Shërbime Juridike - Begzati

Shërbime Juridike - Begzati Këshilla dhe shërbime juridike - Përfaqësime dhe mbrojtje juridike Këshilla dhe shërbime juridike

01/09/2026

KUR RRITJA E QIRASË ËSHTË E PALIGJSHME — DHE SI TA NDALONI

Ju vjen një letër. Qiraja rritet. Çfarë bëni tani?

Shumica nuk bëjnë asgjë. Dhe kjo është gabimi më i shtrenjtë.
━━━━━━━━━━━━━━━━━━━━
KENI 30 DITË. ASGJË MË SHUMË.

Nga dita që e merrni njoftimin, keni 30 ditë për të thënë "jo" — me shkrim.

Nëse i lini të kalojnë, rritja vlen. Edhe nëse ishte e padrejtë. Edhe nëse kish*t të drejtë.

Pastaj nuk ka kthim.
━━━━━━━━━━━━━━━━━━━━
KUR LEJOHET RRITJA?

Qiradhënësi nuk e rrit qiranë kur t'i kujtohet atij. I duhet një arsye e vërtetë:

✔️ ka investuar në banesë ✔️ janë rritur shpenzimet e mirëmbajtjes ✔️ ka ndryshuar indeksi i çmimeve ✔️ ka lëvizur norma referente e interesit

Dhe duhet t'ju njoftojë me formularin zyrtar. Jo me një letër të thjeshtë.

Pa formular zyrtar — rritja nuk vlen.
━━━━━━━━━━━━━━━━━━━━
KY ËSHTË DALLIMI QË DUHET TA DINI

Jo çdo punim ju rrit qiranë.

🔹 Kuzhinë e re. Fasadë e izoluar. Përmirësime të mëdha. Banesa u bë më e mirë → rritja mund të jetë e ligjshme.

🔹 Parket i vjetër i ndërruar. Gypa e ngrohje të vjetruara. Kjo është riparim normal → nuk lejon rritje.

Qiradhënësi ka detyrë ta mbajë banesën në gjendje të mirë. Kjo nuk paguhet nga ju.

Dhe nëse kuzhina u ndërrua vetëm "për estetikë"? Atëherë keni bazë ta kontestoni.
━━━━━━━━━━━━━━━━━━━━
PROBLEME NË BANESË? KËRKONI ULJE TË QIRASË

Kjo e drejtë ekziston, por pak veta e përdorin.

Nëse nuk mund ta përdorni banesën normalisht, mund të kërkoni të paguani më pak:

▪️ punime që bëjnë zhurmë me muaj ▪️ dimër pa ngrohje ▪️ prishje të rënda që nuk riparohen

Sa ulje? Varet nga rasti — sa i rëndë është problemi dhe sa zgjat.

Si veprohet:

Bëni foto dhe shënoni datat.
Shkruajini qiradhënësit — gjithmonë me shkrim.

Nëse nuk ju dëgjon, drejtojuni organit të pajtimit.
━━━━━━━━━━━━━━━━━━━━
Dokumente. Shkresa. Afate.
Kush i respekton këto, fiton. Kush hesht, paguan.
━━━━━━━━━━━━━━━━━━━━
📘 Kjo temë shpjegohet në pyetjet 697–700 të librit "E Drejta Zvicerane në 1000 Pyetje-Përgjigje".

31/08/2026

🔴 10 VJET PA DOKUMENTE NË NEUCHÂTEL? TANI MUND TA MERRNI LEJEN E QËNDRIMIT

Që nga dita e nesërme 1 shtatori 2026, kantoni i Neuchâtelit nis një procedurë të përkohshme legalizimi për personat që jetojnë këtu pa leje qëndrimi.

Pesëmbëdhjetë muaj. Asnjë ditë më shumë.

Kush përfshihet?

Personat që punojnë, që jetojnë këtu prej dhjetë vjetësh dhe që nuk kanë marrë kurrë ndihmë sociale. Kantoni përmend katër kritere: kohëzgjatjen e qëndrimit, punësimin, integrimin dhe pavarësinë financiare.

Po punëdhënësit?

Ky është pikërisht momenti që shumëkush nuk e di. Punëdhënësit që marrin pjesë në procedurë dhe rregullojnë situatën e punëtorëve të tyre "në të zezë" nuk do të ndiqen penalisht. Një mundësi e rrallë. Zbatohet afat për këtë.

Kush nuk përfshihet?

Personat që kanë ardhur në Zvicër përmes procedurës së azilit.

⚠️ Një paralajmërim i domosdoshëm.

Paraqitja e kërkesës dhe e dosjes duhet të jenë sa më komplete.

