Sh F "Prof-Ibrahim Kelmendi"

Sh F "Prof-Ibrahim Kelmendi" Faqja zyrtare e shkollës fillore “Prof. Ibrahim Kelmendi" në Preshevë, Serbi.

02/06/2026

Ekskursioni i klasave të teta në Prizren

Nxënësit e klasave të teta realizuan një ekskursion të këndshëm në Prizren, ku patën mundësinë të vizitojnë vende me rëndësi historike dhe kulturore, si dhe të kalojnë çaste të bukura së bashku me shokët dhe mësimdhënësit e tyre.

Ky aktivitet u zhvillua në një atmosferë të shkëlqyer, me disiplinë dhe përgjegjësi nga të gjithë pjesëmarrësit.

Për mbarëvajtjen dhe organizimin e suksesshëm të ekskursionit u përkujdesën drejtoria e shkollës dhe arsimtarët kujdestarë, të cilët me përkushtimin e tyre siguruan që gjithçka të kalonte në mënyrën më të mirë.

Për nder të 1 Qershorit – Ditës Ndërkombëtare të Fëmijëve, në shkollën tonë në qendër, u organizuan dy aktivitete në të ...
01/06/2026

Për nder të 1 Qershorit – Ditës Ndërkombëtare të Fëmijëve, në shkollën tonë në qendër, u organizuan dy aktivitete në të njëjtën kohë:

1. Programi i pasur artistik, në Sallën Solemne

Programin e hapën dy nxënëset e klasës së gjashtë, Erlisa Sadriu dhe Rajana Ademi, të cilat me prezantimin e tyre i dhanë një fillim të bukur kësaj feste.
Më pas, skenën e gjallëruan nxënësit e paraleles së ndarë në Norçë, nën përkujdesjen e mësueseve Mirvete Kadriu dhe Shermine Ymeri, me interpretimin e këngës “1 Qershori”.
Programi vazhdoi me recitimet e nxënësve tanë fitues në garat komunale të recitimit: Fatjona Azizi, Isra Rexhepi, Buna Beqiri dhe Amar Hasani, të cilët u dalluan me interpretimet e tyre mbresëlënëse.
Në fund, programi u përmbyll në një atmosferë festive me një këngë të interpretuar nga nxënësit, duke sjellë gëzim, buzëqeshje dhe emocione te të gjithë të pranishmit.

I gjithë ky program u realizua me përkushtim nën përkujdesjen e arsimtarit Fitim Nuhiu, mësueses Mirvete Kadriu dhe arsimtares Fatbardha Sadriu, të cilët kontribuan në organizimin dhe mbarëvajtjen e kësaj veprimtarie festive.

2. Programi vazhdoi edhe me nxënësit e Ciklit të Ulët, në oborrin e shkollës, me këngë për fëmijë, aktivitete kreative, ngjyrosje, etj, nën përkujdesjen e defektologut, Fidan Nuhiu.

Falënderojmë të gjithë mësueset e ciklit të ulët për mbarëvajtjen e këtij aktiviteti kaq argëtues.

Gëzuar 1 Qershorin – Ditën Ndërkombëtare të Fëmijëve!

Në paralelen e ndarë në Zhunicë, festa e 1 Qershorit...Ky aktivitet u realizua në bashkëpunim me Grupin Yjet, në paralel...
01/06/2026

Në paralelen e ndarë në Zhunicë,
festa e 1 Qershorit...

Ky aktivitet u realizua në bashkëpunim me Grupin Yjet, në paralelen e entit parashkollor "8 Marsi" në Zhunicë, mirënjohës.

Gëzuar 1 Qershorin – Ditën Ndërkombëtare të Fëmijëve!Aktivitetet e sotme filluam me nxënësit e paralelës së ndarë në Sta...
01/06/2026

Gëzuar 1 Qershorin – Ditën Ndërkombëtare të Fëmijëve!

Aktivitetet e sotme filluam me nxënësit e paralelës së ndarë në Stacionin Hekurudhor ku shënuan këtë ditë të veçantë me aktivitete të ndryshme kreative, duke shprehur imagjinatën, talentin dhe gëzimin e tyre përmes lojërave, vizatimeve dhe punimeve artistike.

