Science with Deshan, Democratic Republic of the (2026)

14/04/2026

❤

ශ්‍රී ලාංකිකයන් ලෙස අප සැම වර්තමානයේ ඉතා දුෂ්කර කඩයිමක් පසුකරමින් සිටින්නෙමු.නමුත් එවැනි මොහොතකදී වුවද ශ්‍රී ලාංකිකයාගේ මනුෂ්‍යත්වය නම් වූ උතුම් ගුණාංගය වියැකී නොමැත.එකිනෙකාට උදව් කරගනිමින් අනෙකා කුසගින්නේ නොතබා පරාර්ථය වෙනුවෙන් කැපවන ශ්‍රී ලාංකිකයන් තවමත් මේ මිහිපිට ඇත.එම ශ්‍රී ලාංකිකත්වයට සිංහල,දෙමළ,මුස්ලිම්,බර්ගර් අදාළ නැත.එම ශ්‍රී ලාංකිකත්වයට බෞද්ධ,හින්දු,ඉස්ලාම්,කතෝලික අදාළ නැත.

මෙලොව අවසන් ශාකයද විනාශ වූ පසු මිනිසාට පරිසරයේ අගය වැටහෙන බව රතු ඉන්දියානු ශ්‍රේෂ්ඨ නායක සියැට්ල් ප්‍රකාශ කළා සේම අවසාන "ශ්‍රී ලාංකික" නම් වූ හැගීම ඇති පුද්ගලයාද මෙලොවින් තුරන් වූ කල, මනුෂ්‍යත්වය යළිත් ලොව රජ නොකරනු ඇත.ඉතිං, මේ නව වසර මනුෂ්‍යත්වයේ වසරක් බවට අප සැම පත්කර ගැනීමට උත්සාහ කරමු.සෑමවිටම එකිනෙකාට උදව් කරගනිමු.එකාමෙන් සිටිමු.එවිට බලලෝභී කිසිදු ශක්තිමත් යැයි සම්මත කිසිදු රටකට හෝ බලවේගයකට ශ්‍රී ලංකාව සෙලවීමටවත් නොහැකි වනු ඇත.

එකාමෙන් එක්සත්ව එක්සිත්ව නැගී සිටිමු.මේ ලැබුවා වූ අලුත් අවුරුද්ද වඩාත් අර්ථාන්විතව ගතකරමු.භෞතික විද්‍යාත්මක නියමයන්ට අනුව ශරීර සැකැස්ම නිසා පියෑඹීමට නොහැකි යැයි නිගමනය කළත් ඒ කිසිවක් මායිම් නොකර නිදහසේ තටුගසා පියාඹන බඹරෙකු මෙන් ඔබගේ ගමනට බාධාකරන පිරිස් කුමක් පැවසුවත් ඒවා හමුවේ නොසැලී පියාඹමු.තමන්ට එන බාධක ගල්පර කිසිවක් මායිම් නොකර ගලනා මහා ගංගාවක් සේ අපිත් ජීවන මග ගලා යමු.
ඔබ සැමට සුබම සුබ අලුත් අවුරුද්දක් වේවා!

දේශාන් පෙරේරා.✍️
Admin of,
Science with Deshan
Voice with Deshan
Desh - දේශ්