https://www.facebook.com/105509155806739/

School Of Yves - SOY

Startpagina
Curaçao
Willemstad
School Of Yves - SOY

SOY ta un skol di periodismo pa pueblo. Bo ta siña komprondé dikon prensa na Kòrsou ta manera e ta.

02/07/2023

Awe ta e Dia di Bandera despues di e diskulpa!

Tur aña riba Dia di Bandera e antipatia kontra di Hulanda ta slùip drenta den diskursonan i diskushonnan henter dia. Antó e palabranan ‘independensia’, kolonisadó i sklabitut ta kai na òrdu.

Ohalá awe e palabra ‘vergiffenis’ zona rònt Kòrsou henter dia. Antó espesialmente e frase den e diskurso di Rei Willem “De ketens zijn verbroken….echt waar’. Pasó si bo no por selebrá ku finalmente despues di 160 aña e palabranan akí a sali fo’i boka di e Rei di Hulanda, e ora ei ta abo mes ta skohe pa keda ‘víktima’.

Pues awe selebrá Dia di Bandera manera nunka ántes bo a selebr’é. Bin Punda i ban t**a 8 or’ na e kurasonnan na pia di brùg. Nos ta warda te 9 or’ i despues nos ta krusa brùg i bai Plasa Brion pa laga Kòrsou sa ku nos ta stim’é.

Felis Dia di Kòrsou❤️

11/05/2023

Ayera tabata un bon dia pa periodismo di Kòrsou!

Durante e kongreso tokante 'Sustainable Futures for Media Empowerment and Independent Journalism' ku a kuminsá ayera na UoC, ami tabatin un interkambio ku mi kolega di prensa Nicole Maduro di TeleCuraçao.

Mi a konta un suseso den kua mi tabata envolví i Nicole a bisa ku e aktitut ei no tabata 'ethical'. Ora mi a puntr'é pa menshoná mi UN nòmber di un periodista ku sí ta 'ethical', el a kontestá ku e ta 'ethical'. E interkambio akí tabata live via mi Facebook i ta p'esei mi ta referí na dje.

Mi ta skirbi e relato akí riba e page di SOY pasó ta lès e ta. No ta guera ku Nicole e ta.

Aparentemente Nicole no ta realisá ku tur dia ku e presentá den 'Mòru Bon Dia' ku paña di un pakus bistí, i pa kua e ta hasi propaganda, ku esei NO ta 'ethical'.

Pasó kiko e ta hasi, si por ehèmpel, un dia e doño di e Pakus haña su mes envolví den un kaso di labamentu di plaka i polis deten'é? E lo ta mes skèrpi, manera e sa ta?

Kiko e ta hasi si dies hende yama den e programa i reklamá ku nan a haña mal servisio den e pakus? E lo kuestioná e doño mes skèrpi ku e sa kuestioná otro issues?

Komo miembro di prensa bo mester tene kuente ku e 'distansia periodistiko'. Esei ta nifiká ku bo no por pèrdè bo ròl di 'watchdog' den un aventura komersial. Bo no por bende aviso ni hasi propaganda pa niun produkto. Esei ta trabou di e departamentu di aviso i no di e redakshon di notisia.

No ta Nicole só ta hasié. E diferensia entre Nicole i otronan ta ku, Nicole ta presentadó di notisia i e ta yama su mes Sr Reporter.

Esei ta pone ku e hende na kas ta sali for di e punto di bista ku loke Nicole bisa ta bèrdat. Hende ta konfi'é. I ta P'ESEI e mester tene su mes na e reglanan di kondukta di prensa.

Mi a papia ku Lilo Sulvaran ayera i el a bisa mi ku na dos okashon e mes a papia ku Nicole tokante su komportashon.

Ami ta bezig ku kos serio i mi no ta laga niun hende hasi wega ku e kos serio ku ami ta hasi.

Esun ku ta ban ta ban, esun ku ta keda....KEDA!

12/04/2023

Un reportero ku ta 'watchdog' i ku un di su tareanan ta pa kontrolá gobièrnu i tené 'akountebel', por pèrmití su mes pa felisitá gobièrnu ku e 'logro' di 'Onderlinge Regeling?

05/04/2023

Mi a kaba di app ku Naphtaly pa e konta mi kiko a pasa.

