Şəhid Kamal Məmmədov adına 209 nömrəli tam orta məktəb

Accueil
Congo
Democratic Republic of the
Şəhid Kamal Məmmədov adına 209 nömrəli tam orta məktəb

Şəhid Kamal Məmmədov adına 209 nömrəli tam orta məktəb-Bakı şəhəri, Sabunçu rayonu, Maştağa qəsəbəsi Məktəb binası uyğunlaşdırılmış binadır.

Şəhid Kamal Məmmədov adına 209 nömrəli tam orta məktəb Bakı şəhəri, Sabunçu rayonu, Maştağa qəsəbəsində yerləşir.1962/1963-cü tədris ilində fəaliyyətə başlayıb. Təcrübəli təhsil işçisi Teymur Abbasovun rəhbərlik etdiyi bu təhsil ocağında ilk təhsil ilində şagird sayı 500-dən çox olub. Hazırda yüksək səviyyədə təmir edilmiş və müasir maddi-texniki baza ilə təmin olunmuş bu təhsil ocağı 320 şagird yerlik olsa da, burada 583 şagird təhsil alır. Məktəbdə 48 nəfərdən ibarət pedoqoji heyət çalışır. Onlardan 42 nəfəri ali təhsilli, 6 nəfəri isə orta ixtisas təhsillidir. Məktəbin kitabxanası, akt və idman zalları, futbol meydançası, informatika kabineti var. On üç sinif elektron lövhə ilə təmin olunub. Müəllimlərdən Allahverdiyeva Dürdanə, Əliyeva Kəmalə, Quliyev Natiq, Məmmədova Mətanət, Əliyeva Aytən bu məktəbin məzunlarındandır. Məktəb 03 yanvar 1992-ci ildən etibarən 20 Yanvar şəhidi Kamal Məmmədovun adını daşıyır. O, 21 dekabr 1955-ci ildə Bakının Maştağa qəsəbəsində anadan olub. Orta təhsilini 209 №li tam orta məktəbdə alıb. 1990-cı ilin 20 Yanvarında ölkəmizin azadlığı və müstəqilliyi uğrunda mübarizə zamanı şəhidlik zirvəsinə yüksəlib. Maştağa qəsəbəsindəki “Şəhidlər xiyaban”ında dəfn olunub.

01/10/2026

Oktyabrın 1-də ümumi təhsil müəssisələrindəki beşyaşlıların cəlb olunduğu məktəbəhazırlıq qruplarında məşğələlərə start verilib. Bu il məktəbin məktəbəhazırlıq qrupunda təhsil alacaq uşaqlar 1 sinifdə komplektləşdirilib. Şagirdlər yeni sinif otaqları ilə tanış olub, müəllimləri Könül Həsənova ilə ilk dərslərinə başlayıblar. Məktəbin direktoru Səbahət Ağayeva uşaqlarla görüşüb, onlara təhsil həyatında uğurlar arzulayıb. Direktor vurğulayıb ki, məktəbəqədər hazırlıq mərhələsi uşaqların məktəbə uyğunlaşması və gələcək təhsil həyatına sağlam addımlarla başlaması baxımından böyük əhəmiyyət daşıyır. Məktəbəhazırlıq qruplarında təhsil alan bütün uşaqlara uğurlar arzulayırıq!

29/09/2026

29.09.2026-cı il tarixdə məktəb rəhbərliyi tərəfindən sinif rəhbərləri və valideyn komitələri ilə iclası keçirildi. İclasda aşağıda qeyd olunan məsələ sinif rəhbərlərinin və valideyn komitələrinin nəzərinə çatdırıldı. Qeyd olunan məsələyə ciddi yanaşmaları bildirildi. Beynəlxalq Müəllimlər Günü ilə əlaqədar təhsilverənlərlə təhsilalanlar və onların valideynləri arasında münasibətlərdə Azərbaycan Respublikası Elm və Təhsil Nazirliyinin Kollegiyasının 15 may 2024-cü il tarixli KQ-07 nömrəli Qərarı ilə təsdiq edilmiş “Təhsilverənlərin etik davranış Qaydaları”nın tələblərinə ciddi şəkildə əməl olunmalıdır. Məktəbin direktoru Səbahət Ağayeva çıxış edərək bildirdi ki, təhsilverənlər tərəfindən valideynlərdən və şagirdlərdən birbaşa və ya dolayı yolla hədiyyələrin, maddi və qeyri-maddi nemətlərin, qiymətli əşyaların, pul və digər vasitələrin istənilməsi və ya qəbul edilməsi, həmçinin bu məqsədlə hər hansı təşəbbüsün təşkil edilməsi yolverilməzdir. İclasda xüsusilə vurğulandı ki, bu məsələyə həssaslıqla yanaşılmalı, valideyn və şagirdlərə qarşı hər hansı formada hədiyyə tələb olunmasına və ya belə təşəbbüslərin yaranmasına şərait yaradılmamalıdır.

