Mpowermen Curaçao

Durante OLA BLOU nos ta selebrá bo tambe TATA!

Bo tambe tei na e "scavengers hunt" pa bo i bo yu(nan)!

Registrá awe https://bit.ly/4e7GTQP

KOMUNIKADO DI PRENSA
Dia Mundial di Mucha Hòmber 2026:
Di mucha Hòmber pa Hòmber: Adoptá Bon Hábito i Aktitut Positivo 2026

Kòrsou, 14 di mei 2026

E mucha hòmber di awe, ta e hòmber di mañan.
Dia 16 di mei 2026, institushon, gobièrnu, organisashon i individuonan rònt mundu lo selebrá Dia Mundial di Mucha Hòmber “World Day of the Boy Child (WDBC)” bou di e tema: “Di mucha Hòmber pa Hòmber: Adoptá Bon Hábito i Aktitut Positivo 2026.” E Dia Mundial di Mucha Hòmber a ser inaugurá na 2018, i awe na 2026, 41 pais na mundu ta pone atenshon na e dia aki, inkluso Kòrsou for di 2023.

Na Kòrsou, e dia aki ta bira un momento importante pa krea mas konsientisashon riba e retonan, nesesidatnan i potensial di nos mucha hòmber nan.

Durante e luna di mei, nos di “MpowerMen Foundation Curaçao” ta pone enfasis pa konsientisá pueblo di Kòrsou ku e mensahe: “E mucha Hòmber di awe ta e Hòmber di mañan.”

Nos mucha hòmbernan ta reflehá nos herensia i ta sirbi komo un di e konekshonnan entre pasado, presente i futuro di nos famianan, komunidat i mundu. Nos meta ta pa stimulá mas responsabilidat i konsientisashon den komunidat riba kon nos por eduká i forma hòmbernan ku ta eksitoso tin mihó harmonia den e 4 pilarnan di bida: Ami,Famia, Trabou i Komunidat.”

Den nos komunidat tin hopi mucha hòmber ku ta krese den situashonnan preokupante. Algun di nan ta dil ku desapunto I tin ku diariamente ta ser rechasá. Tambe tin ku ta lucha ku depreshon, outo-estima abou i emoshonnan reprimí.
“World Day of the Boy Child” ta sirbi komo un plataforma pa individuonan, organisashonnan i institushonnan mehorá e manera ku nos ta protehá nos mucha hòmbernan pa asina rekuperá nos herensia.

Temanan manera identidat, halsa outo-estima, komunikashon, falta di guia, preshon sosial, trouma, ekspreshon di emoshon i liderazgo personal ta tópikonan ku mester risibí mas atenshon i dialogo. Tambe kon pa hasi krea mas modelo maskulino positivo i empleá mas maestro i lider maskulino den skolnan kaminda tin falta di mas figuranan paternal pa e grupo di enfoke aki.

Nos ta invitá komunidat kompletu pa reflehá riba e ròl ku abo tin den bida di e mucha hòmber. Pone atenshon riba ki influensia abo tin pa yuda lanta e Hòmber di futuro. Pues mester krea mas konkeshon pa komprondé e mucha hòmber mihó i brinde loke ta nesesario pa e tambe ta eksitoso riba e 4 pilarnan.

I ku tur esakinan ta krea espasio pa prevení violensia bou di hòmber i hòmber, violensia kontra hende muhé, kriminalidat (for di edat yòn) i femisidio.

Pa medio di e komunikado aki, videonan riba nos paginanan sosial, entrevista i spòtnan na radio, nos ta kompartí mensahenan pa konsientisá, inspirá, eduká i habri dialogo riba e importansia pa guia adekuá e mucha hòmber ku komprenshon, amor, rèspèt i sosten.

