston haqida ham ma’lumotlar keltirilgan ekan. Tadqiqotning yangilangan hisob-kitoblariga ko’ra, Oʻzbekistonda yurak-qon tomir kasalliklari tufayli yuz bergan o’limlarning qariyb yarmi noto’g’ri ovqatlanish bilan bog’liq xavf omillari hissasiga to’g’ri keladi. Bu ko’rsatkich bo’yicha Oʻzbekiston WHO Yevropa mintaqasidagi eng yuqori davlatlardan biri hisoblanadi.

Bu yerda gap faqat ovqatlanish haqida emas. Tuzni me’yoridan ortiq iste’mol qilish, meva va sabzavotlarni kam iste’mol qilish, yong’oq va urug’larni yetarli darajada iste’mol qilmaslik kabi k***alik odatlar ham uzoq muddatda yurak salomatligiga jiddiy ta’sir ko’rsatishi mumkin ekanligi yozilgan.

P.S. Nemis tilidagi ilmiy maqolalar va jurnallarni mutolaa qilish yuqori til darajasini rivojlantirish uchun eng foydali mashqlardan biri. Til o’rganishdagi eng muhim qoidalardan biri — avvalo o’z ona tilini yaxshi bilish. O’z ona tilida boy lug’at zaxirasiga ega bo’lgan va fikrini ravon ifodalay oladigan inson uchun chet tilida yuqori darajaga erishish ancha oson kechadi.

Germaniyada oylik maoshning ikki xil ko‘rinishi mavjud: Brutto va Netto.• Brutto — bu mehnat shartnomasida ko‘rsatilgan ...
19/06/2026

Germaniyada oylik maoshning ikki xil ko‘rinishi mavjud: Brutto va Netto.

• Brutto — bu mehnat shartnomasida ko‘rsatilgan umumiy oylik maosh. Undan hali soliq va ijtimoiy sug‘urta badallari ushlanmagan bo‘ladi.

• Netto — bu soliq va barcha majburiy to‘lovlar ushlangandan keyin bank hisobingizga tushadigan haqiqiy maosh.

Misol: Agar sizning maoshingiz 2.700€ Brutto bo‘lsa, soliq klassingiz (Steuerklasse) va oilaviy holatingizga qarab qo‘lingizga taxminan 1.800–2.100€ Netto tushishi mumkin.

Lekin bu siz oyiga shuncha pul jamg’ardingiz degani emas.

Germaniyada o‘rtacha yashash uchun uy ijara xarajatlari oylik daromadning 35–50% ini tashkil qilishi mumkin. Bundan tashqari, oziq-ovqat, kiyim-kechak, transport, telefon, internet va boshqa k***alik ehtiyojlar uchun ham oyiga kamida 300–400€ yoki undan ko‘proq mablag‘ sarflanadi.

Shuning uchun Germaniyada yuqori maosh ko‘rinishiga aldanib qolmaslik kerak. Muhimi, Brutto emas, balki qo‘lingizga tushadigan Netto va undan keyin qoladigan jamg‘arma miqdori.

Germaniyada Soliq Klasslari (Steuerklassen).Yuqoridagi postda talaba sifatida ishlaganda qanday soliqlar to’lashingiz mu...
15/06/2026

Germaniyada Soliq Klasslari (Steuerklassen).

Yuqoridagi postda talaba sifatida ishlaganda qanday soliqlar to’lashingiz mumkinligi haqida yozgan edim. Lekin avval Germaniyadagi umumiy soliq klasslari haqida ma’lumot bersam, mavzu yanada tushunarli bo’ladi.

Jami 6 ta soliq klassi (Steuerklasse) mavjud bo’lib, ular asosan shaxsning oilaviy holati va ish faoliyatiga qarab belgilanadi.

• Steuerklasse I
- Bo’ydoqlar, ajrashganlar yoki turmush o’rtog’idan doimiy alohida yashovchilar uchun.

• Steuerklasse II
- Farzandini yolg’iz tarbiyalayotgan ota yoki onalar uchun. Bu klassda qo’shimcha soliq imtiyozlari mavjud.

• Steuerklasse III
- Turmush qurganlar yoki ro’yxatdan o’tgan hayotiy sheriklar uchun. Odatda turmush o’rtoqlardan biri ancha ko’p daromad topganda tanlanadi.

• Steuerklasse IV
- Turmush qurgan juftliklar uchun. Agar er-xotinning daromadlari bir-biriga yaqin bo’lsa, odatda ushbu klass qo’llaniladi.

• Steuerklasse V
- Steuerklasse III bilan birgalikda qo’llaniladi. Odatda daromadi kamroq bo’lgan turmush o’rtoq ushbu klassga kiradi.

