Kurdisch - Deutsch

جلوبەرگی کوردی - چیایی

فۆرمە جیاوازەکانی جلی کوردی شار

مەترسیدارترین هەرەشە لەسەر ئاسایشی نیشتیمانی، نەبوون و لاوازی رۆلی پەرلەمانە
گەورەترین دوژمن بۆ هەر نەتەوەیەک رێزنەگرتنە لە ئیرادەی خەلک ، و قبولنەکردنی جیاوازیەکانە.

ئەمرۆ ٦٦٦ رۆژ تێدەپەرێت بەسەر دواین هەلبژاردنی پەرلەمانی لە هەرێمی کوردستان.

پایسکیل؛ هۆکارێکی کۆن، هێشتا هەڵبژاردەی داهاتووە

مێژووی مرۆڤایەتی پڕە لە گۆڕانکاری لە هۆکارەکانی گواستنەوە: لە ئەسپ و عەرەبانەوە بۆ ئۆتۆمبێل، شەمەندەفەر و فڕۆکە. بەڵام لەناو هەموو ئەم گۆڕانکارییانەدا، پایسکیل زیاتر لە دوو سەدەیە هێشتا شوێنی خۆی پاراستووە و خۆی لەگەڵ گۆڕانی سەردەمەکاندا گونجاندووە؛ لە پایسکیلی شاری و وەرزشییەوە بگرە تا پایسکیلی کارەبایی و بارهەڵگر.

لە سەدەی بیستەمدا لە گەل بڵاوبوونەوەی ئۆتۆمبێل، زۆر کەس پێیان وابوو پایسکیل بەرەو نەمان و لەناوچوون دەروات. بەڵام پێچەوانەکەی ڕووی دا: قەیرانی گەرمبوونەوەی زەوی، پیسبوونی هەوا، جەنجالی شارەکان، قەرەباڵغی هاتوچۆ و گرنگیدان بە تەندروستی، وای لە شارە گەورەکان کرد بگەڕێنەوە بۆ پایسکیل وەک بەشێکی سەرەکی پلانی ژینگەیی و شارسازی.

ئەمڕۆ زۆربەی شارە پێشکەوتووەکانی جیهان باوەشی بۆ پایسکیل کردۆتەوە ، ڕێڕەوی تایبەت، پارکینگی تایبەت، پرد و تونێلی تایبەت بۆ پایسکیلسواران دابین کردووە،

شارە پێشەنگەکان ، هۆڵەندا (بە تایبەت ئەمستەردام)، دانمارک (کۆپنهاگن)، لەگەڵ ئۆترێخت، مالمۆ و فرایبۆرگ، لە پێشەوەی ئەو بزووتنەوە ژینگەدۆستیە دان ، لەوێ پایسکیل تەنها ئامرازێکی وەرزش کردن نییە، بەلکو بەشێکی ژیانی ڕۆژانەیە بۆ قوتابی، مامۆستا، کارمەند و بازرگان و زۆربەی پیشەوەران.

باشیەکانی پایسکیل : سادەیی، تەندروستی، هەرزانی، ژینگە دۆستی، بێ دووکەڵ و دەنگی کەم، شوێنی کەمتر داگیر دەکات، ئاسانی پارکین کردن .
کێشەکانی: لە کەشوهەوای خراپدا لێخورینی زەحمەتە، بۆ مەودای زۆر دوور نابێت، لەهەموو شوێن و شارێک رێرەوی سەلامەت بۆ پایسکیل نیە.

کورت و پوخت : لەگەل ئەوەی جیهان بە خێرایی پێش دەکەوێت و پایسکیلیش خێراترین هۆکاری گواستنەوە نییە، و سەرباری هەموو گۆڕانکارییەکان، هێشتا پایسکیل یەکێکە لە باشترین، هەرزانترین، تەندروستترین و ژینگە دۆسترین هۆکاری گواستنەوە.
ئەگەر ناچاری ئۆتۆمبێلیت قەینا، ئەگەرنا بە پایسکیل لێخورین دەتوانین تەندروستر بین و ژینگەی شار و ولاتیش پاکتر و جوانتر بکەین !

تۆ دەلێی چی 🤔؟

سەرەرای خەمی خۆمان، دڵمان لەگەل بەرلینە
بیر و هەستمان لەگەڵ بریندارەکان و بنەماڵەی ژنە قوربانیەکەیە
ئەلمانیا جێگەی بۆ تیرۆر و تیرۆریزم نیە، تونرەوی، کاری دۆراو و ترسنۆکەکانە

دەردەدڵ!

لە مانگی داهاتووەوە بە ئەگەری زۆر پارەی جۆبسەنتەرم دەبڕدرێت، چونکە یاساکانی نوێ منیشیان گرتۆتەوە.

لە ئێستادا خەریکی ئامادەکاریم بۆ تاقیکردنەوەی زمان، هەروەها بەدوای ئاوسبیلدونگدا دەگەڕێم لە بواری باخەوانی، پلانسازی باخچەی شار، یان هەر بوارێکی تایبەت بە پاراستنی ژینگە. بەڵام دۆزینەوەی کار یان ئاوسبیلدونگێکی گونجاو بۆمن ، کارێک کە لەگەڵ من بگونجێت و بتوانم ئەنجامی بدەم بۆ من زۆر زەحمەت بووەتەوە.

