សាលាអន្តរជាតិកម្ពុជា - CIS International School

ជម្រាបសួរ👏👏👏លោកឪពុកនិងអ្នកម្តាយរបស់កូនៗ😍
សូមអាណាព្យាបាលកូនៗទាំងអស់ ត្រូវតាមដានការសិក្សារបស់កូនជាប់ជាប្រចាំនិងមានភាពសិ្នទ្ធស្នាលជាមួយកូនៗ ទើបការសិក្សារបស់កូនមានភាពរីកចម្រើនផងដែរ បន្ទាប់ពីគ្រូបង្រៀនកូនៗនៅសាលា។សាលាអន្តរជាតិកម្ពុជា - CIS International School

👩🏻‍🎓🧑🏻‍🎓🥰រៀនឱ្យចេះ ចេះឱ្យធ្វើ ធ្វើឱ្យបានល្អ🥰👩🏻‍🎓🧑🏻‍🎓
-ការខិតខំរៀនសូត្រ នាំទៅរកភាពជោគជ័យ
-អនាគតល្អ ចាប់ផ្តើមពីការសិក្សាល្អនៅថ្ងៃនេះ
-កុំខ្លាចកំហុស តែត្រូវរៀនពីកំហុស
-សៀវភៅជាមិត្តដ៏ល្អបំផុតរបស់កុមារ
-ចេះអត់ធ្មត់ ចេះព្យាយាម នឹងទទួលបានជោគជ័យ👍👍👍

👨‍👧‍👦 សូមជូនពរទិវាលោកឪពុកប្រកបដោយក្តីស្រលាញ់! 👔
ទិវាលោកឪពុក គឺជាឱកាសដ៏ពិសេសមួយដើម្បីថ្លែងអំណរគុណ និងលើកទឹកចិត្តដល់លោកឪពុកគ្រប់រូប ដែលជាបង្គោលដ៏រឹងមាំក្នុងគ្រួសារ។ សូមជូនពរលោកឪពុកទាំងអស់មានសុខភាពល្អ និងមានសុភមង្គល។

👨‍👧‍👦 𝗛𝗮𝗽𝗽𝘆 𝗙𝗮𝘁𝗵𝗲𝗿’𝘀 𝗗𝗮𝘆! 👔
𝗙𝗮𝘁𝗵𝗲𝗿’𝘀 𝗗𝗮𝘆 𝗶𝘀 𝗮 𝘀𝗽𝗲𝗰𝗶𝗮𝗹 𝗼𝗰𝗰𝗮𝘀𝗶𝗼𝗻 𝘁𝗼 𝗵𝗼𝗻𝗼𝗿 𝗮𝗻𝗱 𝗰𝗲𝗹𝗲𝗯𝗿𝗮𝘁𝗲 𝘁𝗵𝗲 𝗿𝗲𝗺𝗮𝗿𝗸𝗮𝗯𝗹𝗲 𝗳𝗮𝘁𝗵𝗲𝗿𝘀 𝘄𝗵𝗼 𝘀𝗲𝗿𝘃𝗲 𝗮𝘀 𝘁𝗵𝗲 𝗽𝗶𝗹𝗹𝗮𝗿𝘀 𝗼𝗳 𝗼𝘂𝗿 𝗳𝗮𝗺𝗶𝗹𝗶𝗲𝘀. 𝗪𝗲 𝘄𝗶𝘀𝗵 𝗮𝗹𝗹 𝗳𝗮𝘁𝗵𝗲𝗿𝘀 𝗰𝗼𝗻𝘁𝗶𝗻𝘂𝗲𝗱 𝗵𝗲𝗮𝗹𝘁𝗵, 𝗵𝗮𝗽𝗽𝗶𝗻𝗲𝘀𝘀, 𝗮𝗻𝗱 𝗽𝗿𝗼𝘀𝗽𝗲𝗿𝗶𝘁𝘆.

