گورنمنٹ بوائز مڈل سکول چڑالہ

28/11/2024

#گورنمنٹ #بوائز #مڈل #سکول #چڑالہ
ڈسٹرکٹ ایجوکیشن آفیسر مردانہ باغ کے باغ کے جاری کردہ احکامات کے مطابق آج مورخہ 28 نومبر کو گورنمنٹ بوائز مڈل سکول چڑالہ میں کیریکٹر ایجوکیشن فاؤنڈیشن کے زیر اہتمام یونین کونسل مکھیالہ، یونین کونسل چڑالہ اور یونین کونسل سیسر کلس کے سرکاری و پرائیویٹ تعلیمی ادارہ جات سے جماعت سوم اور ششم کے طلبہ کے درمیان ناظرہ اور فہم القرآن کے مقابلہ جات انعقاد ہوا۔ گورنمنٹ بوائز مڈل سکول چڑالہ کی ہونہار طالبہ منہا کیانی نے جماعت سوم کے مقابلے میں پہلی پوزیشن حاصل کی۔ جماعت ششم بچوں کے درمیان ہونے والے مقابلے میں ملائکہ ارشد نے دوسری پوزیشن حاصل کی۔ ان دونوں بچیوں کو اس مقابلے کے لئے تیار کرنے والے ہمارے ادارے کے روح رواں محترم مفتی عبدالسلام صاحب ہیں جو بڑی محنت سے بچوں کو قرآن سکھانے اور سمجھانے میں مصروف عمل رہتے ہیں۔ ادارے کی جانب سے ان بچوں کو، اساتذہ کرام اور بچوں کے والدین کو بہت بہت مبارک ہو۔
اس مقابلے میں شامل ہونے والے بچوں کو نہائت خوش الحانی سے تلاوت قرآن، ترجمہ، گرامر کی گردان اور تجویدی قواعد کے لحاظ سے پرفارم کرتے ہوئے دیکھ کر بہت خوشی ہوئی کہ سکولوں میں قرآن پاک کی تعلیم اور اس کی تفہیم کے لیے جو بہترین ماڈل کیریکٹر ایجوکیشن فاؤنڈیشن نے ترتیب دیا ہے اس کے ذریعے بچے بہت جلد اور بڑی آسانی سے اس ماڈل کو سمجھ کر قرآن پاک سیکھ رہے ہیں۔
اس موقع پر ادارے میں تشریف لانے والے مہانوں کیریکٹر ایجوکیشن فاؤنڈیشن کے منتظمین، سرکاری و پرائیویٹ تعلیمی اداروں کے اساتذہ کرام اور طلبہ و طالبات کو خوش آمدید کہتے ہیں۔

17/10/2024

شہدائے کشمیر سپورٹس فیسٹیول چڑالہ
آج سے 24 اکتوبر تک ہوں گے خوب مقابلے
بچے اپنے فن کا مظاہرہ کریں گے۔

17/10/2024

پرنسپل انٹر کالج چڑالہ فیسٹیول میں خصوصی طور پہ شریک ہوے۔ آپ کی تشریف آوری کا شکریہ۔

