Wat zijn de openingstijden?

Maandag 10:00 - 18:00 Dinsdag 10:00 - 18:00 Woensdag 10:00 - 18:00 Donderdag 10:00 - 18:00 Vrijdag 10:00 - 18:00 Zaterdag 11:00 - 17:00

KreaDiva

Your one stop Sewing Shop for Learning, Shopping, Tailoring & Sewing machine Service and Repair

🌟Learn & Shop all about Sewing
🧵Proudly more than 20 year of experience
👖Tailoring | Machine Service & Repair
✏️ Info or to Sign Up for our courses 👇🏽
https://wa.me/59996989612

31/08/2026

Si mi ta reta mi studiantenan pa durf, mi tambe mester kumpli ku e desafio. ✂️
E biaha aki, mi grupo avansá di kose ku tela stretch tabatin un reto: krea un shimis ku ploi di tela stretch.
No ta e kombinashon di mas fásil... i esei tabata eksaktamente e punto. 😉
Pues mi a tuma e reto tambe—i a krea un bisti kual mester tabata apropiá pa dos evento tras di otro riba e mesun dia: sinta hurado pa e prome evento di mini miss universe Kòrsou 2026 i un dinner ku e grupo di stretch avansa den kua nos lo lusi nos kreashon.
Den mi eskoho di tela i kolo mi a tene hopi kuenta ku:
- e diseño mester ta apropia pa e okashon
- ki sorto di ploi mi ke i kua tela ta miho.
Tin bia kresementu ta kuminsá ora nos stòp di skohe loke ta fásil i simplemente durf di purba. 💜
Lagami sa kon bo ta hañe.

27/08/2026

Tin bia bo no mester stòp tur kos. Tin bia bo mester djis hasi algu ku ta trese bo bèk na bo mes. 💜

Esei ta un di e kosnan bunita di krea.

Bo por sintibo kansá, abrumá òf simplemente no den e estado di ánimo... pero segun bo ta enfoká bo mannan, usando bo imaginashon i wak algu tuma forma, algu ta kuminsá kambia.

Bo ta wòrdu apsorbé den loke bo ta kreando—i bo ta kòrda kon bon e ta sinti pa traha algu ku bo mes mannan. ✂️✨

Ta p’esei kosementu ta muchu mas ku simplemente krea un paña.

E por ta un momentu pa bo mes.
Un reto ku ta inspirabo.
Un espasio kaminda kreatividat ta duna bo energia nobo.

I ora bo ta pashoná pa kose, no stòp na loke bo sa kaba. Sigi siña. Sigi reta bo mes. Sigi krese.

👔 Kla pa hiba bo abilidatnan di kose na e siguiente nivel?

Inskribí pa nos próksimo Kurso di Konstrukshon di Kamisa di Hòmber i reta bo mes pa siña algu nobo miéntras bo ta desaroyá bo abilidatnan di konstrukshon di paña.

📩 Manda nos un mensahe of tuma kontakto ku nos pa mas informashon i inskripshon.

KreaDiva
📍 Jan Noorduynweg 58-2
📞 Tel. 8680088 / 9 698 9612

26/08/2026

Pues… nan a hasi nan huiswerk? 👀😂

Oh sí, nan a hasié! I e resultadonan meresé un aplouso. 👏🏽💜

Un di e partinan mas satisfaktorio di enseñansa ta mira kiko ta pasa ora studiantenan tuma loke nan a siña den lès i purba esaki riba nan mes.

Pasobra siña kose no ta solamente sigi instrukshonnan miéntras bo maestro ta pará banda di bo. E kresementu real ta sosodé ora bo bai kas, praktiká, tuma bo mes desishonnan, solushoná e problemanan chikitu ku ta bini na kaminda... i deskubrí: “Hey, mi por hasi esaki realmente!”

I e damanan aki a hasi eksaktamente esei.

Diferente tela, diferente prenda, diferente estilo—i kada kreashon ta evidensia di práktika, progreso i kresementu di konfiansa.

Un lès por siña bo e téknika.
Pero loke bo ta hasi ku e konosementu ei despues ta loke ta kombertí un lès den un abilidat.

Dames, huiswerk APROBA! ✅👏🏽
Mi ta orguyoso di boso progreso i awor mi ta ansioso pa mira kiko boso siguiente kreashon lo ta. 💜

📍 KreaDiva
Jan Noorduynweg 58-2
📞 8680088

25/08/2026

Bo a yega di purba tornu kose di un overlock stik pa stik? 😩

Wèl tin maneranan muchu mas fásil!