Atmosfera ishte e mbushur me buzëqeshje, energji pozitive dhe momente të bukura që e bënë këtë festë edhe më të veçantë për fëmijët.
Urojmë që çdo ditë e tyre të jetë e mbushur me lumturi, dashuri dhe mundësi për të mësuar e për t’u zhvilluar.

Aktivitete të tilla janë realizuar edhe në paralelet e tjera dhe pasdite do të realizohen edhe në shkollën tonë në qendër.

Gëzuar Ditën e Fëmijëve! 🌈 🎈 🎉

NJOFTIM PËR NXËNËSIT DHE PRINDËRIT Të nderuar,Në bazë të rekomandimit të Qeverisë së Republikës së Serbisë, të miratuar ...
27/05/2026

NJOFTIM PËR NXËNËSIT DHE PRINDËRIT

Të nderuar,

Në bazë të rekomandimit të Qeverisë së Republikës së Serbisë, të miratuar në mbledhjen e datës 14.05.2026, me të cilin u rekomandohet punëdhënësve që t’u mundësojnë punonjësve – pjesëtarë të komunitetit islam që të mos punojnë në ditët e dytë dhe të tretë të Kurban Bajramit (28 dhe 29 maj 2026), ju njoftojmë se:

Nuk do të zhvillohet procesi mësimor në datat 27, 28 dhe 29 maj 2026
(e mërkurë, e enjte dhe e premte).

Me këtë rast, Drejtoria e shkollës u uron të gjithë besimtarëve të fesë islame "Festën e Kurban Bajramit", duke ju dëshiruar paqe, shëndet dhe mëshirën e Zotit mbi ju dhe familjet tuaja.

Pas përfundimit të festës, mësimi do të vazhdojë sipas orarit të rregullt. Shkolla do të organizojë aktivitete shtesë mbështetëse për nxënësit, sipas nevojës.

Me respekt,
Drejtoria e Shkollës Fillore
“Prof. Ibrahim Kelmendi” – Preshevë.

Sot, në praninë e kolektivit dhe nxënësve, përcollëm me respekt, mirënjohje dhe emocione në pension arsimtarin e lëndës ...
21/05/2026

Sot, në praninë e kolektivit dhe nxënësve, përcollëm me respekt, mirënjohje dhe emocione në pension arsimtarin e lëndës së Gjuhës Angleze, z. Bujar Rexhepi.

Gjatë gjithë karrierës së tij, ai u dallua për profesionalizëm, përkushtim duke edukuar me dashuri, përgjegjësi dhe përkushtim breza të tërë nxënësish.

Me punën e tij të palodhur, urtësinë dhe autoritetin që gëzonte, dha një kontribut të jashtëzakonshëm në përhapjen e dijes, formimin e gjeneratave të reja dhe ruajtjen e vlerave arsimore e kulturore.

I urojmë pensionim të mbarë, shëndet të plotë, qetësi, lumturi dhe shumë vite të begata pranë familjes, miqve dhe më të dashurve të tij.

Kontributi, vepra dhe kujtimet që la pas do të mbeten përherë shembull frymëzimi, respekti dhe mirënjohjeje për gjeneratat e sotme dhe ato që do të vijnë.

Sot, kolektivi i shkollës sonë e përcolli me respekt dhe mirënjohje në pension arsimtarin e lëndës së Fizikës dhe ish-kr...
20/05/2026

Sot, kolektivi i shkollës sonë e përcolli me respekt dhe mirënjohje në pension arsimtarin e lëndës së Fizikës dhe ish-kryetarin e sindikatës, z. Selami Mustafa, një figurë të shquar e arsimit në komunën tonë.

Gjatë gjithë karrierës së tij, ai u dallua për profesionalizëm, përkushtim dhe integritet, duke edukuar me dashuri e përgjegjësi breza të tërë nxënësish.

Me punën e palodhur dhe autoritetin e tij, dha një kontribut të jashtëzakonshëm në përhapjen e dijes, në ruajtjen e vlerave kulturore dhe në mbrojtjen e të drejtave të punëtorëve të arsimit.

I urojmë pensionim të mbarë, shëndet të plotë, qetësi, lumturi dhe shumë vite të begata pranë familjes dhe miqve.

