ការិយាល័យអប់រំ យុវជន និង កីឡានៃរដ្ឋបាលស្រុកត្រពាំងប្រាសាទ

ថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែមិថុនា ឆ្នាំ២០២៦

លោក ខ្លួន គ្រឿង ប្រធានការិយាល័យ ដឹកនាំលោកអនុប្រធាន មន្ត្រី លោកនាយក/លោកស្រីនាយិកា និងក្រុមការងារគ្រឹះស្ថានសិក្សាក្នុងស្រុក ចូលរួមកិច្ចប្រជុំបូកសរុបលទ្ធផលការងារអប់រំ យុវជន និងកីឡាប្រចាំខែមិថុនា ក្រោមកិច្ចដឹកនាំលោក ហាំង ម៉េង អភិបាលនៃគណៈអភិបាលស្រុក នៅសាលាបឋមសិក្សាត្រពត្រពាំងប្រាសាទ

ថ្ងៃពុធ ៣កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែមិថុនា ឆ្នាំ២០២៦

លោ ខ្លួន គ្រឿង ប្រធានការិយាល័យ ដឹកនាំលោកអនុប្រធាន និងមន្ត្រី ចូលរួមកិច្ចប្រជុំវាយតម្លៃសិម្មភាពអនុវត្តការងារប្រចាំថ្ងៃរបស់មន្ត្រីរាជការនៅរដ្ឋបាលស្រុក ក្រោមកិច្ចដឹកនាំរបស់ឯកឧត្តម ហួន វ៉ាន់និត អភិបាលរងនៃគណៈអភិបាលខេត្តឧត្តរមានជ័យ នៅសាលប្រជុំធំសាលាស្រុកត្រពត្រពាំងប្រាសាទ

ថ្ងៃទី១៥-១៦ខែមិថុនាឆ្នាំ២០២៦

លោក ង៉ែត សុផេន និងលោក ទន់ វឌ្ឍនា មន្ត្រីការិយាល័យ ដឹកនាំលោកនាយក/លោកស្រីនាយិកា លោកគ្រូICT ចំនួន៧នាក់ សាលាបឋមសិក្សាទាំង៦នៃគម្រោងអប់រំចំណេះទូទៅ (GEIP) ចូលរួមវគ្គបណ្តុះបណ្តាលស្តីពី ការអនុវត្តកម្មវិធីអប់រំចំណេះដឹងប្រព័ន្ធផ្សព្វផ្សាយ និងព័ត៌មានក្នុងបរិវត្តកម្មឌីជីថល នៅមន្ទីរអប់រំ យុវជន និងកីឡាខេត្តឧត្តរមានជ័យ

ថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២

លោក ង៉ែត សុផេន មន្ត្រីការិយាល័យ ដឹកនាំក្រុមការងារទទួលបន្ទុកទិន្នន័យ(ICT) កម្រង និងសាលាគម្រោងGEIP និង GEIP-AF ចូលរួមវគ្គសិក្ខាសាលាស្ដីពីការគ្រប់គ្រងប្រព័ន្ធអេកូទិន្នន័យផ្សារភ្ជាប់ទៅនឹងនវានុវត្តន៍នៃការអនុវត្តស្ដង់ដាសាលារៀនគំរូរបស់គម្រោងកែលម្អការអប់រំ ចំណេះទូទៅ(GEIP)ដែលមានរយៈ២ថ្ងៃ ចាប់ពីថ្ងៃទី១១ ខែមិថុនា ឆ្នាំ២០២៦ ដល់ថ្ងៃទី ១២ ខែមិថុនា ឆ្នាំ២០២៦នៅសាលប្រជុំការិយាល័យអប់រំ យុវជន និងកីឡានៃរដ្ឋបាលស្រុកត្រពាំងប្រាសាទ

