25/05/2026
Në këtë bisedë në emisionin “60 Minuta” në Kohavision kam folur për mënyrën se si diaspora shqiptare e Kosovës vazhdon të trajtohet kryesisht si votë dhe remitancë, e jo si partner i barabartë në zhvillimin demokratik, institucional dhe shoqëror të vendit.
Kam ngritur shqetësimin për gjuhën polarizuese dhe përçarëse që përdoret gjatë fushatave zgjedhore ndaj mërgatës, për mungesën e përfaqësimit real të profesionistëve dhe rrjeteve të diasporës në politikë dhe institucione, si dhe për mungesën e mekanizmave të qëndrueshëm të përfshirjes në vendimmarrje dhe zhvillim.
Po ashtu kam theksuar nevojën për një qasje moderne dhe transnacionale ndaj diasporës, të bazuar në bashkëpunim institucional në trekëndëshin: vendi amë – vendi rezident – rrjetet profesionale të diasporës.
Diaspora nuk duhet të mbetet objekt i instrumentalizimit politik dhe elektoral. Ajo duhet të trajtohet si subjekt aktiv, me potencial profesional, shoqëror, ekonomik dhe diplomatik për Kosovën dhe shoqërinë shqiptare në përgjithësi.
Bisedën mund ta ndiqni këtu:
KTV – 60 Minuta
| KTV© KOHA. All rights reserved.
