Jodi - 頌庭成長日記

聖誕節 小朋友就最開心🎄😝

Jodi 預祝大家2025年新年快樂🥰🎉

快閃之旅☺️☺️☺️

今年終於到Jodi 揀小學喇☺️，今次去番上次拎獎果間小學，實習小學生上課生活一天，Jodi 話非常非常開心，老師讚佢好主動，畫畫好叻，叫佢幫手教其他小朋友，老師仲話如果佢入左黎讀，一定要再搵佢幫手做小老師教其他小朋友，我地聽到都好開心☺️

最意外係英文課，可能佢平時都用英文同工人姐姐溝通，佢竟然識聽同做晒老師所有既要求，仲可以同外藉老師一直溝通，爹地媽咪係後面睇住都覺得非常安慰，間學校仲有好多多元化教學，有個非常大既圖書館，又有機械人同埋好多智能家居科技教學，最後仲去左學校一個好大既園地種菜，爹地媽咪都不約而同話：嘩，乜原來而家啲學校咁多野玩😅

其實Jodi 都去過區內幾間小學參觀，不過Jodi 就話最鐘意呢間，我哋都希望你學習之餘都可以係快樂成長下培養你不同既興趣同埋德行，我地都好認同校長同學校既理念，學校有非常非常多既多元化活動，例如主持、畫畫、游泳、科學、無人機、攝影、體操、唱歌、跳舞、寫程式、劍擊、園藝等等，令小朋友係呢個黃金興趣學習期內，學習成為一個更好既自己，所以除咗讀書成積外，學校同家長係呢短短六年內，都要不斷多建立唔同平台比機會小朋友，可以搵到屬於自己發光發亮既舞台都非常重要，如果一年內只係為佢成積表開心幾次，我地更希望見到佢有更多值得欣賞既成就

😘 Jodi 你要努力加油呀

話說有一日Jodi 問Daddy:

👧: Daddy 你有冇拎過獎呀
🧔: 有呀，有個足球金牌囉
👧: Daddy 你咁渣架，得一塊牌仔，我有獎盃呀
🧔: ...............................

好啦，你而家威啦，有兩個喇，睇黎今晚又要比佢串😌

Jodi 真係叻叻 ☺️ 連續第二年拎全年獎，daddy mami 都好鄧你開心 😘希望下年繼續叻叻~

小小長，借個位感慨一下🎉🥰話說我同老婆都係超級鴨迷，自從BB出世之後，就小買左Donald 野，不過小朋友大大下，都跟埋我地成為鴨迷，終於可以入番坑唔駛再買Baby Shark 同埋Pony 🤣 終於公仔、文具、衫一律都可以係Donald 喇 😎

每年Donald 生日我地都會慶祝埋一份🤭今年特別小小，好幸運亦都好高興受迪士尼邀請，參加到Donald 嘅90周年粉絲派對😍 真係超級開心，成個樂園鴨迷無處不在，仲有好多Group 友同我地Say Hi，仲有日本嘅鴨迷同呀女影相，仲送禮物比佢，氣氛真係超級好呀，每次大合唱生日歌都非常感動，就好似好多人一齊同一個親人慶祝生日咁，好鄧Donald 開心，因為除左Daisy 之外，响全世界都有好多愛佢嘅人，多謝Donald 帶比我地一家好多快樂，亦都將我地一家連繫一齊，最最最後我要多謝咁多位鴨迷，係你地一齊比力量Donald ，令全世界一齊重視佢，我地一家都會永遠繼續愛Donald 架，俗語都有話：一日係鴨迷，一世都係鴨迷丫麻， 好兄弟，飲勝🥂

Btw. 呀女話佢尋日同Donald 已經做左好朋友，要年年都同佢慶祝生日咁話 （咁我就安樂喇🤣）

#香港迪士尼樂園 #唐老鴨90周年

留下美好回憶-香港迪士尼樂園
唐老鴨90周年粉絲派對
感謝迪士尼的邀請及全日安排🥰
超級超級開心呀🎉🤗

Donald 生日快樂😘

好開心今日受邀到迪士尼
以特別身份同唐老鴨慶祝生日舉行生日派對🥰
我地同 Jodi 都悉心打扮架
Donald 生日快樂😘

Donald 生日會（1）

傻豬黃大仙一日遊，今日好似特別靚女咁既🤔

今日又去左玩，真係好開心呀☺️ 食左好多好味既野，仲去左個好好玩既地方，大到應該兩日都未必玩得晒 ，唯有下次再去啦 😅 Jodi 話最開心係買左個米奇鈄孭袋，多謝Daddy 😘

星期六又係Jodi 吃喝玩樂放電既日子☺️

Jodi 好開心，又去玩🥰🥰