Vivace

ებთან უწევს გამკლავება, რაც განსაკუთრებულად მოქმედებს მის ეკონომიკურ პოტენციალზე. ამ პირობებში ძალიან ბევრი ახალგაზრდა დგას საკუთარი ნიჭის რეალიზების პრობლემის წინაშე. ასოციაცია ვივაჩე ეხმაურება ამ გამოწვევას სხვადასხვა საქველმოქმედო ინიციატივების გზით და მოუწოდებს ყველას, ვისაც ესმის მუსიკა, პატივს სცემს შემოქმედებით საწყისს ადამიანში, და ვისთვისაც სიკეთის კეთება წარმოადგენს მთავარ ფასეულობას - შემოუერთდით ჩვენს ინიციატივებს და აჩუქეთ მეტი მუსიკა ხვალინდელ დღეს!

მოტივაცია: - ასოციაცია ვივაჩე დაფუძნებულია შვეიცარიაში მცხოვრები ცნობილი ქართველი პიანისტის - თამარ კორძაძის ინიციატივით, რომელმაც საკუთარი გამოცდილების საფუძველზე იცის ნიჭიერი ქართველი ახალგაზრდების წინაშე მდგარი პრობლემის სიმწვავე. სწორ ფასეულობებზე ორიენტირებული ადამიანებისა და ორგანიზაციების ქველმოქმედებამ მნიშვნელოვანი როლი ითამაშა მისი, როგორც პროფესიონალი მუსიკოსის ფორმირებაში. ვივაჩეს გუნდი მოტივირებულია მაქსიმალურად მეტი ტალანტის აღმოჩენასა და ხელშეწყობაში. ეს არის იმ სიკეთის გაგრძელება, რომელმაც ერთი წარმატებული მუსიკოსის პრეცენდენტი უკვე შექმნა.

აქტივობები: - ვივაჩე უკვე 6 წელია არსებობს და ამ ხნის განმავლობაში მან შეძლო და პარტნიორი ფონდების, დონორი ორგანიზაციებისა და უბრალოდ კეთილი ადამიანების მხარდაჭერით, განახორციელა 20 მდე პროექტი და დაეხმარა კლასიკური მუსიკის 50-მდე ახალგაზრდა შემსრულებელს. თუმცა ჩვენ ვიცით რომ მეტის გაკეთება შეიძლება. ამჯერად ასოციაცია მუშაობს რამოდენიმე მიმდინარე და სამომავლო პროექტზე, რომლის შედეგიც უაღრესად მნიშვნელოვანი იქნება არა მხოლოდ ქართველი 1შემსრულებლებისათვის. პროექტი - ალპებიდან კავკასიამდე ორიენტირებულია ქართველი და შვეიცარიელი ახალგაზრდა შემსრულებლების დაახლოებაზე, მათ შორის ხანგრძლივი, პროფესიული კონტაქტების ჩამოყალიბებაზე, რაც მოგვცემს სისტემურ შედეგს და განაპირობებს პერსპექტიულ დროში განგრძობით კულტურულ ურთიერთობებს საქართველოსა და შვეიცარიის მუსიკალურ წრეებსა და ინსტიტუტებს შორის. ქვევით გაგაცნობთ ასოციაციის მიერ უკვე განხორციელებულ პროექტებს, თუმცა მანამდე გვინდა მივმართოთ ყველას, ვისთვისაც ახლოა ჩვენი ორგანიზაციის პლატფორმა (თუ თქვენ ამ დოკუმეტს კითხულობთ, ალბათ იმიტომ რომ ან 1 - ხართ იგივე ფასეულობების მატარებელი, რასაც დეკლარირებს ვივაჩეს გუნდი ან 2 - შეგიძიათ ქმედითი დახმარების აღმოჩენა ჩვენი საქმიანობისთვის) - მიიღეთ ქმედითი მონაწილეობა ვივაჩეს პროექტების განხორციელებაში - ეს ხომ ჩვენი საერთო ხვალინდელი დღეა, დაე მასში ჟღერდეს მეტი მუსიკა!