• Steuerklasse VI
- Ikkinchi yoki undan ortiq ish joyiga ega bo’lganlar uchun. Ushbu klassda odatda eng ko’p soliq ushlab qolinadi. Bu degani qancha ko’p ishlasangiz shuncha ko’p soliq to’laysiz.

Steuerklasse sizning oylik maoshingizdan qancha soliq ushlab qolinishiga ta’sir qiladi. Ya’ni, bir xil kompaniyada ishlaydigan va bir xil brutto maosh oladigan ikki kishining oilaviy holati turlicha bo’lsa, qo’liga tegadigan netto maosh ham har xil bo’lishi mumkin. Finanzamt sizning oilaviy holatingizga qarab mos soliq klassini belgilaydi.

Germaniyada talaba qanday soliqlar to’laydi?Ko’pchilik o’ylaganidek, Germaniyada „talabalar solig’i“ mavjud emas. Talaba...
13/06/2026

Germaniyada talaba qanday soliqlar to’laydi?

Ko’pchilik o’ylaganidek, Germaniyada „talabalar solig’i“ mavjud emas. Talabalar ham boshqa fuqarolar kabi asosan daromadiga qarab soliq to’laydi.

1. Einkommensteuer (Daromad solig’i)
Agar ishlasangiz va daromadingiz ma’lum chegaradan oshsa, Einkommensteuer to’laysiz. Ishchilarning maoshidan bu soliq odatda Lohnsteuer (ish haqi solig’i) sifatida ushlab qolinadi.

2. Krankenversicherung (Tibbiy sug’urta)
Bu soliq emas, lekin Germaniyada deyarli barcha talabalar uchun majburiy hisoblanadi. Talabalar uchun maxsus tariflar mavjud.

3. Rentenversicherung (Pensiya sug’urtasi)
Ayniqsa Werkstudent sifatida ishlayotgan talabalar ko’pincha pensiya sug’urtasi badalini to’laydilar.

4. Kirchensteuer (Cherkov solig’i)
Faqat rasmiy ravishda cherkov a’zosi bo’lgan shaxslar uchun amal qiladi. (Alhamdilillah bu bizga ta’luqli emas)

5. Solidaritätszuschlag (Solidarlik badali yoki „Soli“)
Hozirgi k***a ko’p talabalar uchun qo’llanilmaydi, chunki u asosan yuqori daromad egalari uchun saqlanib qolgan.

Agar ish beruvchi sizning maoshingizdan ortiqcha Lohnsteuer ushlab qolgan bo’lsa, yil oxirida Steuererklärung (soliq deklaratsiyasi) topshirib, pulingizning bir qismini qaytarib olishingiz mumkin.

P.S.: Ko’proq bilishni istagan mavzularingizni albatta izohlarda yozib qoldiring.

Nemis tilini o’rganishning eng katta foydasi nima deb o’ylaysiz?• Yaxshi ish topishmi?• Germaniyada o’qishmi?• Yoki sert...
09/06/2026

Nemis tilini o’rganishning eng katta foydasi nima deb o’ylaysiz?

• Yaxshi ish topishmi?
• Germaniyada o’qishmi?
• Yoki sertifikat olishmi?

Menimcha, bundan ham muhimroq foydasi bor — dunyoni boshqa nigoh bilan ko’ra boshlaysiz.

Yaqinda germaniyalik siyosatshunos va Yaqin Sharq bo’yicha ekspert Michael Lüdersning bir necha podcastlarini tingladim. Qiziq tomoni shundaki, u aytayotgan barcha fikrlarga qo’shilishingiz shart emas. Lekin nemis tilini bilsangiz, voqealarni bevosita nemis ekspertlari, jurnalistlari va olimlari qanday tahlil qilayotganini esh*tasiz.

Bu esa juda juda ajoyib.

Til bilmagan odam bir voqeani faqat tarjimalar yoki qisqa xabarlar orqali qabul qiladi.
Til bilgan odam esa turli manbalarni solishtiradi, savollar beradi va mustaqil xulosa chiqaradi.

Shu sababli men doim aytaman:
Nemis tilini faqat so’z yodlash yoki grammatika deb qabul qilmang. Bu — 100 milliondan ortiq insonning madaniyati, ilmi, adabiyoti va fikrlash tarziga ochilgan eshik.

Ba’zan bir podcast yoki bir kitob sizga yangi so’zlardan ko’ra ko’proq narsa beradi: yangi savollar, yangi qarashlar va kengroq dunyoqarash.

Har qanday mavzuda bo’lgani kabi, esh*tgan narsangizni tanqidiy fikrlash bilan qabul qiling. Bir nechta manbalarni o’qing, turli nuqtai nazarlarni tinglang va o’z xulosangizni o’zingiz chiqaring.