29/09/2026

29.09.2026-cı il tarixdə məktəb rəhbərliyi tərəfindən növbədənkənar Pedoqoji Şura iclası keçirildi. İclasda aşağıda qeyd olunan məsələ pedoqoji kollektivin nəzərinə çatdırıldı. Beynəlxalq Müəllimlər Günü ilə əlaqədar təhsilverənlərlə təhsilalanlar və onların valideynləri arasında münasibətlərdə Azərbaycan Respublikası Elm və Təhsil Nazirliyinin Kollegiyasının 15 may 2024-cü il tarixli KQ-07 nömrəli Qərarı ilə təsdiq edilmiş “Təhsilverənlərin etik davranış Qaydaları”nın tələblərinə ciddi şəkildə əməl olunmalıdır. Məktəbin direktoru Səbahət Ağayeva çıxış edərək pedaqoji kollektivin diqqətinə çatdırdı ki, təhsilverənlər tərəfindən valideynlərdən və şagirdlərdən birbaşa və ya dolayı yolla hədiyyələrin, maddi və qeyri-maddi nemətlərin, qiymətli əşyaların, pul və digər vasitələrin istənilməsi və ya qəbul edilməsi, həmçinin bu məqsədlə hər hansı təşəbbüsün təşkil edilməsi yolverilməzdir. İclasda xüsusilə vurğulandı ki, müəllimlər tərəfindən bu məsələyə həssaslıqla yanaşılmalı, valideyn və şagirdlərə qarşı hər hansı formada hədiyyə tələb olunmasına və ya belə təşəbbüslərin yaranmasına şərait yaradılmamalıdır.

28/09/2026

27 Sentyabr – Anım Günü ilə əlaqədar keçirilən silsilə tədbirlər

28/09/2026

27 Sentyabr – Anım Günü ilə əlaqədar olaraq, məktəbdə Azərbaycanın ərazi bütövlüyü uğrunda canından keçmiş şəhidlərimizin əziz xatirəsi dərin ehtiram və hörmətlə yad edildi. Anım tədbiri ilk dərslər başlamazdan əvvəl məktəbin həyətində keçirilib. Tədbirdə məktəb rəhbərliyi, müəllimlər və şagirdlər iştirak ediblər. Şagirdlər əllərində Azərbaycan Respublikasının Dövlət Bayrağı, gül dəstələri, plakatlar və şəhidlərimizin fotoları ilə sıralarda düzülərək tədbirə qoşulublar. Tədbir Azərbaycan Respublikasının Dövlət Himninin səsləndirilməsi ilə başlanıb. Ardınca Vətənimizin azadlığı və ərazi bütövlüyü uğrunda şəhid olan qəhrəmanların xatirəsi bir dəqiqəlik sükutla yad edilib. Daha sonra keçirilən tədbir müzakirə formasında həyata keçirildi. Tədbirdə Vətən müharibəsi şəhidlərinin valideynləri və qazilər iştirak edirdilər. Şagirdlərin şəhidlər haqqında ünvanladığı suallar valideynləri tərəfindən cavablandırıldı. Qazilərə ünvanlanan suallarda isə qazilər öz döyüş yollarından söhbət açdılar. Məktəbin direktoru Səbahət Ağayeva çıxış edərək, 27 Sentyabr – Anım Gününün tarixi əhəmiyyətindən, Azərbaycan xalqının Vətən uğrunda apardığı mübarizədən və şəhidlərimizin göstərdiyi misilsiz qəhrəmanlıqdan geniş bəhs edib. Çıxışda şəhidlərin həyat yolu, Vətən qarşısında xidmətləri və onların əziz xatirəsinin gələcək nəsillərə çatdırılmasının əhəmiyyəti vurğulanıb. Qeyd olunub ki, şəhidlərimizin qəhrəmanlığı Azərbaycan tarixinin şərəfli səhifələrindən biridir. Onların Vətən sevgisi, mərdliyi və fədakarlığı gənc nəslin vətənpərvərlik ruhunda tərbiyəsində mühüm örnəkdir. Tədbir zamanı şagirdlər də şəhidlərimizin xatirəsinə ehtiramlarını nümayiş etdiriblər. Həmçinin məktəb rəhbərliyi 44 günlük Vətən müharibəsi şəhidi Bəhruz Əliyevin anım mərasimində iştirak edib. Şəhidlərin hər biri qəhrəmanlıq nümunəsidir, xatirələri ehtiramla yad edilir və hər zaman qəlbimizdə yaşayacaq.