Ora bo komprondé kon e stiknan ta formá—i sa unda pa kuminsá—bo por spar bo mes hopi trabou i tempu.

Esei ta un di e kosnan ku mi ta gusta di kose: tin bia no ta tokante traha mas duru, pero sa trikinan chiki ku ta yuda bo traha mas inteligente. 🧵✂️

I awor mi ta kurioso pa sa... Abo sa un otro manera pa tornu kostura di overlock? 👀
Kompartí bo método den komentario.
Kisas nos tur por siña algu nobo di otro!

I kòrda: tin e hèrmèntnan di kose korekto ta hasi un diferensia. E hèrmènt korekto por yuda bo traha mas efisiente, mas presis i ku hopi ménos frustrashon.

Na KreaDiva bo ta haña hèrmèntnan di kosementu pa yuda hasi bo trabou di kose mas fásil i mas efisiente.

📍 KreaDiva
Jan Noorduynweg 58-2
📞 8680088

Bish*tá nos i buska e hèrmèntnan korekto pa bo siguiente proyekto di kosementu.

Sigui KreaDiva pa mas tep di kosementu, konseho práktiko i inspirashon kreativo. 💜

24/08/2026

Tin bia nos ta buska kontesta dor di hasi mas, pensa mas, papia mas, purba mas…

Pero kiko si loke nos mester ta un tiki ménos zonido?

Tin momentunan ku mi ta sinta tras di mi mashin di kose i miéntras mi mannan ta bezig ta krea, algu otro tambe ta pasa:
Mi mente ta bira mas trankil.

I den e trankilidat ei, tin espasio.

Espasio pa pensa.
Espasio pa prosesá.
Espasio pa mira un situashon for di un otro perspektiva.
Tin bia asta espasio pa rekonosé un direkshon nobo ku mi no por a mira promé.

Kietud no ta nifiká ku tur nos problemanan ta disparsé diripiente. Simplemente e ta duna nos espasio pa skucha, reflehá i mira mas kla.

Pues manera e siman nobo aki kuminsá, kisas bo no mester tin tur kos kla mesora.

Duna bo mes un momentu trankil.

Mi regalo pa bo e siman aki ta… TRANKILIDAT. 💜

Kiko ta duna bo un momentu di trankilidat el?

23/08/2026

Ai biba biba djasabra, djasabra! 💜✨

Lèsnan a kuminsá BEK na KreaDiva!
I manera kustumber nos a start ku energia positivo, harimentu, kreatividat, konekshon i e vibrashon spesial ku nos tabata sinti falta di dje durante fakansi.

Djasabra ta yen di bida na KreaDiva... 🧵🧶💜

Nos ta bèk, rekargá i kla pa krea huntu!

21/08/2026

✨ UN TIKI BRILLO POR KAMBIA TUR KOS! ✨🖊️

Ken ta bisa ku algu simpel mester keda simpel? 😍

Pa e proyekto kreativo di awe, mi a kue un pèn komun i dun’é un makeover chikitu kolorido ku GLITTER! 🌈✨

Fásil.
Barata.
Dibertido.
I definitivamente un tiki messy. 😂

Esei ta un di e kosnan ku mi ta gusta mas di kreatividat: no ta semper bo mester di un proyekto karu òf materialnan kompliká.

Tin bia bo mester djis wak algu komun i puntra:

“Kiko mi por hasi ku esaki?” 💡

Meskla bo koló faborito, krea bo mes kombinashon i hasié kompletamente DI BO.

I sí... mirando pa mi mesa na final, e glitter tabatin algun plan kreativo di su mes tambe. 😂✨

💜 Awor ta bo turno!
Ki kombinashon di koló BO ta traha?

📍 KreaDiva
Jan Noorduynweg 58-2
📞 8680088

✨ Sigui nos pa mas idea kreativo fásil, dibertido i pagabel.

Creating is a divine gift✨️💜

20/08/2026

Tin biaha bo no mester kuminsá di nobo… bo mester simplemente duna loke bo tin kaba un direkshon nobo. 🧵✨

Su mannan ta su instrumento den su trabou komo masahista. Awor, e mesun mannan ei ta siña un don nobo: kose. ✂️

I esei ta un di e kosnan ku mi ta gusta mira den nos kurso Introdukshon di Kosementu— kada persona ta yega ku su propio historia, su propio motibu i su propio “dikon”.

