Domowina e.V. - Rěcny centrum WITAJ Chóśebuz

Startseite
Deutschland
Cottbus
Domowina e.V. - Rěcny centrum WITAJ Chóśebuz

sorbische Sprache, Lehrmaterialien, Projektarbeit, wissenschaftliche Arbeit, Zeitschriften, Bildung

01/10/2026

Common Voice-projekt za dolnoserbšćinu jo se pśedstajił

Pónjeźele, 28. septembra 2026 jo se w ramiku pósejźenja kružka fachowych póraźowarjow RCW pśedstajił Common Voice-projekt za dolnoserbšćinu. Common Voice jo iniciatiwa firmy Mozilla za małe rěcy. Naźěłajo se datowa tšocha awdijowych datajow na zakłaźe open source. Rěc póznawański model dej pó móžnosći wjele powědarjow rozměś. Togodla musy rěcnodatowa tšocha wjele wšakich wósobow reprezentěrowaś. Zajmce, ako kśě swój głos nagrawaś a toś tomu projektoju k dispoziciji stajiś, mógu se pśizjawiś w Rěcnem centrumje WITAJ Chóśebuz. Tam dostanu krotke rozpokazanje. Nagrawanja mógu se doma pśewjasć. Za to se płaśi honorar.

01/10/2026

Płomje 10-2026 jo wujšło!

To jo mjazy drugim w oktoberskem wudaśu:

• Žycymy wjele wuspěcha w Chorwatskej!
• Chto pśiźo sobu na chódośiny koncert?
→ wulicowanje teke za wótsłuchanje!
• Comic „Feliks a Florian“
• Memory: drastwa (1. źěl)
• Wokablowe kórtki: zwěrjeńc (2. źěl)
• Pśirodne barwjenje ze źiśimi
• Bobry, wudry a nutrije
• Lubomyśl a Złotnik (źěl 2/2)
• Rěcny centrum WITAJ jo 25 lět stary!
• Witaj-camp 2026
• Zwucowanja, žorty a wěcej!

21/09/2026

Bijadła z cełego swěta su zazněli w Picnju

Srjodu, 16.09.2026 jo na wuknice a wukniki Mozaikoweje šule w Picnju cakało wósebne muzikaliske pśedstajenje w ramiku Serbskego familijowego dnja Rěcnego centruma WITAJ. W sportowej hali jo Serbski ludowy ansambel pśedstajił „Bubon Berta“. Ten koncert z perkusijnymi instrumentami z cełego swěta słuša k nejwěcej woblubowanym kusam SLA. Wěcej ako 150 źiśi jo se za to dopołdnja zejšło. Pśiwitałej stej jich w serbskej a nimskej rěcy ceptaŕka za serbšćinu Stephanie Heinzowa a Katrin Lehmannojc, projektowa wobźěłaŕka chóśebuskego Rěcnego centruma WITAJ.

17/09/2026

Kradu wjele źiśi jo se wobźěliło na Šuli w zelenem

Wěcej ako 80 źiśi z pětego lětnika jo se zachadny tyźeń wobźěliło na Šuli w zelenem w Bórkowach. Pśenocowali su w tamnej młodowni, tak ako južo w zachadnych lětach.
Wukniki a wuknice su se rozrědowali do dweju pśeběgowu, w kótarymaž su dožywili samski program. Ten njejo jano wobstał z rěcnych zwucowanjow, ale jo teke zapśěgnuł rejowańske a muzikowe źěłaŕnicki, cołnowanje pó Błotach a wulět z „Rumpelgustu“ do muzeja pód gołym njebjom na Lědach.
Na prědnem pśeběgu, wót pónjeźelego do srjody, su se wobźělili šule „Regine Hildebrandt“ z Chóśebuza, Mozaikowa šula z Picnja, Krabatowa šula z Janšojc a šula „Mina Witkojc“ z Bórkow.
Šula „Wilhelm Nevoigt“ a UNESCO-projektowa šula, wobej z Chóśebuza, žylojska Lutki-šula a šula „Mato Kosyk“ z Brjazyny su byli w drugem pśeběgu wót srjody do pětka.

01/09/2026

Płomje 09-2026 jo wujšło!

To jo mjazy drugim w septemberskem wudaśu:

• Zgubjony kluc
→ wulicowanje teke za wótsłuchanje!
• Źom nakupowat
→ baseń teke za wótsłuchanje!
• Comic „Na wobswětlonych sćažkach“ (slědny źěl)
• Memory: sad (3. źěl)
• Wokablowe kórtki: zwěrjeńc (1. źěl)
• Rumańk
• Dolnoserbske pismojstwo
• Praga a Karl IV.
• Balokopaŕski turněr na Górach
• Serbske cytańske wuběźowanje 2026
• Zwucowanja, žorty a wěcej!

