Jardin d'enfant el fawz zéramdine

عن متفقد الطفولة أنيس بن عبد الله

تصحيح لبعض المصطلحات و روا كل مصطلح منهم وراه ممارسات و مضامين و أهداف تختلف عن الاول،
في الروضة مثلا:
ما نقلوش ايقاظ علمي ، نقولوا أنشطة ايقاظية،
ما نقولوش حساب، نقولو انشطة رياضية منطقية ،
ما نقولوش كتابة و قراءة ، نقولو أنشطة التهيئة للكتابة و القراءة ،
أنيستي في الروضة هي اللي تصمم و تنفذ المشاريع التربوية و توظف فيها مختلف الاستغلالات البيداغوجية ، ما عناش استاذ مختص لكل نشاط ...
حفل ٱخر السنة هو تتويج للي خدموه الانيسات و الأطفال على امتداد السنة التربوية ، و الفريق التربوي بالمؤسسة هو اللي ينشط و يسير الحفلة و يضبط مضامينها ...
مضامين الحفلة ما همش نتاج عروض تخدمو في 15 يوم و قتلنا فيهم الاطفال ، هو تتويج لخدمة و مجهود عام كامل ...
انيستي دورها موش القارد ، انيستي دورها التنشيط ،
انيستي تعرف تنظم المفاهيم و توزعهم بالتدرج حسب صعوبتهم من اول العام لٱخر العام ،
ثمة تدرج في المضامين و المفاهيم ، بين عامين و نص و حتى نوصلو لخمس ست سنوات ، ما نخدموش بعلي ، ثمة تخطيط واعي و تدرج و مرحلية واضحة في الانجاز،
انيستي تعرف الطفل شنوة لازمو يتعلم في الروضة - التعلمات و المفاهيم الأساسية معروفين و واضحين ...
أنيستي ما تحملش والدي فوق طاقتهم و تخدم عالصورة و البهرج و كل شهر تظاهرة وفلوس و مستلزمات ووو ، أنيستي الهدف متاعها الاول انها تساعدني عالنمو و التعلم و تخليني طفل مرتاح متوازن و سعيد في الروضة ..
في روضتنا ما فماش طفل يتعدى للقراءة و الكتابة و الحساب ، قبل ما يتعلم انواع الخطوط ، و يتعلم الاتجاهات، و التمركز في الفضاء ، و التوازن ، و الاشكال ، و الالوان، و الفرز و الترتيب ، و التصنيف ... و قبل ما ينمي قدراتو الحسية الحركية من خلال عديد الانشطة الهادفة ...
وقت تدخل لروضتي ما تلقاش، كان كرارس و كتب و ستيلوات، و ما تلقاناش ديما قاعدين مكتفين ايدينا ، في روضتي تلقى مواد تنشيط و معلقات تربوية و رزنامات إيقاضية، و تلقاهم معلقين انتاجاتي موش الحاجات اللي صنعتهم أنيستي...
تلقى فضاء مبهج و ثري و حركي ، تلقى أصوات تلقائية و فرحانة ...
أنيستي الحقيقية تراعي مختلف حاجاتي في هالمرحلة ( حركة ، لعب ، استكشاف ، راحة ، مراوحة ، تعلم حسي حركي و لعبي ...) و تراعي زادة مستوى قدراتي في كل مرحلة ...
مالا باش أنيستي مختصة .... خاطرها تفهم اش معناها طفل و تفهم في برامج الروضة و قادرة كمختصة تفهم امي و بابا خصائص هالمرحلة و وين تكمن مصلحتي الحقيقية ...
تحية لكل أنيسة تفهم و متمسكة بهذا الكل ...
تحية لكل مربي حقيقي يراعي ضميرو و يعلي مصلحة الاطفال فوق كل اعتبار ...

التحسيس باهمية فطور الصباح ومنافعه للعقل والجسم💪🧠
أطفال 3سنوات برافوووو سنافري الصغيرة دامت ابتساماتكم🥰

عيد ميلاد سعيد بطلي العزيز جسوره 😍💓🎊🎉🎁عقبال مائة سنة 💯 ربي يحفظك ويوفقك ويخليك للبابا والماما يارب.
أطفالي الغالين وأولياءهم الاوفياء💕

نتائج مشرفة حبيباتي مزيد من التألق والنجاح🥰فخورة بكم 😍

عيد ميلاد سعيد أميرتي الجميلة🥰ربي يحفظك ويخليك للبابا والماما ويشوفوك بأعلى المراتب❤️🎊🎉🎁👑

مش ساهل برشا بش توصل تحب الخدمة في ميدان الطفولة ..تفيق بكري و تبات تخمم ليلة كاملة على صغير مريض و لا محبش ياكل و الا صغير جديد طبعو صعيب و لا عندو صعوبه في التعلم و لا صغير والف بك و ميحبش يفارقق و لا صغير راسو كاسح عنيد ...
ديما تروح en re**rd للدار تاعب ومتلقاش الوقت بش تطيب حاجة بنينة عندك جمعة تخططلها..ساعات تقعد فالخدمة بعد وقتها بش تبقى تنظم القاعات و كتبكهم بش الصباح دوب يدخلو يلقاوها حاضرة و نظيفة و مرتوبة ..قداش من évènements في نهاية الأسبوع ولا vacances بش تضيع على روحك على خاطر اولياء تخدم و ماعندها وين تحط صغارها و انتي حلهم الوحيد ..قداش من مرة يتعدى نهارك صعيب بكلو ضغط وتروح للدار même pas تحب تحكي..نهار كامل وانت تسأل وتحكي وكي تروح للدار متلقى متحكي ولا plutôt معينكش بالكلام وjuste تحب تتكى وانت ساكت..نهار كامل وانت تجري و تحب تلبي حاجيات الصغير هذا و الصغير هاكا ... وتسنى انك لازم تخلي طرف من الحب اللي في قلبك لصاحبتك ولا لعبد عزيز عليك ولا انك لازم تخدم وتتلاها بروحك..أما تعرفو بعد هذا الكل صحيح نخدمو تحت الstress والضغط أما حبينا الخدمة متاعنا.. مانجمش نلقى روحي في خدمة اخرى بخلاف مربية اطفال❤❤

ومن أجل الإستمرار، لازمنا شوية حب منكم وانكم تتفهمونا ساعات. و تحترمونا .الواحد منا يحتاج prise en charge de temps en temps ..ولا يلقى الكتف اللي بش يبكي عليها ولا يلقى شكون اللي بش يحمل عليه الdétails الأخرى متاع الحياة الأخرى بش ميتعبش أكثر..ساعات متنجمش تقول انك حزين ولا متقلق خاطرك مربية اطفال و خاطرك لازم الصغير يراك ديما عاملة جو ..وبالكعس لازمك تضحك وتنسى مشاكلك بش تنجم تمشي الخدمة من غير مشاكل..
يكذب عليك اللي يقلك الخدمة الصعيبة متتحبش ..كي تلقى عباد تحبك وتفهمك وقتها انت تحب خدمتك..شكرا لكل عبد خلانا نحبو خدمتنا.. الي خلاونا نقدمو و نبدعو فيها و نطمحو ديما بش نطورو من ارواحنا ❤