Kiko ABO por hasi pa pone atenshon na e dia aki?
• Duna un òf mas mucha hòmber un komplimènt sinsero pa algu positivo ku bo ta mira e ta hasi.
• Bisa palabranan ku ta laga e mucha hòmber sinti importante:
“Mi ta orguyoso di bo.”
“Mi ta mira ku bo ta hasi bo esfuerso.”
“Bo ta balioso.”
“Mi stimabo.”
• Krea un espasio sigur (“safe space”) pa dialogo i skucha sin husga.
• Hasi preguntanan manera:
“Kiko pa abo ta un espacio sigur?”
“Kiko ta laga bo sinti skuchá?” Tuma tempu pa realmente skucha nan sin interumpí.
• Hunga un spèl òf hasi un aktividat ku ta rekordá nan kon balioso, fuerte i importante nan ta.
• Motivá e mucha hòmbernan pa ekspresá su emoshon i pensamento sin miedu.
• Kompartí tempu hasi un kombersashon, hunga bala, kana i/òf kome huntu.
• Sea un ehèmpel positivo den bo manera di komuniká, trata otro i maneha emoshon.
• Rekordá nan ku pidi yudansa no ta debilidad, pero un forma di forsa.
• Kompartí e mensahe di “World Day of the Boy Child” riba bo retnan sosial pa e yega na mas persona instansia i organisashon posibel. Laga e mucha hòmber sa ku tin un dia spesial pe.
Meta final di e kampaña ta pa mantené e tema bibu den komunidat i kontribuí na un futuro mas fuerte, konsiente i salú pa nos muchanan hòmbernan. Pa mas informashon òf pa apoyá e inisiativa.

“E mucha hòmber di awe ta e hòmber di mañan”.

Pa mas informashon, bish*ta
🌐 www.mpowermen.com
📩 Email: [email protected]
📞 Telefon: +59995151066

Felis dia di hende muhé. Sa ku nos ta balorá i apresiá e ser muhé. Sa ku bo ta nesesario. I nos sa ku huntu nos por krea un komunidat den pas i Harmonia.

Bo ta stimá,
Bo ta balorá
Bo ta nesesario,

Danki pa tur bo esfuerso.

𝗞𝗶𝗸𝗼 𝗯𝗼 𝘁𝗮 𝗯𝗮𝗶 𝗵𝗮𝘀𝗶 𝗽𝗮 𝘁𝗮 𝗺𝗮𝘀 𝗳𝗲𝗹𝗶𝘀 𝗱𝗲𝗻 𝟮𝟬𝟮𝟲 ...?
Akinan par di opshon ku bo por skohe for di dje:

✅ Tin mas tempu pa famia
✅ Kuida bo kurpa i bo salú -mental-
✅ Traha riba un meta personal
✅ Pidi yudansa ora bo mester
✅ Gana menos, pero biba mas na pas
✅ Ta mas presente i menos stres
✅ Siña komuniká bo emoshonnan
✅ Algu otro...

No tin kontesta korekto òf inkorekto. Felisidat ta personal.

💬 Kua di esakinan ta resoná mas ku bo pa 2026?
Kompartí si bo ta deseá.👇🏾

🌅✨ 𝗙𝗲𝗹𝗶𝘀 𝗱𝗶𝗮,
Awe ta un dia nobo,
Un momento pa habri e buki di bo bida,
Manera un blachi blanku i nobo,
Pa skibi tur loke bo ta deseá pa ta mihó òf diferente.

💭 𝗞𝗼𝗿𝗱𝗮: 𝘵𝘩𝘦 𝘰𝘯𝘭𝘺 𝘤𝘰𝘯𝘴𝘵𝘢𝘯𝘵 𝘵𝘩𝘪𝘯𝘨 𝘪𝘯 𝘭𝘪𝘧𝘦 𝘪𝘴 𝘤𝘩𝘢𝘯𝘨𝘦.
Disfruta di bo dia, i di e posibilidatnan nobo ku e ta trese. 💛

🎄✨ MpowerMen ta deseá bo: ✨🎄

🤍✨💞🕊️ Felis dianan di reflekshon, dianan yena ku kombersashon den famia,
ku ta trese pas, harmonia i felisidat den kada kurason i kada kas. 🤍✨💞🕊️

🎁 Put this on your Gift list for him

Algu simpel ku un mensahe profundo i perfekto pa:
Un hende ku bo ta atmira, den nos kaso: Jandino Asporaat i Kenneth Asporaat.

Pero tambe:
✅ Tatanan
✅ Yunan
✅ Rumanan
✅ Primunan
✅ Hasta un kolega

DM pa kumpra di bo na balor di Cg 57,-