Til o’rganishning asl maqsadi ham shunda bo’lsa kerak:
Faqat boshqa tilda gapirish emas, balki boshqa dunyolarni tushunishni o’rganish.

Nemis tili o‘qituvchisini qanday tanlash kerak?Bugungi k***a nemis tilidan dars beradigan o‘qituvchilar ko‘p. Ammo ularn...
01/06/2026

Nemis tili o‘qituvchisini qanday tanlash kerak?

Bugungi k***a nemis tilidan dars beradigan o‘qituvchilar ko‘p. Ammo ularning barchasi ham bir xil darajada samarali emas. Nemis tilini yaxshi bilish va uni yaxshi o‘qita olish — ikki xil mahorat.

O‘qituvchini tanlashda quyidagilarga e’tibor bering:

• Pedagogik tayyorgarligi bormi?
Tilni o‘qitish metodikasini biladimi yoki faqat o‘zi tilni yaxshi biladimi?

• O‘quvchilarining natijalari qanday?
Shogirdlari Goethe, telc yoki TestDaF kabi imtihonlarni topshirganmi?

• Darslari tizimlimi?
Reja, uy vazifasi, test va muntazam nazorat mavjudmi?

• Sizni gapirishga undaydimi?
Til o‘rganishda eng muhim ko‘nikma — amaliyot. Darsda asosan siz gapirishingiz kerak.

• Sertifikati bormi?
Kamida C1, ideal holatda C2 darajadagi sertifikatlar o‘qituvchining til bilimini tasdiqlaydi.

• Sinov darsida nimalarni his qildingiz?
Darsdan keyin yangi bilim oldingizmi? Xatolaringiz ustida ishladimi? Motivatsiyangiz oshdimi?

Yaxshi o‘qituvchi — murakkab mavzularni sodda va tushunarli qilib yetkazib bera oladigan, o‘quvchini natijaga olib chiqadigan ustozdir.
Nemis tilini mukammal biladigan har bir inson ham yaxshi o‘qituvchi bo‘lavermaydi.

P.S.: Bu postni nemis tilini o‘rganayotgan yaqinlaringiz bilan ham ulashing.
Tez kunlarda nemis tilini onlayn o‘rganayotganlar va o‘rganmoqchi bo‘lganlar uchun ajoyib yangilik bor!

Ba’zi videolarni ko‘rib qolaman — Germaniyaga kelganini olamshumul voqeadek nishonlab, ommaga ulashishadi.Bilasizmi, Ger...
19/05/2026

Ba’zi videolarni ko‘rib qolaman — Germaniyaga kelganini olamshumul voqeadek nishonlab, ommaga ulashishadi.

Bilasizmi, Germaniyaga yoki O‘zbekistondan ta’lim va ijtimoiy hayot sifati yuqori bo‘lgan boshqa davlatlarga borishni ko‘pchilik uddalashi mumkin. Buning uchun o‘sha davlat tilini o‘rganish va biroz harakat qilish yetarli. Ammo aynan o‘sha rivojlangan davlatlarda tahsil olib, akademik darajadagi ishlarda ishlab, tajriba orttirib, keyin O‘zbekistonga qaytib, o‘sha yerda o‘z hissasini qo‘shayotgan vatandoshlarimiz faxrlanishga haqli. Aslida, ular qahramonlar.

Bunday insonlar orasida bir qancha do‘stlarimiz ham bor. Masalan, Zarif Ibrogimov — matematika bo‘yicha juda ko‘plab mahalliy va xalqaro olimpiadalar sovrindori. Magistraturani Germaniyada, PhD’ni esa Shveysariyaning Bern universitetida tamomlagan. Hozirda esa O‘zbekistonga qaytib, talabalarga matematika fanidan dars bermoqda.

Yana Jamshid Karimov — nemis tilida O‘zbekiston va Markaziy Osiyo uchun taqdim etiladigan men bilgan deyarli barcha dasturlarni yutgan. Nemis tilini ham juda yuqori darajada biladi. Ammo ular Germaniyada qolishni tanlamadi. Oila bag‘rida bo‘lish eng yaxshi ekanini anglagan insonlar.

Bilasizmi, meni nima qiynaydi? Chetga chiqishning sharaf, trend yoki qandaydir yutuq sifatida targ‘ib qilinishi. Aslida bu havas qiladigan holat emas, balki jamiyatdagi juda og‘riqli nuqtalardan biri.