👱‍♂️👨🏻‍🦰👨‍🦳👨‍🦳👨‍🦳🥸🥸👨‍🦳👨🏻🧔🏼‍♂️💪🏻💪🏻💪🏻

⋯𝑻𝒉𝑨⋯

🧑🏼‍🏫👩‍🏫ឃើញកូនៗ🧑🏻‍🎓👩🏻‍🎓ប្រឹងរៀន លោកគ្រូ អ្នកគ្រូ 😍🥰សប្បាយចិត្តណាស់។
លោកគ្រូ អ្នកគ្រូ នឹងខិតខំប្រឹងប្រែង💪🏻ឱ្យអស់ពីលទ្ធភាពដើម្បីផ្ដល់នូវការអប់រំដ៏ល្អប្រសើរជូនដល់កូនៗ ធ្វើយ៉ាងណាអោយកូនៗជោគជ័យ * វិជ្ជា សមត្ថភាព ភាពជោគជ័យ
------------សាលាអន្តរជាតិកម្ពុជា - CIS International School

កុំរំពឹងលទ្ធផលថ្មី "បើនៅតែក្បាលរឹងធ្វើសកម្មភាពដដែលៗ"

អត្ថបទនេះ ឈឺៗបន្ដិច តែសុវត្ថន៍ចង់ឱ្យលោកអ្នកបើកចិត្តអានឱ្យដល់ចប់ ហើយគិតពិចារណាតាម.... "ពាក្យពិតគ្មានការលួងលោមឡើយ" បើគិតថា... ទទួលយកមិនបាន ក៏អញ្ជើញអូសចោលបាន...

មនុស្សភាគច្រើនចង់បានការផ្លាស់ប្តូរ ចង់បានភាពជោគជ័យ ប៉ុន្តែបែរជានៅតែធ្វើរឿងដដែលៗ ទម្លាប់ចាស់ៗ....

១. ធ្វើដដែលៗហើយឆ្ងល់ថាហេតុអ្វីមិនល្អជាងមុន
ដឹងថាវិធីហ្នឹងវាមិនបានផលទេ តែនៅតែបន្តធ្វើ ព្រោះវាជារឿងដែលខ្លួនធ្លាប់ស្គាល់ជាងគេ និងងាយស្រួលធ្វើ។

អ្នកលក់អនឡាញម្នាក់ផុសលក់ទំនិញម៉ោងដដែល ម៉ូតអក្សរដដែលៗ គ្មានអ្នកទិញសោះ តែគាត់នៅតែបន្តផុសបែបហ្នឹងរាល់ថ្ងៃ ហើយត្អូញត្អែរថាហេតុអ្វីលក់មិនដាច់។

២. ភាពស្រណុកសុខស្រួលគឺជាអន្ទាក់ដ៏ទន់ភ្លន់បំផុត
មានអារម្មណ៍ថាមិនអីទេរស់នៅកន្លែងនេះ ប៉ុន្តែក្នុងជម្រៅចិត្តដឹងច្បាស់ថា នេះមិនមែនជាជីវិតដែលខ្លួនចង់បានពិតប្រាកដឡើយ។

ធ្វើការងារមួយដែលប្រាក់ខែតិច គ្មានឱកាសឡើងតំណែង តែមិនព្រមប្តូរការងារ ព្រោះខ្ជិលទៅសុំការងារថ្មី ខ្ជិលរៀនបរិយាកាសថ្មី សុខចិត្តទ្រាំធ្វើទាំងធុញថប់។

៣. ផ្លាស់ប្តូរត្រឹមតែចិត្ត តែមិនប្តូរអាកប្បកិរិយា
តាំងចិត្តរាល់ថ្ងៃថានឹងធ្វើ ប៉ុន្តែសកម្មភាពជាក់ស្តែងគឺនៅដដែលគ្រប់យ៉ាង។

តាំងចិត្តថា "ថ្ងៃស្អែកខ្ញុំនឹងហាត់ប្រាណបញ្ចុះទម្ងន់!" តែដល់ថ្ងៃស្អែកឡើង ក៏នៅតែគេងទ្រេតទ្រោត និងញ៉ាំបង្អែមដូចដើម។

៤. រង់ចាំឱកាស តែមិនបង្កើតវាឡើងមក
ឱកាសមិនមែនចេះតែដើរមកគោះទ្វារផ្ទះយើងនោះទេ វាទាមទារឲ្យយើងដើរចេញទៅរកវា។