Duhet dëshmuar dhjetë vjet prani. Vit pas viti. Kontrata pune, fletë-paga, prima të sigurimit shëndetësor, kontrata qiraje, fatura, dokumente mjekësore, vërtetime shkollore të fëmijëve. Janë pikërisht këto dëshmi që do të jenë vendimtare.

📍 Cabinet Juridique Begzati — Place Numa-Droz 2, 2000 Neuchâtel

30/08/2026

A E DINI SE 10 VJET QËNDRIM NË ZVICËR NUK MJAFTOJNË GJITHMONË PËR TË MARRË SHTETËSINË ZVICERANE?

Hasim në persona që mendojnë se, sapo të kenë jetuar dhjetë vjet në Zvicër, mund të bëhen shtetas zviceranë. Në realitet, procedura e natyralizimit (shtetësisë) kërkon më shumë se vetëm kalimin e kohës.

Për të paraqitur një kërkesë për natyralizim të zakonshëm, zakonisht duhet:

✅ të keni banuar ligjërisht në Zvicër për të paktën 10 vjet;
✅ të keni jetuar së paku 3 vjet gjatë 5 viteve të fundit në Zvicër;
✅ të jeni bartës i lejes C në momentin e paraqitjes së kërkesës;
✅ të jeni të integruar në shoqërinë zvicerane;
✅ të njihni gjuhën e kantonit tuaj — në përgjithësi, së paku niveli B1 në të folur dhe A2 në të shkruar;
✅ të respektoni ligjet, rendin publik dhe vlerat e Kushtetutës;
✅ të mos keni borxhe serioze, përmbarime, probleme me tatimet ose varësi të “tepruar” nga ndihma sociale.

📌 Një detaj i rëndësishëm: vitet e qëndrimit në Zvicër ndërmjet moshës 8 dhe 18 vjeç llogariten dyfish.

📌 Kujdes: jo çdo leje qëndrimi llogaritet në të njëjtën mënyrë. Lejet B dhe C zakonisht llogariten plotësisht; periudhat me leje F llogariten pjesërisht, ndërsa lejet L dhe N zakonisht nuk llogariten për afatin e natyralizimit.

Edhe pasi i plotësoni kushtet federale, kantoni dhe komuna ku banoni mund të kërkojnë dokumente shtesë, njohuri për Zvicrën ose një periudhë minimale banimi në territorin e tyre. Prandaj, çdo rast duhet të analizohet me kujdes para dorëzimit të kërkesës.

📘 Këtë temë e gjeni të trajtuar në Pyetjen nr. 97 të librit “E Drejta Zvicerane në 1000 Pyetje dhe Përgjigje”:

Cilat janë kushtet kryesore për shtetësinë në procedurën ordinare?

Në libër gjeni shpjegime të qarta dhe praktike për kushtet e natyralizimit, llogaritjen e viteve të qëndrimit, llojet e lejeve, integrimin, gjuhën, dokumentet e nevojshme dhe pengesat që mund ta vonojnë ose ta rrezikojnë kërkesën për shtetësi.

22/08/2026

REGJISTRI I DËNIMEVE NË ZVICËR: ÇFARË DUHET TË DINI 🇨🇭⚖️

Në Zvicër quhet Strafregister ose Casier judiciaire. Baza e të dhënave quhet VOSTRA 🗂️ dhe menaxhohet nga Zyra Federale e Drejtësisë.

Aty shënohen vetëm dënimet që kanë marrë formë të prerë — pra pasi kanë përfunduar të gjitha mundësitë e ankimimit. ✍️

Çfarë regjistrohet? 🔍

Jo çdo gjë e vogël. Kryesisht:

- krimet dhe deliktet, dhe disa kundërvajtje serioze
- gjobat mbi një prag të caktuar (gjobat e vogla jo)
- masat terapeutike në vend të burgut
- puna në dobi të përgjithshme mbi një numër orësh
- ndalesat për ushtrimin e një profesioni

Sa kohë mbetet?

Nga 5 deri në 15 vjet, sipas peshës së veprës. Pastaj hiqet nga ekstrakti privat — por mbetet në arkiv.

Pse ka rëndësi praktike?

Sepse në Zvicër regjistri lexohet si pasqyrë e respektimit të rendit juridik.

📌 Leja e qëndrimit: një dënim mund të sjellë mosvazhdim, ulje nga C në B, madje revokim dhe largim nga vendi.

📌 Leja C dhe shtetësia: autoritetet kërkojnë ekstraktin. Dënimet e viteve të fundit mund ta bllokojnë dosjen.