27/09/2026

Məktəbin ibtidai sinif müəllimi Ruhanə Yaqubova tərəfindən 27 Sentyabr – Anım Günü münasibətilə məktəbdə xüsusi dərs keçirildi. İlk öncə Vətən müharibəsi şəhidlərinin əziz xatirəsi yad edildi, onların Vətənimizin ərazi bütövlüyünün bərpası uğrunda göstərdikləri qəhrəmanlıq və fədakarlıqdan bəhs olundu. Şagirdlərə şəhidlərimizin həyat və döyüş yolu, Vətən sevgisi və milli-mənəvi dəyərlərin qorunmasının əhəmiyyəti barədə məlumat verildi.
Şəhidlərimizin əziz xatirəsi daim qəlbimizdə yaşayacaq!

25/09/2026

Məktəbin ibtidai sinif müəllimi Aysel Nağıyeva tərəfindən 27 sentyabr-Anım Gününə həsr edilmiş xüsusi dərs təşkil edildi.
İlk olaraq torpaqların azad olunması yolunda canlarından keçən Şəhidlərimizin əziz xatirəsi bir dəqiqəlik sükutla yad edildi. Şagirdlərə rəşadətli ordumuz tərəfindən II Vətən müharibəsində düşmənə qarşı törədilmiş taktikalar, texnika və sursatlar, mövqelərimiz haqqında geniş məlumat verilmişdir. Şagirdləri maraqlandıran suallar cavablandırılmış, sonda isə mövzunu əhatə edən slayd təqdim edilmişdir.

25/09/2026

27 Sentyabr – Anım Günü ərəfəsində məktəbin ibtidai sinif müəllimi Könül Həsənova tərəfindən Azərbaycan dili fənnindən xüsusi dərs təşkil olundu. Dərs zamanı şagirdlərimizə Vətən müharibəsi qəhrəmanlarının keçdiyi şərəfli döyüş yolu, torpaqlarımızın azadlığı uğrunda canından keçən şəhidlərimizin əziz xatirəsi barədə geniş məlumat verildu.Eşidilən hər bir kəlmə şagirdlərin vətənpərvərlik ruhunu daha da coşduraraq, onlarda milli qürur hissini gücləndirdi. Allah bütün şəhidlərimizə rəhmət eləsin!

23/09/2026

Sentyabrın 23-də məktəb rəhbərliyi tərəfindən 5 a sinfində valideyn iclası keçirildi. İclas zamanı şagirdlərin təlim nailiyyətləri, dərsə davamiyyəti və məktəb qaydaları barədə valideynlərə ətraflı məlumat verildi. Valideynlərlə qarşılıqlı fikir mübadiləsi aparıldı, onları maraqlandıran suallar cavablandırıldı. Sonda valideynlərə göstərdikləri diqqət və əməkdaşlığa görə təşəkkür edildi.

22/09/2026

Sentyabrın 22–də məktəb rəhbərliyinin iştirakı ilə məktəbəhazırlıq qrupunun sinif-valideyn iclası keçirdi. İclasda yeni dərs ilinin başlanması ilə əlaqədar olaraq təhsil və təlimlə bağlı məsələlər valideynlərin nəzərinə çatdırıldı, tədrisin daha da uğurlu olması üçün valideynlərin qarşısında dayanan vəzifələr müzakirə olundu. Həmçinin sonda məktəb – şagird - müəllim - valideyn münasibətlərinin düzgün qurulması üçün də fikir mübadiləsi aparıldı.

Adresse

Bakı şəh. Maştağa Qəs. Ax. M. ƏbdülKərim Küçəsi 93
Democratic Republic Of The
AZ1039

Site Web

https://bakimektebleri.edu.az/209/

Notifications

Soyez le premier à savoir et laissez-nous vous envoyer un courriel lorsque Şəhid Kamal Məmmədov adına 209 nömrəli tam orta məktəb publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.