Juan Pablo Duarte VSBO Ofisial

22/08/2026

🎉 Introdukshon Dia 2 – Dia di Aktividat!

Awe tabata tur kos tokante trabou den tim, dibertishon i motivashon! 💙🤝 E alumnonan a partisipá na varios aktividat: algun a hasi ehersisio di team building, otronan a bai riba un scavenger hunt den Otrobanda, i na skol tabatin presentashonnan di teater i oradornan di motivashon inspirativo. 🎭✨

📚 Djaluna ta nos último dia di introdukshon! E alumnonan lo risibi nan buki di lès e ora ei, pa nos por kuminsa ku lès ofisialmente djamars awor. 💪🏽

📢 Rekordatorio: Tur alumno ta bin skol bèk den nan uniform di skol djaluna! 👕

13/08/2026

15/07/2026

*🌊♻️ Orguyo ta lanta ku e logro di nos alumnonan! ♻️🌊*

Ku hopi orguyo nos ta felisitá Mae-Jehni Neslo i Rafael Felies ku a wordo rekonosí den e FCCA Caribbean Children's Essay & Environmental Poster Competitions 2025, un kompetensia regional organisá pa Curaçao Ports Authority i Florida-Caribbean Cruise Association (FCCA).

Mae-Jehni a destaká den e Children's Essay Competition (Senior Division), mientras ku Rafael a logra rekonesimentu den e Poster Competition (Senior Division). Nan kreatividat, dedikashon tokante protekshon di nos medio ambiente ta un inspirashon pa tur nos.

Un gradisimentu speshal ta bai na Yùfrou Remfort, pa su guía, apoyo i dedikashon durante e klasnan di proyekto, i tambe na Yùfrou Daal, pa e sosten i guia ku el a brinda durante e proyekto aki. Boso esfuerso a kontribuí grandemente na e éksito aki.

Pabien, Mae-Jehni i Rafael! Nos ta orguyoso di boso. Sigui soña grandi, sigui traha duro i sigui hasi diferensia den nos komunidat.

*💙💛 Huntu nos ta forma e lidernan di mañan💙💛*

12/06/2026

Class of 2026 🎓

11/06/2026

Alumnonan, mayornan boso ta kla pe!!??

Nos ta warda boso tur mañan na JPD pa bin apoyá i sostené nos alumnonan🥳

05/06/2026

🏆⚽️ Orguyoso di nos kampionnan!

Pabien na nos alumnonan ku a gana den e TIME4SHINE High School Summer Finals! Boso trabou duro, union i determinashon a paga. 💪🔥

Bosonan a representá nos skol ku hopi orguyo. Bon trabou kampionnan! 👏💛🖤