📌 Profesionet e licencuara: bankë, sigurime, mësimdhënie, kujdes për fëmijë, shëndetësi, siguri, transport publik — kërkohet "pastërti" penale.

📌 Punësimi: shumë punëdhënës e kërkojnë, sidomos për pozicione me besim të lartë.

🌍 Një detaj që shpesh harrohet: dënimet e shqiptuara jashtë Zvicrës ndaj shtetasve zviceranë gjithashtu regjistrohen, nëse raportohen.

✅ Kush ka dyshime për dosjen e vet, mund të kërkojë ekstraktin e tij personal. Është e drejtë ligjore — dhe shpesh është hapi i parë para se të nisësh një procedurë për leje ose natyralizim. 👉

📖 Pyetja nr. 901 — nga libri "E Drejta Zvicerane në 1000 Pyetje-Përgjigje"

📍 Cabinet Juridique Begzati — Neuchâtel

18/08/2026

A ËSHTË PAGA E 13-TË E DETYRUESHME ME LIGJ NË ZVICËR? 🤔

Përgjigjja e shkurtër: JO.

Ligji zviceran nuk e detyron asnjë punëdhënës ta paguajë pagën e 13-të. Ajo lind vetëm nëse është shkruar diku: në kontratën tuaj individuale, në një kontratë kolektive (CCT/GAV, p.sh. ndërtimtaria, hotelieria) ose në një kontratë standarde të punës (CNT/NAV).

Por ka një detaj që shumë punëtorë nuk e dinë 👇

✅ Nëse kontrata e parashikon si të drejtë, paga e 13-të bëhet pjesë e pagës suaj (neni 322 Kodit të detyrimeve), jo dhuratë. Largoheni nga puna në qershor? Ju takon pjesa për muajt e punuar (pro rata temporis). Nuk humbet.

⚠️ Nëse kontrata e quan "bonus" ose "gratifikacion" (gratification / Gratifikation) në vullnetin e punëdhënësit, vendos vetë ai: sa të japë, kur, ose të mos japë aspak.

🔑 Por ka një kufi. Kur i njëjti bonus paguhet rregullisht, tri vjet radhazi, pa rezervë, ai e humb karakterin e dhuratës dhe trajtohet si pjesë e pagës. Zakoni krijon të drejtë.

📖 Pyetja nr. 160 — nga libri "E Drejta Zvicerane në 1000 Pyetje-Përgjigje"

📍 Cabinet Juridique Begzati — Place Numa-Droz 2, 2000 Neuchâtel
📞 032 731 99 64

16/08/2026

❓ NËSE KËRKOJ NDIHMË SOCIALE, A E HUMBAS LEJEN E QËNDRIMIT?

Kjo është një nga frikat më të përhapura dhe shpesh e panevojshme. 👇

🚫 Askush nuk duhet të "trembet" të kërkojë ndihmë sociale kur ndodhet realisht në nevojë. Ajo ekziston pikërisht për ato momente.

✅ Kur varësia është e arsyetuar dhe e përkohshme: humbje pune, sëmundje e rëndë, një situatë familjare e jashtëzakonshme dhe personi tregon përpjekje reale për t'u rikthyer në punë e për t'u integruar, në shumë raste kjo nuk çon automatikisht në humbje të lejes.

⚠️ Problemi fillon kur dikush varet gjatë e pa ndërprerje nga ndihmat sociale, pa arsye të kuptueshme dhe pa asnjë përpjekje për të gjetur punë. Atëherë autoritetet mund të hapin procedurë për shqyrtimin e kushteve të lejes.

📌 Kujdes gjithashtu: probleme mund të paraqiten edhe në momentin kur kërkohet transformimi i lejes B në C apo në rast të kërkesës për shtetësi zvicerane.

📂 Çdo rast është i veçantë. Informohuni para se të merrni një vendim ose para se të përgjigjeni në një letër të autoriteteve.

📍 Cabinet Juridique Begzati — Place Numa-Droz 2, 2000 Neuchâtel
📞 032 731 99 64

14/08/2026

🏠 BLERJA E BANESËS NË ZVICËR: 5 GJËRA QË DUHET T'I DINI

Dikur mendohej se blerja e një patundshmërie në Zvicër ishte ëndërr vetëm për zviceranët.

Sot, gjithnjë e më shumë persona me origjinë të huaj e realizojnë atë. ✅

Por ka rregulla që duhen ditur para projektit të blerjes. 👇

💰 1. Sa para ju duhen?
Rregulla bazë: 20% nga çmimi i blerjes duhet të jetë e juaja. Pjesa tjetër, 80%, vjen nga banka. Për lokale afariste, kushtet janë më të ashpra.