DAAD stipendiyasi orqali bu imkoniyatni qo‘lga kiritishingiz mumkin! Kimlar topshira oladi:• Mazkaziy osiyo mamlakatlari...
08/04/2026

DAAD stipendiyasi orqali bu imkoniyatni qo‘lga kiritishingiz mumkin!

Kimlar topshira oladi:
• Mazkaziy osiyo mamlakatlari fuqorolari
• Bakalavr (Master uchun) yoki Magistr (PhD uchun) bitiruvchilari

Til talabi:
• IELTS 6.0 – 6.5+ (ingliz dasturlar uchun)
• yoki nemis tili sertifikati

Stipendiya nimalarni qoplaydi:
• 934€ gacha oylik stipendiya
• Aviachipta
• Tibbiy sug‘urta
• Yashash xarajatlari

Deadline:
Odatda oktyabr – dekabr oralig‘ida

📌 Muhim:
Har bir dasturda talablar farq qiladi, shuning uchun rasmiy sahifani albatta tekshiring! Manba telegram kanalinizda.

Germaniyaga kelishni istaganlar ko‘pincha ijtimoiy tarmoqlarda bir xil savollarni berishadi:“Aka, Germaniyaga qanday bor...
25/02/2026

Germaniyaga kelishni istaganlar ko‘pincha ijtimoiy tarmoqlarda bir xil savollarni berishadi:
“Aka, Germaniyaga qanday borgansiz?”, “Qanday kelsa bo‘ladi?”, “Yozda Germaniyaga boryapman — nimadan boshlay?”, “Qancha pul topasiz?”, “Ishlab o‘qib qancha topsa bo‘ladi?” va shu kabi savollar juda ko‘p uchraydi.

Albatta, Germaniyaga kelish masalasida kimdandir maslahat so‘rash — yaxshi narsa. Lekin savolni ham madaniyat va hurmat bilan berish muhim. Google orqali osongina topish mumkin bo‘lgan savollarni berishdan avval, iltimos, o‘zingiz mustaqil izlanib ko‘ring.

Shaxsiy tavsiyam: agar biror ishga jiddiy kirishmoqchi bo‘lsangiz, kimdandir savol so‘rashdan oldin kamida 10 soat vaqt ajratib, mavzuni chuqur o‘rganing. “O‘rganish” deganda faqat Instagram yoki YouTube’dagi reels ko‘rishni nazarda tutmayapman. Rasmiy internet saytlarni o‘qing, mutaxassis va bilimli insonlarning batafsil videolarini tomosha qiling.

Tushunmagan joylaringiz qolsa, shundan keyin savol bering. Shunda siz javob berayotgan insonning vaqtini ham hurmat qilgan bo‘lasiz va savolingizga aniq hamda foydali javob olish ehtimoli ancha yuqori bo‘ladi.

|

Der Gebrauch des unbestimmten ArtikelsNoaniq artiklning ishlatilishi (ein / eine)Nemis tilida noaniq artikl quyidagi hol...
12/02/2026

Der Gebrauch des unbestimmten Artikels
Noaniq artiklning ishlatilishi (ein / eine)

Nemis tilida noaniq artikl quyidagi holatlarda ishlatiladi:

1. Narsa yoki predmet haqida birinchi marta gapirilganda
Agar predmet ham so‘zlovchiga, ham tinglovchiga noma’lum bo‘lsa:

Das ist ein Auto.
(Bu — bir mashina.)

Er liest einen Roman.
(U bir roman o‘qiyapti.)

Dort steht ein Schrank.
(U yerda bir shkaf turibdi.)

2. “haben”, “brauchen” fe’llaridan va “es gibt” iborasidan keyin
Ot birlikda va Akkusativ kelishigida noaniq artikl bilan ishlatiladi:

Ich habe einen Computer.
(Menda bir kompyuter bor.)

Sie braucht eine Handuhr.
(Unga bir qo‘l soati kerak.)

Neben dem Haus gibt es einen Garten.
(Uyning yonida bir bog‘ bor.)

3. Ot-kesim bo‘lib kelgan bosh kelishikdagi ot oldidan aniqlovchi turganda

Er ist ein erfahrener Lehrer.
(U tajribali o‘qituvchi.)

Samarkand ist eine alte Stadt.
(Samarqand qadimiy shahar.)

4. Ikki predmet “wie” (kabi, xuddi) orqali qiyoslanganda
Noaniq artikl Nominativ kelishigida ishlatiladi:

Umar läuft wie ein Sportler.
(Umar sportchidek yuguradi.)

Diyora singt wie eine Sängerin.
(Diyora qo‘shiqchidek kuylaydi.)

Eslab qoling:
ein – maskulin / neytral
eine – feminin

|

Adresse

Dresden

Website

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Germaniya 360 etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Verknüpfungen

Teilen

Kategorie