ចង់ឡើងប្រាក់ខែ ឬឡើងតំណែង តែអង្គុយធ្វើតែការងារខ្លួនឯងរាល់ថ្ងៃ មិនព្រមសុំមេធ្វើគម្រោងថ្មីៗ ឬបង្ហាញសមត្ថភាពបន្ថែម។

៥. ដោះស្រាយបញ្ហាដោយប្រើយុទ្ធសាស្រ្តដែលបង្កើតបញ្ហា
យកវិធីចាស់ដែលធ្លាប់ខុស មកដោះស្រាយរឿងចាស់ រួចភ្ញាក់ផ្អើលពេលបញ្ហាមិនព្រមបាត់។

ជំពាក់បំណុលគេដោយសារចាយវាយខ្ជះខ្ជាយ ដល់ពេលសងគេមិនរួច ក៏ទៅចងការប្រាក់ (ខ្ចីបំណុលថ្មី) យកមកសងបំណុលចាស់។

៦. គិតច្រើន ធ្វើតិច រួចបន្ទោសព្រេងវាសនា
មានផែនការល្អឥតខ្ចោះនៅក្នុងខួរក្បាល ប៉ុន្តែជីវិតពិតវាមិនដើរតាមគំនិតទេ បើយើងមិនធ្វើសកម្មភាព។

មានគម្រោងបើកហាងកាហ្វេ គូរស្ទីលហាងយ៉ាងស្អាត គិតម៉ឺនុយរួចរាល់ តែ ៣ ឆ្នាំហើយនៅតែមិនទាន់បើក ទីបំផុតបន្ទោសថាខ្លួនឯងគ្មានសំណាង។

៧. សុបិនថ្មី ជាមួយនឹងទម្លាប់ចាស់
ចង់បានជីវិតដែលប្លែកពីមុន ប៉ុន្តែនៅតែក្រោកម៉ោងដដែល ញ៉ាំដូចដើម គិតដូចដើម។

សុបិនចង់ក្លាយជាសិស្សពូកែប្រចាំថ្នាក់ ប៉ុន្តែរាល់យប់នៅតែលេងហ្គេមដល់ម៉ោង ២ ទៀបភ្លឺ និងមិនធ្វើកិច្ចការផ្ទះដូចមុន។

៨. ផ្លាស់ប្តូរអ្នកជុំវិញខ្លួន តែមិនដែលផ្លាស់ប្តូរខ្លួនឯង
ការបន្ទោសបរិយាកាស ឬអ្នកដទៃ វាស្រួលជាងការងាកមកមើលកំហុសខ្លួនឯង។

ធ្វើការនៅក្រុមហ៊ុនណា ក៏ឈ្លោះជាមួយមិត្តរួមការងារ ហើយគិតថា "មកពីក្រុមហ៊ុនហ្នឹងមានតែមនុស្សអាក្រក់" ដោយមិនធ្លាប់គិតថាមកពីចរិតឆេវឆាវរបស់ខ្លួនឯងសោះ។

៩. ខិតខំកាន់តែខ្លាំង តែខុសផ្លូវ
មិនមែនមកពីមិនខំប្រឹងទេ តែពេលខ្លះកំពុងតែរត់យ៉ាងលឿន នៅលើផ្លូវដែលមិនមែនជារបស់ខ្លួនឯង។

ចង់ធ្វើដំណើរទៅខេត្តបាត់ដំបង ប៉ុន្តែខំប្រឹងជាន់ហ្គែរបើកឡានតម្រង់ទៅខេត្តព្រះសីហនុ ទោះខំលឿនប៉ុណ្ណាក៏មិនដល់គោលដៅដែរ។

១០. ដឹងចម្លើយហើយ តែនៅតែសួរដដែលៗ
ពេលខ្លះការដែលតាមសួរអ្នកដទៃ មិនមែនព្រោះតែមិនដឹងទេ តែព្រោះតែមិនចង់ទទួលស្គាល់ការពិតដែលខ្លួនបានដឹងរួចហើយ។

