Sayed Assem - German Trainer

** خدعوك فقالو:

1️⃣ ف الألماني كل ما يُكتب، يُنطق

2️⃣ مش مهم تنطق كويس اوي المهم تتكلم بسرعه

3️⃣ عادي لو نطقك وحش ف الاول ومع الوقت نطقك هيتحسن

** الحقيقه والواقع:

🔗 لو نطقك حلو، هتلاقي احترام وهتعرف تثبت نفسك ف مجال الالماني وهتقدر تظهر بسهوله حتي لو ناس كتير بتنكر ده

طب السؤال الأهم إزاي أهتم بنطقي من البدايه ؟؟

لو عايز تهتم بنطقك من البدايه عشان متجيش قدام الموضوع يبقي صعب عليك اكتبلي ف التعليقات كلمه
(Aussprache)

وهقولك ع لينك هيخلي نطقك من البدايه زي الألمان 🇩🇪

📌وانت بتعمل إنترڤيو بالألماني .. جرب ال Trick دي لو عملتها ف اي انترفيو مع أجدعها HR هتخليك انت الGesprächsführer يعني اللي ممشي الحوار مش هو :

1️⃣ قبل اي حاجه مينفعش تدخل انترفيو وانت حافظ صم مش فاهم عشان هتتقفش

2️⃣ وانت بتجاوب خلي بالك جدا من الاجابه والمعلومات اللي بتقولها عشان دلوقتي أغلبيتهم بيطلعو أسأله من الردود بتاعتك .. يعني مثلا لو قلتله

In meiner Freizeit mag ich lesen.

ع طول من غير ماهو يفكر هيرزعك سؤال

Was lesen Sie gern ?

🪝ف خليك أنت أصيع منه و إعمل كالاتي:

3️⃣ حضر قبلها قصه تنفع ك كتاب 📕روايه 📖
فيلم 🎦 مسرحيه 🎭 وأرمي الجُمله اللي فوق وانت بتعرف نفسك مثلا، ف هو هيسالك فيها ويُفضل متكونش حاجه مشهوره عشان ميكترش معاك ف الاساله فيها وبالتالي انت خليته يسألك السؤال الي انت عايزه ..

4️⃣ لازم تكون فاهم الكلام اللي انت بتقوله ومينفعش تكون حافظ صم وخلاص عشان هتتفقس وركز ع تنوع الأسلوب

5️⃣ بكده يامعلم انت رميتله الطُعم وخليته يسألك السوال اللي انت أصلا محضرله كويس وهتحس بثقه وانت بتتكلم

🗂️ لو عندك أي مشكله ف الانترفيوز بالألماني اكتبلي ف الcomments وهساعدك تحلها 💪
LG,
Sido 🇩🇪

قصه نجاح جديده 🇩🇪

بس المره دي مش ف مجال الكول سنتر ألماني، بل ف مجال السياحه باللغه الالمانيه مع احدي شركات السياحه ف مصر رافع راسنا الشاب المجتهد محمد من مصر
بال positives Feedback عن استخدامه للغه الالمانيه ف الشغل .. فخورين بيك يامحمد و عقبال نجاحات اكبر ان شاء الله 💪❤️

انتظرو باقي طلابنا وهما مكسرين الGerman Markt ف مصر ❤️👏

لو عايز تتكلم ألماني وحش إعمل الاتي:

١- اتعلم الكلمه او الفعل من غير ما تحطهم ف مثال من دماغك

٢- متهتمش ب النطق أصلا وارزع اي نطق وخلاص او انطق إنجليزي اسهل

٣- خود كورس مكثف ٩ ايام ف الاسبوع عشان تسحل نفسك فقط بدون ماتذاكر

٤- إجري ورا كتب ومدرسين تعلم الالمانيه ف ٣ ليالي شامل أكوزاتيڤ داتيڤ جينيتيڤ .. ياراجل ده رحلات دهب بتقعد اكتر من كده

LG,
Sido 🇩🇪

خليك انت كده كل ما تتمرقع ف مذاكره الألماني، تديها واحده:

"ياعم ده اهل اللغه نفسهم مش C1"

قصه نجاح جديده ل شاب 18 سنه فقط ربنا يحميه 🇩🇪

يوسف طه (چو) فخر محافظه دمياط ❤️

چو ده حكايته حكايه .. حضر معانا ف الأكاديمي مستوي B1 ألماني اونلاين فقط بدون كورسات تحضير زياده

بالرغم دراسته بعيده عن الالماني بس اجتهاده وشغله ع نفسه بعد توفيق ربنا طبعا وصله ل نطق شياكه واستخدام Redemittel جامد وتوظيف للي بنتعلمه كل سيشن وكان فاكر انه يشتغل كول سنتر بالالماني صعبه بس كنت بقوله ياچو انت تدخل تعلم ع اي HR بالنطق واللغه بتاعتك وهتشوف

ماشاء الله ربنا وفقه ف شغل بالالماني ف احدي شركات الكول سنتر ف مصر وانا واثق انه هيكسر الدنيا ف مصر و ألمانيا .. فخورين بيك يا چو وعقبال نجاحات اكبر …

لو التزمت بمذاكره المحتوي ف كورساتنا الاونلاين مش هتحتاج اي كورسات زياده، انت بس لاحق ورانا وذاكر اول بأول لاننا بنحط خبراتنا كلها ف محتوي كورساتنا 💪

انتظرو باقي طلابنا وهما مكسرين الGerman Markt
ف مصر ❤️👏

عشان تتكلم ألماني بطلاقه = لازم تتكلم بسرعه !!