01/07/2026

Płomje 07/08-2026 jo wujšło!

To jo mjazy drugim w prozninskem wudaśu:

• Myška a slinik
• Myšy
→ wobej fabuli teke za wótsłuchanje!
• Comic „Feliks a Florian“
• Memory: sad (2. źěl)
• Wokablowe kórtki: wognišćo (2. źěl)
• Tutawka/digitalis
• Lubanice
• „Zgubjone a namakane” – premjera w žylojskej Witaj-źiśowni
• Dopomnjeńki na lěśojski dowol
• Pśigótujomy limonadu z mjodom
• Zwucowanja, gódańka, žorty a wěcej!

12/06/2026

Su 25 lět Rěcny centrum WITAJ swěśili

Stwórtk, 11.06.2026 jo se wótměł lětosny Źeń serbskich pedagogow w klubowni Dolnoserbskego internata. Rownocasnje jo chóśebuski RCW swěśił swójo 25-lětne wobstaśe. Dogromady jo 50 luźi se wobźěliło na zarědowanju. Pó swěźeńskich nagronach wjednice RCW dr. Beaty Brězanoweje, wótrědnika Bernda Melchera a pśedsedarja Domowiny Dawida Statnika jo slědował kradu wótměnjaty program z wustupom rejowańskeje kupki, zgromadnym spiwanim a pśewšo luštnym skečom, w kótaremž stej dwa sobuźěłaśerja Rěcnego centruma WITAJ głownu rolu měłej. Pśi bufeśe z dobreju tortu su gósći intensiwnje do rozgrona pśišli.

05/06/2026

Drugi balokopaŕski turněr wuknikow serbšćiny

Srjodu, 3. 6. 2026 jo se wótměł drugi Witaj-turněr w balokopanju wuknikow serbšćiny 5. a 6. lětnika w Dolnej Łužycy. Na njen stej pśepšosyłej Rěcny centrum WITAJ Chóśebuz a towaristwo „Serbske koparje“. Sedym šulow jo pósłało mustwa k wuběźowanju: Dolnoserbski gymnazium Chóśebuz, Zakładna šula „Krabat“ Janšojce, UNESCO-projektowa šula Chóśebuz, Zakładna šula „Mato Kosyk“ Brjazyna, Zakładna šula „Lutki“ Žylow, Zakładna šula „Wilhelm Nevoigt“ Chóśebuz a Zakładna a wuša šula „Mina Witkojc“ Bórkowy. Mustwo ze Šulskego centruma „Dr. Albert Schweitzer“ Wětošow jo tenraz jano pśiglědowało a buźo pśiducy raz pódla. Wšykne su wjelgin fairnje a weto z wjelikim wójowaŕskim duchom grali. K drugemu razoju jo brjazyńske mustwo sebje dobyśe zasłužyło a jo z pokalom domoj jěło. Kužde mustwo jo dostało wopismo a jadno WM-balo. Teke drugi turněr jo se wjelgin derje raźił.

01/06/2026

Płomje 06-2026 jo wujšło!

To jo mjazy drugim w junijowem wudaśu:

• Pótajmne gumno
→ wulicowanje teke za wótsłuchanje!
• Comic „Na wobswětlonych sćažkach“
• Memory: sad (1. źěl)
• Wokablowe kórtki: wognišćo (1. źěl)
• Smjerź/janowe zele
• Mjatelowy projekt
• Carl Blechen a jogo wuměłske twóŕby w Barlinju
• Lězenje – mój hobby
• Nadejźeńske drogowanje pó Špańskej
• Zwucowanja, gódańka, žorty a wěcej!

04/05/2026

Płomje 05-2026 jo wujšło!

To jo mjazy drugim w majskem wudaśu:

• Mały wumóžnik tśmjela
→ wulicowanje teke za wótsłuchanje!
• Comic „Feliks a Florian“
• Memory: grajki (3. źěl)
• Wokablowe kórtki: pjenjeze (2. źěl)
• Mlac
• Akordeon – instrument lěta 2026
• Kak muzika nas wobwliwujo
• Měchowe sykorki
• Dolnoserbske pismojstwo (6. źěl)
• Bórkowy w Błotach – móje dopomnjeśa
• Zwucowanja, gódańka, žorty a wěcej!

Adresse

Sielower Straße 39
Cottbus
03044

Telefon

+35548576440

Website

https://www.witaj-sprachzentrum.de/

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Domowina e.V. - Rěcny centrum WITAJ Chóśebuz etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.