ដឹងច្បាស់ថាសង្សារលួចមានអ្នកថ្មី តែនៅតែដើរសួរមិត្តភក្តិថា "តើខ្ញុំគួរតស៊ូជាមួយគេទៀតទេ?" ព្រោះសង្ឃឹមថាមិត្តភក្តិនឹងប្រាប់ឲ្យនៅបន្ត។

១១. បោះបង់មិនបាន ព្រោះវិនិយោគទៅច្រើនហើយ
នៅបន្តទ្រាំមិនមែនព្រោះវាល្អទេ តែព្រោះស្ដាយអ្វីដែលបានបាត់បង់ (ចំណាយពេល លុយ ឬមនោសញ្ចេតនា) ច្រើនពេក ទើបមិនដាច់ចិត្តលែង។

រៀនជំនាញមួយដល់ឆ្នាំទី ៣ ហើយ ទើបដឹងថាខ្លួនឯងស្អប់ជំនាញនេះខ្លាំងណាស់ តែមិនព្រមប្តូរ ព្រោះស្តាយលុយ និងពេល ៣ ឆ្នាំដែលខំរៀនកន្លងមក។

១២. រង់ចាំឲ្យត្រៀមខ្លួនរួចរាល់សិន ទើបចាប់ផ្តើម
ថ្ងៃដែល "ត្រៀមខ្លួនរួចរាល់១០០%" វាមិនមានពិតទេ មានតែថ្ងៃដែលចាប់ផ្តើម ឬមិនចាប់ផ្តើមតែប៉ុណ្ណោះ។

ចង់ថតវីដេអូចែករំលែកចំណេះដឹង តែចាំទាល់តែទិញកាមេរ៉ាថ្លៃ ចាំមានស្ទូឌីយ៉ូស្អាតសិន ទើបថត ជាលទ្ធផលគឺមិនបានថតរហូត។ អ្នកជោគជ័យគេចាប់ផ្តើមថតពីទូរស័ព្ទដៃដែលគេកំពុងមាន។

១៣. ប្តូរគោលដៅ តែមិនប្តូរប្រព័ន្ធ
សុបិនថ្មី តែមិនកែសម្រួលរបៀបរស់នៅ វាក៏គ្រាន់តែជាសុបិនថ្មីមួយទៀត ដែលមិនអាចក្លាយជាការពិតដូចសុបិនមុនអញ្ចឹង។

ឆ្នាំមុនកំណត់គោលដៅសន្សំលុយឲ្យបាន ១ ពាន់ដុល្លារ តែបរាជ័យ ឆ្នាំនេះប្តូរគោលដៅសន្សំ ៣ ពាន់ដុល្លារ តែការចំណាយផឹកកាហ្វេ ទិញឥវ៉ាន់អនឡាញរាល់ថ្ងៃ នៅតែដដែល។

១៤. ចង់ប្លែកពីគេ តែខ្លាចគេថាប្លែក
មនុស្សគ្រប់គ្នាដែលផ្លាស់ប្តូរជីវិតបានជោគជ័យ សុទ្ធតែធ្លាប់ឆ្លងកាត់អារម្មណ៍ថាយើងប្លែក ខុសពីអ្នកជុំវិញខ្លួន, បើចង់បានលទ្ធផលអស្ចារ្យ មិនអាចធ្វើខ្លួនឲ្យដូចមនុស្សធម្មតាគ្រប់រឿងបានទេ។

ចង់រៀនសូត្រពីជំនួញបន្ថែមនៅចុងសប្តាហ៍ តែខ្លាចមិត្តភក្តិថាមិនហៅផឹកអត់ចេញ ខ្លាចគេលែងរាប់អាន ក៏សុខចិត្តទៅផឹកជាមួយគេចោលការរៀនសូត្រ។

១៥. ឮការរិះគន់ តែមិនព្រមស្តាប់
ដឹងថាគេនិយាយពីអ្វី តែខួរក្បាលបកប្រែថា "គេមិនយល់ពីខ្ញុំទេ" ឬ "គេកំពុងចាប់កំហុសខ្ញុំ" ជំនួសឲ្យការយកមកគិតពិចារណា។

