Shkolla Shqipe në Nyon

26/09/2026

Për herë të parë në qytetin tonë të bukur të Nyonit, Shkolla Shqipe “Naim Frashëri” në bashkëpunim me Scène Nord, organizoi një mbrëmje të paharruar shqiptare me muzikë, valle, kulturë, ushqime dhe tradita, që bashkoi njerëz nga komunitete të ndryshme!

Një falënderim i madh dhe nga zemra për Bardh Ramadanin, Flamur Sherifin & Band dhe Ansamblin “Ilirët” nga Lausanne, të cilët erdhën pa pagesë, vetëm për ta mbështetur Shkollën tonë, dhe me praninë e performancat e tyre e begatuan këtë mbrëmje.

Faleminderit gjithashtu prindërve për kontributin dhe përkrahjen e tyre, si dhe nxënësve tanë për performancën e shkëlqyer që na bëri shumë krenarë.

Faleminderit të gjithëve që ish*t pjesë e kësaj nate të veçantë dhe që së bashku krijuam kujtime të bukura !

15/09/2026

NJOFTIM

Shkolla Shqipe “Naim Frashëri” në Nyon kërkon mësues/e për mësimin plotësues në gjuhën shqipe.

Kërkojmë një person serioz, të përkushtuar dhe me dëshirë për të punuar me fëmijë.
Përparësi kanë kandidatët me formim pedagogjik ose me përvojë në mësimdhënie.

Mësimi mbahet të shtunave paradite në Nyon.

Të interesuarit mund ta dërgojnë CV-në e tyre në emailin e shkollës:
[email protected]

Kryesia e Shkollës Shqipe “Naim Frashëri” – Nyon

05/09/2026

Shkolla jonë çdo vit po rritet me nxënës të rinj.
Ketë vit e kemi shtu edhe një klasë dhe kemi fillu me punu me tri nivele.
Ejani ne shkollën tonë ta ruajm gjuhen e identitetin tonë kombëtar

30/08/2026

Shkolla Shqipe “Naim Frashëri” – Nyon ju fton të jeni pjesë e një vendi ku gjuha shqipe mësohet, ruhet dhe përcillet me krenari te brezat e rinj.

Formularin e regjistrimit dhe të dhënat për pagesë i gjeni më poshtë.

Për informata:
[email protected]

24/08/2026

Mbrëmje Shqiptare në Nyon!

Me 11 shtator, prej orës 17:00, ju presim me muzikë, valle, ushqime tradicionale në një atmosferë vertetë shqiptare.

Ejani me familje e shoqëri, ju mirëpresim!

22/08/2026

Mirënjohje e veçantë për prof. Besnik Pajazitin

Shkolla Shqipe “Naim Frashëri” në Nyon shpreh mirënjohjen dhe falënderimin e saj të veçantë për bashkëvendësin tonë, prof. Besnik Pajazitin, për përkrahjen e vazhdueshme dhe angazhimin e tij në të mirë të shkollës sonë.

Prof. Pajaziti është një atdhetar i përkushtuar dhe një përkrahës i madh i arsimit, gjuhës dhe kulturës shqiptare. Me vullnetin dhe gatishmërinë e tij për të ndihmuar, ai na ka mundësuar kontakte të rëndësishme dhe ka krijuar ura bashkëpunimi me institucione, universitete dhe personalitete që mund të kontribuojnë në zhvillimin e mëtejshëm të Shkollës Shqipe “Naim Frashëri” në Nyon.

Falë angazhimit të tij u realizua edhe kontakti dhe bashkëpunimi me Shtëpinë Botuese ALBAS në Kosovë, nga e cila shkolla jonë përfitoi një donacion të çmuar me libra dhe materiale mësimore për nxënësit tanë.

Për ne është shumë e rëndësishme të kemi pranë njerëz që, edhe nga larg, e mbajnë afër zemrës gjuhën shqipe dhe edukimin e brezave të rinj në diasporë.

Faleminderit prof. Besnik Pajaziti për përkrahjen, përkushtimin dhe kontributin tuaj të çmuar për shkollën tonë.

Me respekt,
Shkolla Shqipe “Naim Frashëri” – Nyon

22/08/2026

Falënderim i veçantë për Shtëpinë Botuese ALBAS – Prishtinë

Shkolla Shqipe “Naim Frashëri” në Nyon falënderon nga zemra z. Fatlum Hetemi dhe Shtëpinë Botuese ALBAS në Kosovë, për donacionin e çmuar dhe shumë të pasur me libra, materiale mësimore dhe edukative për nxënësit e shkollës sonë.

Ky donacion është një ndihmë e madhe për punën tonë dhe, mbi të gjitha, një kontribut i rëndësishëm për ruajtjen dhe mësimin e gjuhës shqipe tek fëmijët tanë në diasporë.

Një falënderim i veçantë edhe për bashkëvendësin tonë, prof. Besnik Pajaziti, i cili na mundësoi këtë kontakt dhe bashkëpunim me Shtëpinë Botuese ALBAS.

Jemi shumë mirënjohës për këtë përkrahje dhe për kujdesin ndaj shkollave shqipe jashtë atdheut.

Faleminderit z. Fatlum Hetemi, Shtëpisë Botuese ALBAS dhe prof. Besnik Pajazitit!

Me respekt,
Shkolla Shqipe “Naim Frashëri” – Nyon

16/08/2026

21/06/2026

Në prani të prindërve u komunikuan sukseset e nxënësve, duke vlerësuar lart angazhimin, përparimin dhe interesimin e tyre gjatë këtij viti shkollor. Më

21/06/2026

🌞 Mirupafshim Vit Shkollor, Mirëseerdhët Pushime të Bukura në Kosovën Tonë! 🇦🇱❤️🇽🇰

Si mësuese e ciklit të lartë, ndihem shumë e lumtur dhe krenare që përmbylla një vit shkollor rekord me 31 nxënës në klasën time. Ky vit ishte i mbushur me suksese, angazhim dhe rezultate të shkëlqyera në aktivitetet dhe projektet e shkollës sonë.

Në ceremoninë e mbylljes së vitit shkollor patëm kënaqësinë të prezantojmë para prindërve punën dhe sukseset tona, si dhe tre ish-nxënës të shkëlqyer që sot vazhdojnë studimet e tyre me sukses ishin të ftuar enkas në këtë festë .

Dëshiroj të shpreh mirënjohjen time për Kryesinë e Shkollës Shqipe në Nyon, në krye me drejtorin z. Rrahmani, për mbështetjen dhe përkushtimin e vazhdueshëm.

Falënderim i veçantë për të gjithë stafin mësimor për bashkëpunimin e shkëlqyer, si dhe për asistenten e klasës sime, Donjetë Rrahmani, për punën e palodhshme, profesionalizmin dhe kontributin e saj vullnetar.

Tani na presin pushimet verore dhe Kosova jonë e dashur, me familjet, kujtimet dhe rrënjët tona.

🙏 Mos ta harrojmë misionin tonë: të ruajmë dhe të përcjellim gjuhën shqipe tek brezat e rinj. Gjuha shqipe është identiteti ynë, historia jonë dhe ura që na bashkon kudo që jetojmë.

☀️ Pushime të mbara, të lumtura dhe plot kujtime të bukura për të gjithë!

**Me dashuri,
Mësuese Arbëria Vranovci📚🤍🫶🏼