17/10/2024

اہم اعلان

17/10/2024

چڑالہ فیسٹیول کا آغاز ہونے والا ہے۔

09/06/2024

گورنمنٹ بوائز مڈل سکول چڑالہ
مورخہ 6 جون 2024 پائلٹ ہائی سکول باغ کے آڈیٹوریم میں ضلع باغ کے بیس سے زاہد نمایاں تعلیمی اداروں کو آئی ٹی اور سائنس پراجیکٹس کمپیٹیشن میں شرکت کا موقع دیا گیا۔ ان مقابلہ جات میں حصہ لینے والے اداروں میں ہائیر سکینڈری سکولز، سیکنڈری اور مڈل لیول کے سکولز شامل تھے۔ ڈسٹرکٹ ایجوکیشن آفیسرز، پرنسپل ایلیمنٹری کالج باغ، ڈپٹی ڈسٹرکٹ ایجوکیشن آفیسر سمیت ضلع باغ کے تینوں حلقہ جات سے تعلیمی اداروں کے سربراہان اور بچوں کی بڑی تعداد اس پروگرام میں شریک تھی۔
مختلف شعبہ جات سے منسلک پی ایچ ڈی ڈاکٹرز اور ماہرین مضامین نے بچوں کے پیش کردہ پراجیکٹس کا مقابلے کے لئے مقرر شدہ معیار کے مطابق جائزہ لیا اور پہلی تین پوزیشنز پر آنے والے بچوں کو تعریفی اسناد سے بھی نوازا۔
گورنمنٹ بوائز مڈل سکول چڑالہ سے چار طلبہ نے اس پروگرام میں حصہ لیا۔ سائنس اور آئی ٹی پراجیکٹس کمپیٹیشن میں بھر پور اعتماد کے ساتھ پریزنٹیشنز دیں اور ججز کی طرف سے پوچھے گئے سوالات کے جوابات بھی دیے۔
مڈل سکول چڑالہ نے اس مقابلے میں تیسری پوزیشن حاصل کی جس پر ادارہ کے تمام اساتذہ کرام، اہلیان چڑالہ، والدین اور بچوں کو دلی مبارک باد پیش کی جاتی ہے۔
مجموعی طور پر اس مقابلے میں شامل تمام ادارہ جات کی طرف سے نہائت عمدہ نوعیت کے پراجیکٹس پیش کیے گئے۔ سرکاری تعلیمی اداروں میں جدت کے نئے سفر کا آغاز دیکھ کر دلی اطمینان بھی ہوا اور ایک نیا جذبہ دیکھ کر خوشی بھی ہوئی کہ اب تحقیق اور جستجو ، تخلیق اور تسخیر،، فن اور مہارت، تعلیم و تربیت اور تحصیل و ترسیل کا حسین امتزاج ہی اصل مقصد ہے جس سے عصر حاضر کے تقاضوں سے ہم آہنگ ہوا جا سکتا ہے۔
گورنمنٹ بوائز مڈل سکول چڑالہ کی طرف سے جملہ منتظمین اور اس پروگرام میں شامل ہونے ولے تمام بچوں کو خاص طور پر دلی مبارک پیش کی جاتی ہے۔
بوائز مڈل سکول چڑالہ کے اساتذہ، طلبہ اور ان کے والدین کی کاوشوں پر انہیں داد تحسین پیش کی جاتی ہے۔
والسلام
عبدالغفورخان

26/01/2024

Get Ready!
Admissions Open
Govt. Boys Middle School Chirala
Our Mission:
"A Healthy, Happy, Safe and Productive Learning Environment"
For Detail
🤳 @ 03129324745, 03156974524

17/12/2023

💌🔊☎📺📻📠📱
A Message For a Social Change

صحت انسان کیلیے اللہ تعالیٰ کی بہت بڑی نعمت ہے.
صحت مند فرد ایک صحت مند گھرانے اور صحت مند معاشرے کے قیام کا ذریعہ ہے.انسانی صحت کادارومندار اشیاء خورد ونوش کے معیارپرہوتاہے. ناقص غذا کا استعمال ایک فردکی صحت کیلیے نقصان دہ ہے. گزشتہ ایک ماہ سے ہم نےاپنے طورپرسکول کے طلبہ و طالبات میں اس حوالے سے ایک آگاہی مہم شروع کررکھی ہے. سکول کے طلبہ طالبات کےذریعے ہم والدین اور سول سائٹی سے بھی یہ اپیل کرتے ہیں کہ اس مہم میں اپناکردار ادا کریں. بازار, اعوامی گزرگاہوں اور تعلیمی اداروں کےآس پاس پڑے انواع واقسام کےپاپڑاور دیگر اشیاء کی تھیلیاں یہ ظاہر کرتی ہیں ہمارے بچے کیسا زہر کھارہے ہیں. اعوامی گزرگاہوں ,سڑک کے اطراف اور بازار کے کناروں پر پڑی اشیاء کی تھیلیوں کی تفصیل کچھ اس طرح ہے.