🔍 2. Çka analizon banka?
Të ardhurat, kursimet, kontributet pensionale, garancitë. Jo vetëm rrogën.

⚠️ 3. Nëse çmimi është i tepruar?
Banka mund të kërkojë 30% ose më shumë nga xhepi juaj. Prandaj vlerësimi real i objektit është vendimtar.

📋 4. Kush është pronari — ju apo banka?
Ju. Në regjistrin e patundshmërive shkruhet emri juaj, jo i bankës. Por banka ka të drejtat e veta nëse detyrimet nuk përmbushen.

🚩 5. Kujdes me ndërmjetësit
Numri i "sh*tësve" është shtuar. Jo të gjithë janë njohës të vërtetë të fushës. Një këshillë e gabuar mund t'ju kushtojë dhjetëra mijëra franga.

⚖️ Cabinet Juridique Begzati
📍 Place Numa-Droz 2, 2000 Neuchâtel

KUR NJË AUTORITET FEDERAL PRANON GABIMIN E VET — PA PRITUR AS VENDIMIN E GJYKATËS: HISTORIA E NJË BETEJE TË FITUAR Rrall...
25/07/2026

KUR NJË AUTORITET FEDERAL PRANON GABIMIN E VET — PA PRITUR AS VENDIMIN E GJYKATËS: HISTORIA E NJË BETEJE TË FITUAR

Rrallë ndodh, në praktikën e së drejtës së migracionit, që një dosje të fitohet kaq qartë përpara një gjykate federale. E megjithatë, kjo është pikërisht ajo që ndodhi në një dosje që zyra jonë e mbrojti kohëve të fundit.

Klientit tonë i ishte njoftuar nga Sekretariati Shtetëror për Migracion (SEM) një vendim për ndalim hyrjeje në Zvicër, me kohëzgjatje prej tre vjetësh.

Pas shqyrtimit të dosjes, kjo masë na u duk e padrejtë dhe pa bazë të mjaftueshme ligjore. Për këtë arsye, e çuam çështjen përpara Gjykatës Federale Administrative.

Në kuadër të procedurës, Gjykata e ftoi SEM-in të merrte qëndrim lidhur me ankesën tonë. Pas një shqyrtimi të kujdesshëm të argumentimit tonë, Sekretariati Shtetëror për Migracion arriti në një përfundim të qartë: shanset që ankesa jonë të pranohej ishin të larta.

Në vend që të ngulmonte në qëndrimin e tij fillestar, SEM-i vendosi vetë, menjëherë, të anulojë ndalimin e hyrjes së shqiptuar ndaj klientit tonë. Gjykata Federale, në vendimin e saj, konfirmoi po ashtu se ankesa paraqiste shanse serioze suksesi.

Ky epilog meriton të nënvizohet. Përpara Gjykatës Federale, probabilitetet për të fituar një çështje janë statistikisht të ulëta — shumica e ankesave në çështjet e migracionit përfundojnë me vendime negative.

Fakti që një autoritet federal, ende para vendimit përfundimtar të Gjykatës, njeh vetë bazueshmërinë e një ankese dhe korrigjon gabimin e vet, përbën një dëshmi që meriton respekt — njësoj sa edhe këmbëngulja e mbrojtjes juridike të Zyrës sonë, e cila e bëri të mundur këtë rezultat.

Ky sukses na kujton një të vërtetë tepër shpesh të harruar: asnjë vendim nuk është kurrë i paprekshëm, dhe një ankesë e argumentuar mirë, e mbështetur në një lexim rigoroz të së drejtës, mund t'i bëjë të dorëzohen edhe qëndrimet më të ashpra.

Cabinet Juridique Begzati — Zyra Juridike Begzati, Neuchâtel

"PENSION" QË NGA MOSHA 60-VJEÇARE: SI FUNKSIONON RENTA TRANZITORE NË ZVICËR 🇨🇭Që nga 1 korriku 2021 është në fuqi një li...
25/07/2026

"PENSION" QË NGA MOSHA 60-VJEÇARE: SI FUNKSIONON RENTA TRANZITORE NË ZVICËR 🇨🇭

Që nga 1 korriku 2021 është në fuqi një ligj federal që u mundëson personave të moshuar të papunë një formë kalimtare të ardhurash — jo pension i mirëfilltë, por një pagesë (e quajtur edhe "rentë urëkalim") deri në moshën e rregullt të pensionimit (AVS/AHV).

👤 Kujt i drejtohet?

Personave që kanë humbur vendin e punës pas moshës 58 vjeçare dhe që, në moshën 60-vjeçare, ende janë të papunë dhe u afrohet fundi i të drejtës për pagesa nga sigurimi i papunësisë ("chômage" / "Arbeitslosenversicherung").

