05/09/2026
ℹ️ Nis viti i ri shkollor në Shkollën Shqipe në Avenches!
Me kënaqësi dhe entuziazëm kemi nisur vitin e ri shkollor në Shkollën Shqipe në Avenches, duke mirëpritur nxënësit tanë të rinj dhe ata që vazhdojnë rrugëtimin e tyre në mësimin e gjuhës shqipe.
Përmes mësimit, aktiviteteve dhe bashkëbisedimit, fëmijët do të kenë mundësinë të zhvillojnë njohuritë e tyre në gjuhën shqipe, si dhe të njihen më nga afër me kulturën, historinë dhe traditat shqiptare.
U dëshirojmë të gjithë nxënësve një vit shkollor të mbarë, me shumë suksese, përvoja të bukura dhe kënaqësi në mësimin e gjuhës së të parëve.
Mësimet zhvillohen në Avenches, çdo të premte, nga ora 18:30 deri në 20:00, nën udhëheqjen e mësueses Laurjetë Shala
Me përkushtim dhe dashuri për gjuhën shqipe, mësuesja Laurjeta angazhohet që fëmijëve të rajonit të Broye-s t’ua përcjellë jo vetëm gjuhën, por edhe vlerat, kulturën dhe traditat tona kombëtare.
Prindërit që dëshirojnë që fëmijët e tyre të mësojnë apo të përmirësojnë gjuhën shqipe janë të mirëpritur të na kontaktojnë përmes mesazhit privat për informacione rreth regjistrimit dhe mësimit.
Faleminderit të gjithë prindërve për besimin dhe mbështetjen. Ju ftojmë gjithashtu ta shpërndani këtë publikim me familjarët dhe miqtë tuaj.
Së bashku për ruajtjen dhe përcjelljen e gjuhës, kulturës dhe identitetit shqiptar te brezat e rinj! 🇦🇱