لەگەل جۆبسەنتەر زوو زوو تێکگیر دەبین، هەست دەکەم ئەوان من وەک کەونە رۆبۆتێکی ئیشکردن دەبینن نەک مرۆڤ، من مرۆڤم و سەربەرزم بە خۆم و بڕوای خۆم.
باوەر و ئاشتیخوازی و ئازادیخوازیم لەژێر هیچ فشارێکدا نادۆڕێنم؛ بڕوا و دژایەتیم بۆ گەندەلی و جەنگ تەنها بۆچوونێکی سەرپێیی نییە، بەڵکو لە ئەزموونی ژیانمەوە هاتووە. لەژێر هیچ فشارێکدا سەرکز نابم ، نابمە کۆیلە یان دارودەستەی کەس.

حەزم لە ژیانی ئەلمانیایە، و بە زۆر شتی ئێرە دڵخۆشم، بەڵام ئەزموونی کارکردن لێرە بۆ من ئاسان نەبووە. هەولدەدەم جێگەم ببێتەوە لێرە، ئەگەر هەر زۆرم بۆ بێت و هیچ ڕێگایەکی کارکردن و ژیانم بۆ نەمێنێتەوە، ناچارم و بۆ هەناسەی ژیان دەگەڕێمەوە بۆ گوندی گردعازەبان یان هەولێر ، شت بە زۆری ناکرێت و دۆخی ناچاری قبوڵ ناکەم.

سوپاسگوزاری ئەڵمانیام، تا ئەوکاتەی لەسەر رێگە باشەکەی خۆیەتی 🌸🪶

هێمن کوردۆ - کریفێلد

چۆن ئەڵمانیا بووە نەتەوە

ئەلمانیا بۆ سەدان ساڵ فرە پاشایی بوو، هەر میرنشینێک پاشا و بنەمالەی خۆی هەبوو، خەڵکیش خۆیان بە هاولاتی میرنشینەکەی خۆیان دەزانی نەک “ئەڵمانی”. زمانی فەرەنسی زۆر بەرزتر لە زمانی ئەڵمانی سەیر دەکرا.

لەم کاتەدا، هەندێک بیرمەندی ئەڵمانی دژی بە کەم سەیرکردنی زمانی ئەلمانی و کتوری ئەلمانی وەستانەوە.
رۆشەنبیرێکی وەک یۆهان گیۆرگ هامان
و دواتر یۆهان گۆتفرید هێردەر زۆر رۆلیان هەبوە لە زیندوو هێشتنەوەی زمان و کلتوری ئەلمانی،

هامان دەیگوت زمان خودی بیرکردنەوەیە.

هێردەر ئەم بیرۆکەیەی گەشەپێدا و بۆ یەکەمجار وشەی “گەل” (Volk)ی بەکارهێنا بە مانای هاوبەشی زمان، مێژوو، بیر و کولتوور، بەبێ هیچ مەبەستێکی ڕەگەزپەرستی.
هەروەها چەمکی Volkheist

کاتێک ناپلیۆن ئەڵمانیای داگیر کرد، خەڵک بۆیان دەرکەوت بنەمالەی پاشاکان سازشکارن و گوێ بە خەلک نادەن ، بۆیە بیرۆکەی “گەل و زمانی هاوبەش” بووە هۆکاری نوێی یەکبوونیان.

لە ١٨٧١، بیسمارک ئەڵمانیای یەکخست. بە تێپەربوونی کات بیرۆکەی “گەل” لە مانای زمان و کولتوورەوە گۆڕا بۆ مانای “خوێن و ڕەگەز”.
دوای شەری یەکەمی جیهانی و خراپی ئابووری، ئەم گۆڕانە خێراتر بوو و نازییەکان ئایدیای گەلی کرد بە بنەمای رەگەزپەرستی، کە تەواو جیاواز بوو لە مەبەستی هامان و هێردەر
ئەوان نەتەوەی کلتوریان گۆری و کردیانە نەتەوە رەگەز

کێ زیاتر ئەلمانە و کێ کەمتر

دوای ١٩٤٥، ئەڵمانیا بیرۆکەی خوێن و ڕەگەزی فەرامۆش کرد و لەجیاتی ئەوە، نەتەوەی خۆی لەسەر بنەمای دەستور و مافی مرۆڤ و هاولا⁩تی بوون دارشتەوە

وانەیەک لە مێژوو
پاراستنی زمان و کلتور پاراستنی ئەقل و بیرکردنەوە و شوناستە، نەتەوە بەبێ پارێزگاری کلتور و زمان و یەکخستنەوەیان دروست نابێت
وانەیەکی تر: پاراستن و پارێزگاری نەتەوە و خەلک ئەگەر بە ئەقلانە نەکرێت ، ئەم پارێزگاریە خۆی دەبێتە هۆی هەرەشە و ئاژاوە.

سلاو هاورێیان

جیهازی راوتەری ئینتەرنێتی مالەوەم نزیکەی شەش مانگە کار ناکات
دەستگەیشتن بە تیمی سێرفسی O2 قورس و ئالۆزە
مانگانە ناچارم پارە بدەم و بەبێ ئەوەی ئینتەرنێتم هەبێت
کە دەمەوێ بگەمە تیمی سێرڤس ، هیچ یەکێک لە بنکەکانی O2 نایگرنە ئەستۆ
بنکەکانیان تەنها بۆ گرێبەست و پارە وەرگرتنتە
خزمەتگوزاری چاکردنەوە هەنگاوی ئالۆزە بۆ من بە تەلەفۆن و ئۆنلاین
کێ زانیاری هەیە و چارەسەری ئاسانتری لەلایە؟