✅ Kushtet për ta fituar këtë të drejtë:

1️⃣ Të kesh mbushur së paku 60 vjeç
2️⃣ Të kesh qenë i siguruar (paguar kontribute) në AVS/AHV së paku 20 vjet
3️⃣ Nga këto 20 vjet, së paku 5 vjet të bien pas moshës 50-vjeçare
4️⃣ Të ardhur mesatare vjetore prej së paku CHF 22'680.- gjatë viteve të kontributeve
5️⃣ Kapital/pasuri e kursyer nën CHF 50'000.- (person i vetëm) ose CHF 100'000.- (çift i martuar)
6️⃣ Vendbanim dhe qëndrim efektiv në Zvicër ose në shtet të BE-së/EFTA-s
7️⃣ Të mos kesh njëkohësisht të drejtë për rentë AI/IA apo AVS/AHV
8️⃣ Kushte të tjera shtesë, më pak vendimtare, aplikohen rast pas rasti

⏳ Sa zgjat dhe sa vlen?

Nëse fitohet e drejta, pagesat vazhdojnë deri në moshën e zakonshme të pensionimit AVS/AHV. Shuma llogaritet sipas një modeli të ngjashëm me shërbimet plotësuese (PC-EL) — diferenca ndërmjet shpenzimeve të njohura dhe të ardhurave — me kufi maksimal vjetor rreth CHF 45'225.- (person i vetëm) dhe CHF 67'838.- (çift).

⚠️ Sqarim i rëndësishëm

Kjo masë nuk duhet ngatërruar:
🔸 as me pensionimin e parakohshëm (rentë e reduktuar AVS/AHV përpara moshës së rregullt)
🔸 as me ndihmën sociale komunale/kantonale — bëhet fjalë për një e drejtë federale specifike, e rregulluar nga Ligji federal mbi shërbimet/pagesat tranzitore për të papunët e moshuar.

19/07/2026

📢 A MUND TË PUNOJË NË ZVICËR NJË SHTETAS BALLKANIK PA PASAPORTË EVROPIANE? 🇨🇭

Shumëkush mendon se pa pasaportë të ndonjë shteti të BE-së, rruga drejt tregut zviceran të punës është e mbyllur. Në realitet, gjërat qëndrojnë ndryshe: ligji zviceran parashikon përjashtime që hapin dyer edhe në raste që në pamje të parë duken pa shpresë. 🔍

✅ Nuk kërkohet asnjë pasaportë evropiane. Mjafton të kesh një leje qëndrimi dhe të banosh në një zonë kufitare afër Zvicrës — me Italinë 🇮🇹, Francën 🇫🇷, Gjermaninë 🇩🇪 ose Austrinë 🇦🇹.

Me fjalë të tjera: dikush që banon, për shembull, në një qytet gjerman afër me kufirin zviceran, mund të punojë krejt normalisht në anën tjetër të kufirit — pa pasur nevojë për ndonjë status të veçantë të BE-së.

📌 Kushtet që duhen plotësuar:

▪️ Vendbanim i qëndrueshëm prej një kohe të caktuar në zonën kufitare të shtetit fqinj

▪️ Vendi i punës të jetë gjithashtu brenda një zone të njohur si "kufitare" në territorin zviceran — kufijtë gjeografikë përcaktohen me rregullore të posaçme

▪️ Detyrim për t'u kthyer së paku një herë në javë në vendbanimin kryesor jashtë Zvicrës

▪️ Rregulla specifike lidhur me sigurimet shoqërore, tatimet dhe vendbanimin, të quajtura rregulla për "punëtorët kufitarë"

💼 Po për ata që duan të hapin biznes? E njëjta mundësi ekziston: personat nga shtete jashtë BE-së që banojnë në zonat kufitare mund të themelojnë biznes në Zvicër, sipas të njëjtave kritere të aplikuara për punëtorët kufitarë.

😊 Ka diçka ironike në gjithë këtë: shumë prej këtyre "kufijve" janë thjesht disa kilometra rrugë çdo mëngjes për të shkuar në punë, ashtu si fqinji i tij zviceran. Ndryshimi i vetëm? Njëri kalon një pikë kontrolli, tjetri jo.

Adresse

Place Numa-Droz 2
Neuchâtel
2000

Téléphone

+41327319964

Site Web

Notifications

Soyez le premier à savoir et laissez-nous vous envoyer un courriel lorsque Shërbime Juridike - Begzati publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'école

Envoyer un message à Shërbime Juridike - Begzati:

Raccourcis

Partager