1:جن پاپڑ 2:چکن کٹوری 3:چکن مصالحہ
4:چکن بریانی 5: ارطغرل پاپڑ 6:بلو دی نمکو
7:فٹافٹ 8:چکن مستی 9:دال موٹھ
10:بابوجی پنڈی اے پنڈی 11: لال پری
13:مٹرمستی 14:پٹی فرائی 15: مرچی

یہ وہ چند زہریلی اشیاء ہیں جو زیادہ تر سکولوں کے بچے اور بچیاں کھاتے دیکھے جاتے ہیں اس طرح کی بےشمار ناقص اور مضر صحت اشیاء کھلے عام دکانوں پر دستیاب ہیں. ان اشیاء کے استعمال سے بچے مختلف بیماریوں میں مبتلا ہوتے ہیں اور ہرطرف پڑی یہ انواع واقسام کی تھیلیاں ہمارے ماحول کو بھی تباہ کر رہی ہیں.
ہم والدین سے التماس کرتے ہیں کہ خدارا اپنے بچوں کو جیب خرچ تھماتے وقت یہ بھی بتائیں کہ وہ بازارسے ایسی مضر صحت اشیاء مت خریدیں. افسوس ناک امریہ ہے کہ ہماری تاجربرادری اس زہرکی خریدوفروخت کوتجارت سمجھتی ہے.ہم سوشل میڈیا کے ذریعے والدین, اساتذہ کرام, تعلیمی اداروں کے سربراہان سے, تاجر برادری اورسول سائٹی سے گزارش کرتےہیں کہ آئیے اس مہم کاحصہ بن کراپنا کردار اداکیجیے.
گورنمنٹ بوائز مڈل سکول چڑالہ کے تمام طلبہ و طالبات اس مہم میں شامل ہوچکے ہیں.
ہم تحصیل دہیرکوٹ کی انتظامیہ سے بھی گزارش کرتے ہیں کہ ایسی تمام ناقص اشیاء کی خرید وفروخت پر پابندی عائدکی جائے اور خلاف ورزی کے مرتکب افراد کے خلاف قانونی کارروائی عمل میں لائی جائے.
والسلام!
#عبدالغفورخان
#مدرس گورنمنٹ بوائز مڈل سکول چڑالہ