Kontributi dhe vepra e tij do të mbeten përherë shembull frymëzimi dhe respekti për gjeneratat e sotme dhe ato që do të vijnë.

Në kuadër të njësisë mësimore “He’s wearing glasses” nga kapitulli “Clothes”, me nxënësit e klasave të dyta, arsimtari i...
20/05/2026

Në kuadër të njësisë mësimore “He’s wearing glasses” nga kapitulli “Clothes”, me nxënësit e klasave të dyta, arsimtari i Gjuhës Angleze Fitim Nuhiu zhvilloi një ligjërim të shkurtër me theks të veçantë mbi respektin ndaj nxënësve që mbajnë syza.

Gjatë bisedës u theksua rëndësia e mirëkuptimit, empatisë dhe sjelljes së mirë ndaj njëri-tjetrit, duke rikujtuar se syzat janë vetëm një ndihmë për shikim dhe asnjëherë arsye për tallje apo bullizim.

Përmes diskutimit, mesazheve pozitive dhe punëtorisë kreative, ku nxënësit vizatuan, prenë dhe krijuan syze prej letre duke i zbukuruar ato me ide dhe ngjyra të ndryshme, ata shprehën mbështetje, miqësi dhe pranimin e dallimeve mes shokëve të klasës.

Ky aktivitet përcolli mesazhe të rëndësishme për respektin, barazinë dhe përfshirjen, duke promovuar një ambient shkollor më të sigurt, më të dashur dhe më gjithëpërfshirës për të gjithë nxënësit.

Nxënësit tanë po zhvillojnë parapërgatitje për diskutime të hapura me tema të ndryshme që i preokupojnë dhe i tangojnë a...
20/05/2026

Nxënësit tanë po zhvillojnë parapërgatitje për diskutime të hapura me tema të ndryshme që i preokupojnë dhe i tangojnë ata në jetën e përditshme shkollore dhe jo vetëm. Përmes këtyre aktiviteteve, ata po aftësohen të shprehin mendimet e tyre lirshëm, të komunikojnë me vetëbesim dhe të respektojnë mendimet e të tjerëve.

Diskutimet do të incizohen dhe do të realizohen në formë emisionesh, të cilat më pas do të transmetohen në internet, duke u dhënë nxënësve mundësinë që zëri dhe idetë e tyre të dëgjohen më gjerë.

Ky aktivitet synon të nxisë mendimin kritik, kulturën e dialogut dhe pjesëmarrjen aktive të nxënësve në çështje që kanë rëndësi për ta.

E gjithë kjo nismë është iniciuar nga Grupi Letrar “Lexo”, nën koordinimin e arsimtarit Fitim Nuhiu.

Sot, në ambientet e drejtorisë së shkollës sonë, u ndanë mirënjohje dhe u përcollën me duartrokitje nxënësit fitues të g...
19/05/2026

Sot, në ambientet e drejtorisë së shkollës sonë, u ndanë mirënjohje dhe u përcollën me duartrokitje nxënësit fitues të garave komunale të recitimit, të cilët me talentin, përkushtimin dhe interpretimin e tyre përfaqësuan denjësisht shkollën tonë.

Në ciklin e ulët, vendin e parë e fitoi Fatjona Azizi, nxënëse e klasës II-3, ndërsa vendin e dytë e zuri Isra Rexhepi, nxënëse e klasës IV-4.

Në ciklin e lartë, vendin e dytë e fitoi Buna Beqiri, nxënëse e klasës V-5, ndërsa vendin e tretë Riga Misini, nxënëse e klasës VII-3.

Urime të përzemërta për nxënëset tona të talentuara! Këto suksese janë dëshmi e talentit, punës dhe dashurisë për artin e fjalës. Ju dëshirojmë edhe shumë arritje, çmime dhe duartrokitje në rrugëtimin tuaj artistik dhe shkollor.

Address

Presevo

Telephone

+38117860105

Website

Alerts

Be the first to know and let us send you an email when Sh F "Prof-Ibrahim Kelmendi" posts news and promotions. Your email address will not be used for any other purpose, and you can unsubscribe at any time.

Contact The School

Send a message to Sh F "Prof-Ibrahim Kelmendi":

Shortcuts

Share

Category