Fjala e Mesuesit

24/08/2026

"Nëse ia tregon dritën tënde dikujt që nuk do të shohë, vetëm sa do ta verbosh më shumë. Vlerat nuk u zbulohen atyre që
preferojnë errësirën.”
~Alejandro Jodorowsky ~

22/08/2026

Në 24 gusht fillon puna.
Kanë dalë njoftime për mësuesit në disa shkolla.

22/08/2026

Nxënës nuk ka por, nxënës nuk duam... Ose, më saktë, i duam, por jo "falas".

Ndonjë peshqesh i vogël, sa për regjistrim, për shembull 500 euro.

Si në fazën e parë, ashtu edhe tani në fazën e dytë, më kanë ardhur shumë mesazhe me ankesa nga prindër se nuk po mundin të regjistrojnë fëmijët në shkolla me arsyetimin se nuk ka më vende të lira.

Ndërkohë, personat që më shkruajnë pretendojnë se, në të njëjtat kushte, janë regjistruar më pas, fëmijë të tjerë.

Në një shkollë të mesme në Elbasan, sipas një ankese, nuk kanë pranuar të regjistrojnë një nxënës sepse nuk kishte mesataren e kërkuar. Citoj fjalët që pretendohet se i janë thënë: “Me këto nota duhet të shkosh diku tjetër, jo në shkollën tonë.”

Në Tiranë ndodh e njëjta gjë: “Nuk mund të të marrim, sepse vendet janë plotësuar”, ndërsa menjëherë pas kësaj regjistrohen nxënës, edhe jashtë zonës.

Një tjetër rast një nxënës që kthehet nga një shkollë private për t’u regjistruar në një shkollë publike, në një klasë të ndërmjetme, nuk pranohet me argumentin se: “nuk kemi vende”, edhe pse është banor i lagjes.

Ndoshta disa prej këtyre mesazheve janë të pabazuara...ndoshta...
Por, ku ka zë, nuk është pa gjë.

A nuk është ky momenti që Ministria e Arsimit dhe strukturat e saj të mos qëndrojnë pasive, por të verifikojnë çdo rast refuzimi në sistem?
Të kontrollojnë çdo regjistrim jashtë zone?
Të gjitha të dhënat janë aty, ekzistojnë dhe mund të verifikohen pa zhurmë e pa fushata.

Më pas, me fakte dhe transparencë, të bëhet shembull çdo drejtor që ka abuzuar me këtë proces, duke cenuar jo vetëm besimin e publikut, por edhe vetë politikat arsimore që e kanë vendosur kriterin e zonës së banimit si një mekanizëm për të balancuar shpërndarjen e nxënësve në shkolla.

Nga muri i Fiqiri Çifligu

21/08/2026

📘 DRAFTI I PLANIT AFATMESËM TË SHKOLLËS 2026–2030

Shkolla jonë vijon punën për hartimin e Planit Afatmesëm 2026–2030, një dokument i rëndësishëm për përcaktimin e prioriteteve, objektivave dhe drejtimit të zhvillimit të institucionit tonë në vitet e ardhshme.

🎯 Plani synon:
• përmirësimin e cilësisë së procesit mësimor dhe edukativ;
• rritjen e arritjeve të nxënësve;
• zhvillimin profesional të stafit;
• forcimin e bashkëpunimit shkollë–familje–komunitet;
• krijimin e një mjedisi të sigurt, gjithëpërfshirës dhe miqësor;
• përdorimin sa më efektiv të teknologjisë dhe burimeve të shkollës;
• promovimin e vlerave qytetare, sociale dhe mjedisore.

🤝 Plani synon të ndërtojë një vizion të përbashkët për zhvillimin e shkollës, duke u mbështetur në nevojat reale, përvojën e deritanishme dhe objektivat për të ardhmen.

🌱 2026–2030 – së bashku për një shkollë më cilësore, më të sigurt dhe më gjithëpërfshirëse!

Shkolla 9 vjecare "5 Shkurti" Ballsh faqja zyrtare

21/08/2026

Një shoqëri nuk shembet vetëm kur ndërtesat e saj rrënohen apo ekonomia dështon.

Rënia e saj fillon shumë më herët atëherë kur karakteri pushon së respektuari.

Kur ndershmëria përqeshet si dobësi, disiplina shihet si obsesion, besnikëria konsiderohet marrëzi dhe integriteti sakrifikohet për lehtësi, themelet që i mbajnë njerëzit të bashkuar fillojnë të zhduken ngadalë.

Virtyti krijon besim.

Besimi u mundëson familjeve, miqësive, komuniteteve, institucioneve dhe qytetërimeve të tëra të funksionojnë.

Pa të, njerëzit fillojnë të presin mashtrim nga njëri-tjetri.

Përgjegjësia zëvendësohet me justifikime, egoizmi bëhet normal dhe të bësh gjënë e duhur fillon të duket si diçka e pazakontë.

Një shoqëri e shëndetshme nuk kërkon njerëz të përsosur.

Ajo kërkon mjaftueshëm njerëz që ende besojnë se karakteri ka rëndësi, edhe kur askush nuk po i shikon.

Qytetërimet, në fund të fundit, ndërtohen nga zgjedhjet individuale që përsëriten brez pas brezi.

Kur virtyti bëhet diçka për t’u turpëruar dhe korrupsioni bëhet i pranueshëm, rënia nuk është më diçka që po vjen nga jashtë.

Ajo tashmë ka filluar nga brenda.

Web

20/08/2026

20/08/2026

Çidhna
Emër ?
Ku gjendet ?