28/11/2023

تقریب تکریم اساتذہ
ایجوکیٹرز فورم چڑالہ کے زیر انتظام منعقد کی جانے والی نہائت شاندار تقریب جس میں ریاٹئرڈ ہونے والے سربراہان اور اساتذہ کرام کو خراج تحسین پیش کیا گیا اور انہیں یادگار شیلڈز بھی دی گئیں۔
اس تقریب کے انتظام و انصرام میں شریک ہونے والے ہرایک فرد اور ہر ایک ادارے کو میرا سلام عقیدت پہنچے۔
یقین جانیے کہ اس تقریب کا انعقاد کرکے آپ نے وہ بے مثال یادگار قائم کی ہے جسے برسوں یاد کیا جاتارہےگا۔
ایجوکیٹرز فورم کے پلیٹ فارم سے ہونے والی یہ منفرد نوعیت کی تقریب جسے دیکھنے والوں دل کھول کر داد دی خوب سراہا۔
اہلیان چڑالہ آپ نئی روایات کے امین ٹھہرے، آپ نے اسی سال تقریب تقسیم انعامات میں یک جان ہو کر ایک نئی روایت کی بنیاد رکھی تھی، اس کے بعد گزشتہ ماہ ہونے والے سپورٹس فیسٹیول میں تمام تعلیمی اداروں نے بھر پور جوش و جذبے کا مظاہرہ کرتے ہوئے مختلف مقابلہ جات میں نمایاں کارکردگی کا مظاہرہ کیا۔ اور آج اس تقریب کے انعقاد سے دل جیت لیا۔ مجھے خوشی ہے کہ ایک نیا انداز اور نیا جوش و ولولہ پیدا ہو رہاہے۔ میں خصوصی طور پر چڑالہ مرکز سے دور دراز کے سکولوں کے سربراہان اور اساتذہ کرام کا شکریہ ادا کرنا چاہتاہوں۔جن میں گورنمنٹ بوائز ہائی سکول کھپدر سے خصوصی طور پر اسجد عباسی صاحب تشریف لائے اور اس پروگرام کوآرگنائز کرنے میں اپنا کرادر ادا کیا۔
بوائز ہائی سکول ڈونگہ کھیتر سے جناب شجاعت حسین شاہ صاحب تشریف لائے۔
بوائز ہائی سکول سوہاوہ شریف سے اساتذہ کرام شاہد کسی مجبوری کے باعث نہ شریک ہوسکے تاہم ان کی طرف سے جذبہ خیرسگالی کا پیغام ابرار الیاس صاحب نے پہنچایاتھا ہم ان کے شکر گزار ہیں۔
گورنمنٹ گرلز ہائی سکول سوہاوہ شریف سے ان ارج صدر معلمہ اور جملہ سٹاف نے بچوں کے ہمراہ شرکت کی ہم ان کا شکریہ ادا کرتے ہیں۔
گورنمنٹ بوائز مڈل سکول جہالہ ٹوپہ کے صدرمعلم صاحب نے ایجوکیٹرز فورم سے تمام اساتذہ کرام کی نمائندگی فرمائی۔ ان کے ہمراہ سید اکرام شاہ صاحب نےبھی بھر پور تعاون کیا۔
گورنمنٹ بوائز مڈل سکول کاٹھواڑ سے اخلاق عباسی صاحب کا شکریہ ادا کرتے ہیں۔ ان کے ساتھ عبدالقادر صاحب نے اس سارے پروگرام میں نہائت ذمہ دارانہ خدمات انجام دیں۔
گرلز مڈل سکول نمبر سیداں کی معلمات
گرلز مڈل سکول کرنوٹہ کی معلمات
پرائمری سکول کسیال کھیتر کی معلمات
اس کے علاؤہ وہ تمام معلمین ومعلمات یا ادارہ جات جن کا میں نام نہیں لکھ سکا اور انہوں نے اس تقریب کو شاندار و جاندار بنانے میں اپنا کردار ادا کیا انہیں سلام عقیدت۔۔
پرائمری سکول پونہ سے سید صالح شاہ صاحب جو ہر پروگرام میں صف اول میں کھڑے رہتے ہیں اس پروگرام کی روح رواں ہیں بہت ذمہ دارانہ کردار ادا کیا۔
میں ان تمام کرداروں کو نہائت احترام سے سلام عقیدت پیش کرتاہوں۔
گرلز ہائیر سیکنڈری سکول چڑالہ کی پرنسپل اور جملہ سٹاف نے شاندار پرفارمینس کا مظاہرہ کیا آج کی اس تقریب کو چار چاند
🌙 🌙 🌙 🌙لگائے۔
بوائز انٹرکالج چڑالہ کے پرنسپل صاحب جملہ سٹاف ممبران نے بھر پور محنت سے اس تقریب کے جملہِ انتظامات کو بحسن و خوبی سرانجام دیا۔خوب میزبانی کے فرائض نبھائے اور بھر پور داد سمیٹی۔
ہم نہ صرف آپ تمام تعلیمی اداروں کے اس جذبے پر شکر گزار ہیں بلکہ اس لیے دلی طور پر خوش ہیں کہ ہم سب ایک ہیں۔ ہماری جستجو ایک ہے۔ ہماری منزل ایک ہے۔
ہماری دعا ہے۔
پھلا پھولا رہے یارب چمن مری امیدوں کا
جگر کا خون دے دےکر یہ بوٹے میں نے پالے ہیں
منجانب:
جملہ سٹاف گورنمنٹ بوائز مڈل سکول چڑالہ

21/11/2023

View this file, and add comments too.

21/11/2023

مورخہ 25 نومبر بروز ہفتہ ایجوکیٹرز فورم چڑالہ کے زیر اہتمام گزشتہ پانچ سالوں میں ریٹائرڈ ہونے والے اساتذہ کرام اور سربراہان ادارہ جات کے اعزاز میں ایک شاندار تقریب کا انعقاد کیا جا رہا ہے جس میں آپ کو شرکت کی دعوت دی جاتی ہے۔

View this file, and add comments too.

08/09/2023

گورنمنٹ بوائز مڈل سکول چڑالہ
فرائی ڈے ایکٹویٹی ملاحظہ فرمائیے۔