Loke a pasa ta loke ta pasa TUR dia na TUR medio di komunikashon durante nan notisiero, INKLUSO TUR korant.

Tin un tendensia pa duna OPINION i hasi komentario mei mei di e notisia. Reporteronan na radio emisoranan i kanalnan di televishon ta hasié i korantnan ta skirbié TUR DIA!

04/04/2023

MinPres Gilmar Pisas: "Nos ta konfia i kere KU yudansa di medionan di komunikashon ku e ta kana bon."

Esaki ta loke MinPres a bisa awe durante e konferensia pa prensa relashoná ku firmamentu di e akuerdo 'Onderlinge Regeling'.

Kisas ta bon si Maharo Isenia splika MinPres kiko ta trabou di prensa i ku hamas un gobièrnu por pidi prensa 'yudansa'.

Prensa ta 'watchdog' i no aliado di gobièrnu.

Christiane Amanpour, periodista renombrá di CNN a bisa:

"Good journalism keeps governments and powerful people accountable."

20/03/2023

Ta prohibí lubidá!

Korant ta skirbi riba su portada ku e kos a bira un realidat. Hoe dan?

Ta kon yama e forma di periodismo akí atrobe? Mi a lubida hòm….

15/03/2023

Midi NAN, midi nos!

Ayera Germone De Lima a inspirá mi ku awe mi por skirbi lo siguiente:

E úniko manera pa laga pueblo komprondé kiko ta periodismo, ta pa praktiká periodismo. Praktiká periodismo ta nifiká kumpli ku e reglanan básiko di periodismo.

Un di nan ta 'palabra i kontra palabra. 'Hoor en wederhoor'.

Si A i B tin problema antó A ta bo amigu i bo a entrevis'é, bo MESTER entrevistá B tambe, ounke ku e no ta bo amigu.

NIUN, pero NIUN medio di komunikashon ta hasié kontinuamente. Ora nan hasié, ta pa krea broyo i bòmbòshi i nan ta yama tur dos un tra'i otro. Antó SEMPER esun ku ta nan amigu, nan ta yama komo último ya e por bati e otro, ku a papia kaba, kibra na wèrki. Esei no ta 'hoor en wederhoor'.

Pues SOY ta bai traha riba un proyekto huntu ku Germone, den kua nos ke inkluí Jo-Anne ora e kaba di bira Mom. E proyekto lo brinda ABO, e oportunidat pa midi NAN i midi NOS.

Loke nos ta bai presentá na notisia, entrevista, tòkshou i nos partisipashon na konferensianan pa prensa, lo diferensiá su mes for di loke tin awor akí. Nos ta bai sòru pa periodismo na nivel.

Nivel ta nifiká ku nos ta bai brinda ABO, notisia i NO nos opinion. Nos ta bai ta ophetivo i konsiso, pues sin bla bla bla.

Nos ta bai trata ABO ku rèspèt i no laga bo mira 5 minüt di notisia i despues 20 minüt di propaganda.

Nos ta bai duna ABO e oportunidat pa skohe entre periodismo i bòmbòshi. Bo por bai skohe entre ophetividat i opinion personal.

Bo por bai skohe entre 'kos serio' òf 'bòmbòshi'.

Si nunka bo tabatin periodismo di kalidat i nivel, nunka bo por a midi. Awó bo por bai midi NAN i midi NOS!

Glenn Thomas bo ke yuda?

13/03/2023

Reportero ta entrevistá organisadó di kompetensia maramentu di lensu:

"Kon importante maramentu di lensu ta den kuadro di bla bla bla...."

Bo mes ta kere ku e ta bai kontesta: 'tiki importante'?

Èniwei...

11/03/2023

Den periodismo tin tres punto di salida ora ta trata di suministrashon di informashon.

1) Need to know
2) Nice to know
3) The right to know

Kiko abo MESTER sa,
Kiko ta lèuk pa bo sa,
Kiko bo tin derechi di sa?

Ken ta disidí kiko bo ta haña sa?

Adres

Mon Reposweg 70
Willemstad

Website

facebook.com

Meldingen

Wees de eerste die het weet en laat ons u een e-mail sturen wanneer School Of Yves - SOY nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.