الكلام ده غلط تماما ومش بس ف الالماني ده ف اي لغه .. ليه بقي؟ ❌❌

1️⃣ لان اللغه أداه تواصل هدفها تفهم وتتفهم بوضوح وبدون تعقيد

2️⃣ السرعه مهاره حلوه بس مش أساسيه نهائي ولكنها من الكماليات

3️⃣ متنبهرش باللي بيتكلم بسرعه لأنه استحاله يتكلم بسرعه ف اي موضوع، هو بس متدرب 100 مره ف بقي شبه حافظ بيقول ايه ولو طلعته برا الي بيتكلم فيه هيتكلم ببطئ وممكن يتهته كمان

4️⃣ كتير جدا بيتكلمو بسرعه وبياكلو الكلام ونطقهم لا يُطاق ع الودن وبيبقو غير مفهومين اطلاقا

📌💡🪩 طيب مطلوب منك ايه عشان تتكلم بطلاقه ؟؟

1️⃣ تنطق نطق نضيف

2️⃣ تكون جمله نحويه صحيحه

3️⃣ تستخدم تعبيرات وجُمل مختلفه ومتقفش عند كام كلمه وكام فعل مش عارف غيرهم

4️⃣ فهمك للنصوص المكتوبه والمسموعه يطور كل ما مستواك يعلي

اخيرا لو عندك مشكله ف اي نقطه من الي ذكرتهم اكتبلي ف الcomments وهرشحلك ماتريال وطريقه مذاكره تساعدك توصل لهدفك ❤️

محتوي الالماني الفتره الاخيره بقي منتشر اوي فيديوهات:

١- ممنوع تقول كذا وارزع كذا

٢- ف الشارع بيقولو معرفش ايه ويكأن الالمان ف الشارع بيتكلمو لاويندي

٣- عشان تتكلم C2 ارزع فعل كذا بدل كذا إلى آخره..

💡بما اني عيشت وسط الالمان واتعاملت معاهم ع السماعه كتير أأكدلك ان كل ده هبد هبد هبد و اللي بيعملو الفيديوهات دي نطقهم مش الماني .. بينطقوا يوناني تقريبا واتحدي اي واحد منهم يتكلم fluent بدون تقطيع

💡ف انت ك متعلم مستواك A1, A2 بتتخض وتحس انك مقصر ف ماتسمعش كلام الناس دي نهائي دول عايزين ريتش فقط صدقني الالمان والمدرسين الفاهمين بيفقسوهم من اول ما يفتحو بوقهم

ف انت ف رحلتك مع الالماني ركز بس ع الاتي :

١- اتقان بناء الجمله بشكل سليم شفويا وكتابيا

٢- تقليد نطق الالمان ع قد ما تقدر

٣- تقليل الوقفات والتهته ف الكلام ع قد ماتقدر

٤- انك تتكلم صح بجمل بسيطه احسن ما ترزع جمل معقده ونطقك فيها بيعمل Ohrenschmerzen

لو عندك مشكله ف اي نقطه من الي ذكرتهم فوق او عايز توصلها ف وقت قليل اكتبلي ف الComments وهقولك من الاخر تحسنها ازاي ❤️

LG,
SIDO 🇩🇪

لو شغال كول سنتر ألماني ومعاك Kunde عايزه يعمل حاجه اوعي تقوله

Sie müssen (xy) machen !! ❌❌

الفعل müssen واقعه ع الشخص الالماني مش احسن حاجه خالص ف ممكن يستهزأ من كلامك ويقولك

Ich muss nur sterben oder aufs Klo gehen !

يعني هو مجبر بس ف حاله الموت او انه يروح التويلت

وده معناه انه بطبعه مبيحبش يبقي مُجبر علي فعل شئ ف الافضل آنك تقول مثلا :

1- Ich bitte Sie darum, xy zu machen

2- Ich will Sie darauf hinweisen, xy zu machen

3- Achten Sie darauf, xy zu tun

لو عايزني أكتر من محتوي النصايح بخصوص لغه الكول سنتر الماني او عندك مشكله ف التواصل مع الKunden اكتبلي ف التعليقات وهبدأ أنزلك كل اللي مارسته ف سنين واحده واحده 💪❤️

und Tricks zum Interview
to Gain

وصلت لمستوي B1 و عايز تتكلم ألماني بإحترافية، لازم تتعود تستخدم قواميس للترجمه (ألماني ألماني) وتبطل عرب ديكت شويه !

تعالي اقولك مثال:

لو عايز اقول ان شئ بيصحي جوايا ذكريات حلوه !

المعظم هيقول :

Das erinnert mich an schöne Erinnerungen !

لكن اللي بيستخدم قاموس الماني الماني هيبقي عنده دقه اكبر ف اختيار الأفعال والتعبيرات المناسبه للموقف

ف هيقول

Das weckt schöne Erinnerungen in mir.
او
Das weckt in mir schöne Erinnerungen.

ع حسب انت عايز تعمل Betonung لأنهي معلومه

هنا انت مش بس بتزود حصيلتك اللغويه، بل بتقوي عندك حِس لُغوي (Sprachgefühl)

وده هيخليك مع الوقت تنتقي الأفعال والتعبيرات بدقه !

لو عايز تعرف ايه افضل قاموس يساعدك ف كده وميكونش صعب ف الاول أكتبلي ف الكومنتات وهسيبلك اللينك ..

LG,
Sayed Assem 🇩🇪