វគ្គសិក្ខាសាលានេះ ផ្ដោតទៅលើ:
-ការណែនាំ និងអនុវត្តមុខងារសំខាន់ៗនៃប្រព័នថ្នាលបឋម PLP
-ការណែនាំពីថ្នាលគ្រប់គ្រងព័ត៌មានសាលារៀន(SMS)
-ការណែនាំ និងអនុវត្តប្រព័ន្ធស្ដង់ដារសាលារៀនគំរូ
-ការណែនាំ និងអនុវត្តថ្នាលគ្រប់គ្រងបណ្ណាល័យសាលារៀន
-ការណែន និងអនុវត្តប្រព័ន្ធកិច្ចព្រមព្រៀងសមិទ្ធកម្ម(MEL PLP)
-ការណែនាំ និងអនុវត្តថ្នាលអភិវឌ្ឍវិជ្ជាជីវៈគ្រូបង្រៀន

ថ្ងៃអង្គារ ៩រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែមិថុនា ឆ្នាំ២០២៦

លោក ប៉ក់ សម្បត្តិ អនុប្រធានការិយាល័យ ដឹកនាំលោកស្រី ឈិន សុជាតិ មន្ត្រីការិយាល័យ ចុះពិនិត្យតាមដានការបង្រៀននៅសាលាបឋមព្រះប្រឡាយនិបឋមអភិវឌ្ឍន៍

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦

លោក ណុប ណុច អភិបាលរងស្រុក អញ្ជើញជាអធិបតីបិទវគ្គបណ្ដុះបណ្ដាលស្ដីពី កញ្ចប់សម្ភារៈអំណានកម្រិតថ្នាក់ដំបូង(ថ្នាក់ទី១-៣) ដល់គ្រូបង្រៀនថ្នាក់ដំបូង នៃកម្មវិធី " តស់ យើងរៀនអាន " នៅសាលប្រជុំធំសាលាស្រុកត្រពាំងប្រាសាទ។

វគ្គបណ្តុះបណ្តាលស្តីពី កញ្ចប់សម្ភារៈអំណានកម្រិតថ្នាក់ដំបូង(ថ្នាក់ទី១-៣) ដល់គ្រូបង្រៀនថ្នាក់ដំបូង នៃកម្មវិធី " តស់ យើងរៀនអាន " ជូនដល់គ្រូបង្រៀនកម្រិតថ្នាក់ដំបូងទី១-៣ចំនួន១២៨នាក់ រយៈពេល៤ថ្ងៃ គិតចាប់ពីថ្ងៃទី១ដល់ថ្ងៃទី៤ ខែមិថុនាឆ្នាំ២០២៦ ដែលឧបត្ថម្ភដោយអង្គការFHកម្ពុជា។

កញ្ចប់អំណានថ្នាក់ដំបូង ឬអាចហៅម្យ៉ាងទៀតថា កម្មវិធីកុមាររៀនកុមារចេះ គឺជាកម្មវិធីថ្នាក់ជាតិនៃក្រសួងអប់រំ យុវជន និងកីឡាសម្រាប់កម្រិតថ្នាក់ទី១ដល់ទី៣

គោលបំណងនៃកញ្ចប់សម្ភារៈអំណានថ្នាក់ដំបូងគឺ ធានាថាសិស្សានុសិស្សមានការអភិវឌ្ឍន៍បំណឹងមូលដ្ឋានគ្រឹះនៃការអាននិងសរសេរច្បាស់លាស់នៅចុងថ្នាក់ទី៣។

នៅក្នុងកញ្ចប់សម្ភារៈអំណានថ្នាក់ដំបូង រួមមាន៖
សៀវភៅណែនាំគ្រូសម្រាប់ថ្នាក់ទី១ ទី២ និងទី៣
សៀវភៅជំនួយសិស្សបន្ថែមលើសៀវភៅសិក្សាគោលសម្រាប់សិស្សទាំង៣កម្រិតថ្នាក់
បណ្ណអក្សររូបភាព(ថ្នាក់ទី១)
សៀវភៅរឿងខ្លីងាយអាន
សៀវភៅហ្វឹកហាត់កិច្ចការផ្ទះ (ថ្នាក់ទី៣)
សម្ភារៈទាំងនេះប្រើជាមួយសៀវភៅសិក្សាគោល
មួយទៀតនៃកញ្ចប់សម្ភារៈអំណានថ្នាក់ដំបូងគឺ៖