Pasobra siña kose no ta solamente siña kon pa usa un mashin.

Ta deskubrí kiko mas bo mannan por krea. 💜

Bo tambe ke siña kose? 🧵
Tuma kontakto ku nos pa inskribí pa nos próksimo grupo ku ta kuminsá na òktober.

📍 KreaDiva
Jan Noorduynweg 58-2
📞 Tel: 8680088
📱 WhatsApp: 6989612

19/08/2026

⚡ KORIENTE A BAI… PERO E KOMPROMISO SI TEI. 💜

Ayera koriente a bai, i e dianan aki ta hopi kalor 🥵

Mashinnan di kose no por tra. E sirkunstansianan tabata leu for di ta kómodo.

Pero loke a pasa despues a hasi mi inkreiblemente orguyoso di mi tim.

Nan por a para trabou i keha.

Pero en bes di esei, nan a skohe pa sigi traha.

Nan a wak kua ta e trabounan ku por wordu hasi sin koriente y simplemente a sigi.

Dikon?

Pasobra nan no ke kai atras ku nan trabounan.
Pasobra tin palabrashon ku klientenan ta konta ku nos.
Y pasobra nan ta tuma nan responsabilidad y e satisfakshon di nos klientenan na serio. 💜

Komo doño di un negoshi, momentunan manera esakinan ta nifiká hopi pa mi.

Un negoshi no ta wòrdu konstruí pa un persona. E ta wòrdu konstruí pa hendenan ku ta preokupá pa loke nan ta hasi, ku ta tuma responsabilidat pa ku nan trabou i ku ta komprondé ku tras di kada prenda ku ta warda pa kaba, tin un kliente ta warda tambe.

Esaki a kòrda mi kon afortuna mi ta di tin hende banda ku ta preokupá di bèrdat pa e trabou ku nos ta entregá.

Tim KreaDiva, mi ta mira boso.
Mi ta apresiá boso.
I mi ta orguyoso di boso 💜

E koriente eventualmente a bini bèk…

pero no tabata e koriente ku a impreshoná mi.

Tabata mi tim. 💜

📍 KreaDiva
Jan Noorduynweg 58-2
📞 8680088

18/08/2026

🧵 BO HERMENT DI KOSE MAS IMPORTANTE TA ABO. 💜

Nos ta kuida nos mashinnan di kose.
Nos ta limpia nan, zeta nan i sòru pa nan ta funshoná korektamente.

Pero kiko di e persona sinta tras di e mashin? 👀

Kose por nifiká oranan di sinta, moveshonnan ripití, enfoká di aserka riba trabou detayá i traha rònt di fibranan di tela i stof. Ku tempu e manera ku bo ta traha ta importá.

Pues no invertí solamente den tela bunita i un bon mashin di kose.
Invertí den hasi bo eksperensia di kose mas saludabel i mas kómodo tambe.

Pone atenshon na bo postura.
Tuma pausa i move bo kurpa.
Duna bo wowonan un sosiegu.
Tene bo espasio di trabou limpi i bon ventilá.
I usa hèrmèntnan ku ta yuda bo traha mas kómodo i efisiente. ✂️🧵

Pasobra disfrutá di kosementu pa hopi aña ta nifiká tambe siña kon pa kuida e kosedó. 💜

Na KreaDiva, nos tin hèrmèntnan práktiko i asesorionan di kose ku por yuda hasi bo eksperensia di kose mas fásil, mas kómodo i mas efisiente.

📍 KreaDiva
Jan Noorduynweg 58-2
📞 8680088

Pasa i laga nos yuda bo haña e hèrmèntnan korekto pa bo espasio di kose.

💜 Sigui KreaDiva pa mas tep pa kose, konseho práktiko i inspirashon kreativo.

Adres

Jan Noorduynweg 58-2
Willemstad

Openingstijden

Maandag	10:00 - 18:00
Dinsdag	10:00 - 18:00
Woensdag	10:00 - 18:00
Donderdag	10:00 - 18:00
Vrijdag	10:00 - 18:00
Zaterdag	11:00 - 17:00

Telefoon

8680088

Website

https://kreadiva.org/

Meldingen

Wees de eerste die het weet en laat ons u een e-mail sturen wanneer KreaDiva nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.