មេប្រាប់ថា របាយការណ៍នេះធ្វើខុសច្រើនណាស់គួរតែកែសម្រួល ជំនួសឲ្យការយកមកកែ បែរជាគិតថា "មេនេះរើសអើងខ្ញុំ ក្បាលរឹងណាស់ រឿងច្រើន..."។

១៦. ធ្វើខុសដដែលៗ រួចហៅវាថាជាបទពិសោធន៍
ការធ្វើរឿងខុសដដែលៗច្រើនដង មិនមែនជាបទពិសោធន៍ទេ វាគ្រាន់តែជាទម្លាប់អាក្រក់ដែលអ្នកកែមិនទាន់បាន។

ធ្វើការ ១០ ឆ្នាំ តែមិនដែលអភិវឌ្ឍន៍ជំនាញអ្វីសោះ ធ្វើខុសតែរឿងដដែលៗ នេះមិនមែនមានបទពិសោធន៍ ១០ ឆ្នាំទេ គឺមានបទពិសោធន៍ ១ ឆ្នាំ តែយកមកអនុវត្ត១០ដង។

១៧. ហត់នឿយនឹងលទ្ធផល តែមិនព្រមហត់នឿយនឹងហេតុ
ត្អូញត្អែរថាជីវិតនេះលំបាកណាស់ ប៉ុន្តែកម្រនឹងសង្កេតមើលមូលហេតុ ហើយសង្កេតមើលថា... តើអ្វីទៅជាដើមហេតុដែលធ្វើឲ្យលំបាកបែបនេះ។

រអ៊ូរាល់ថ្ងៃថាឈឺខ្នង ឈឺក្រពះ ប៉ុន្តែមិនព្រមប្តូរកៅអីអង្គុយធ្វើការ ឬមិនព្រមញ៉ាំបាយឲ្យត្រូវម៉ោង ។

១៨. ដឹងទាំងដឹង តែនៅតែបន្តធ្វើ
នេះគឺជាផ្នែកដែលពិបាកបំផុត ការ "ដឹង" វាមិនគ្រប់គ្រាន់ទេ វាទាមទារឲ្យអ្នក "ជ្រើសរើស និងមានវិន័យ" កាត់ចិត្តឈប់ធ្វើវាផងដែរ។

ដឹងច្បាស់ណាស់ថាការលេងទូរស័ព្ទមុនចូលគេងធ្វើឲ្យខូចភ្នែក និងគេងមិនលក់ តែរាល់យប់នៅតែអូស TikTok លេងដល់ពាក់កណ្តាលអាធ្រាត្រដដែល។

_____សុវត្ថន៍-Sovathn

#សុវត្ថន៍_Sovathn #ឈប់គិតច្រើន #ចាប់ផ្តើមធ្វើ #ផ្នត់គំនិត #ថាមពលវិជ្ជមាន #ការគិត #ការអភិវឌ្ឍន៍ខ្លួនឯង #របៀបគិតរបស់មនុស្សខ្លាំង #ថាមពលផ្លូវចិត្តរឹងមាំ #ចង្វាក់ជីវិត #ភាពខ្ជាប់ខ្ជួន #គូប្រកួតប្រជែង #ស្គាល់កាលៈទេសៈ #ពេលវេលា #មនុស្សជោគជ័យ #មនុស្សពូកែ

-រៀនឱ្យចេះ ចេះឱ្យធ្វើ ធ្វើឱ្យបានល្អ👍🧑🏻‍🎓👩🏻‍🎓💪🏻
-ការខិតខំរៀនសូត្រ នាំទៅរកភាពជោគជ័យ
-អនាគតល្អ ចាប់ផ្តើមពីការសិក្សាល្អនៅថ្ងៃនេះ
-រៀនថ្ងៃនេះ ដើម្បីជោគជ័យថ្ងៃស្អែក
-ចេះអត់ធ្មត់ ចេះព្យាយាម នឹងទទួលបានជោគជ័យ ជួយបង្កើនចំណេះដឹងច្រើន👍👍👍សាលាអន្តរជាតិកម្ពុជា - CIS International School