* កម្មវិធីសិក្សាមានការកែលម្អ ដែលរួមមាន៖
> បង្រៀន ១ ឬ ២តួអក្សរក្នុង១ថ្ងៃសម្រាប់ថ្នាក់ទី១
> វិធីបង្រៀន គឺប្រើគោលការណ៍ ខ្ញុំធ្វើ យើងធ្វើ អ្នកធ្វើ
> កំណត់រយៈពេលបង្រៀនមេរៀននីមួៗដូចគ្នា គឺ ២ម៉ោងសិក្សាក្នុង១មេរៀនគ្រប់កម្រិតថ្នាក់

▶ មេរៀននីមួយៗត្រូវបានកំណត់ចំនួនថ្ងៃជាក់លាក់គ្រប់មេរៀន។ ឧ. មេរៀនអំណានថ្នាក់ទី២ គឺ១ មេរៀនបង្រៀន ២ថ្ងៃ។ មេរៀនអំណានថ្នាក់ទី៣ គឺបង្រៀន១មេរៀន ៣ថ្ងៃ ចាប់ដើមឆ្នាំដល់ចុងឆ្នាំ។

ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦

លោក ណុប ណុច អភិបាលរងស្រុក អញ្ជើញជាអធិបតីក្នុងកម្មវិធីបើកវគ្គបណ្ដុះបណ្ដាលស្ដីពី កញ្ចប់អំណានថ្នាក់ដំបូង(ថ្នាក់ទី១-៣)ដល់គ្រូបង្រៀនថ្នាក់ដំបូង និងទីប្រឹក្សាគរុកោសល្យប្រចាំសាលា នៃកម្មវិធី > ដែលមានរយៈពេល៥ថ្ងៃ នៅសាលប្រជុំធំសាលាស្រុកត្រពាំងប្រាសាទ ដែលឧបត្ថម្ភថវិកាដោយអង្គការFhកម្ពុជា ។

ក្នុងកម្មវិធីនេះផងដែរអញ្ជើញចូលរួមពីលោកប្រធានការិយាល័យអប់រំ យុវជន និងកីឡា អ្នកសម្របសម្រួលអង្គការFH គ្រូឧទ្ទេសមន្ទីរអប់រំ យុវជន និងកីឡាខេត្ត ការិយាល័យអប់រំ យុវជន និងកីឡានៃរដ្ឋបាលស្រុក និងថ្នាក់កម្រងសាលារៀន ព្រមទាំងលោកគ្រូ/អ្នកគ្រូថ្នាក់ទី១ដល់ទី៣ ទាំង៣០សាលាក្នងគោលដៅអង្គការFh ចំនួន១២៨នាក់។

ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

លោក ង៉ែត សុផេន មន្ត្រីការិយាល័យ ចូលរួមប្រជុំបច្ចេកទេសថ្ងៃព្រហស្បតិ៍ប្រចាំខែឧសភានៅកម្រងត្រពាំងប្រាសាទ។ ការប្រជុំបច្ចេកទេសក្នុងកម្រងទាំង៤ផ្ដោតលើរបៀនវារៈ

-ការផ្លាស់ប្ដូរបទពិសោធ និងដោះស្រាយបញ្ហាបច្ចេកទេសដែលបានអនុវត្តក្នុងការបង្រៀនខែកន្លងមក
-ការធ្វើថ្នាក់និទស្សន៍
-ការផ្សព្វផ្សាយអំពីថ្នាកPLPដោយគ្រូបង្គោលICTកម្រង
-ការងាររដ្ឋបាល
-ផ្សេងៗ