A.R.S. Armenian Private School

Հրաւիրուած էք Նարեկ հայ կրթական եւ մշակութային կեդրոնի բացման հանդիսութեան՝ կիրակի, 20 սեպտեմբեր 2026ին, ժամը 13:00-էն սկսեալ:
-
You are invited to the grand opening of Nareg Armenian Educational and Cultural Centre, on Sunday, the 20th of September, starting 1:00PM.

Պատմական երեկոյ եւ 5 միլիոն տոլարի նուիրատուութիւն. «Նարեկ» կեդրոնի անուանակոչութիւնն ու յայտնութիւնը
A historic night and a $5 million donation: The naming and unveiling of the Nareg Centre (ENGLISH BELOW)

Շաբաթ 4 յուլիսին, թորոնթոհայ համայնքը պատմական հանդիպում մը ունեցաւ 211 Consumers Road հասցէին վրայ գտնուող համալիրէն ներս:

ACC Beyond հանգանակային արշաւի ծիրէն ներս կազմակերպուած այս երեկոն յատկանշուեցաւ ապագայ համալիրի պաշտօնական անուանակոչումով ու յայտնութեամբ՝ որպէս «Նարեկ հայ կրթական եւ մշակութային կեդրոն»: Այս հանդիսաւոր պահէն ետք, ներկաները առիթը ունեցան միասնաբար շրջագայելու տուեալ տարածքէն ներս, որ սկսեալ սեպտեմբերէն, իր յարկին տակ պիտի հիւրընկալէ ՀՕՄ-ի ամենօրեայ վարժարանի 7-էն 12-րդ կարգերու աշակերտութիւնը:

Երեկոյի բացառիկ պահերէն մէկը եղաւ Հասըրճեան ընտանիքի կողմէ կատարուած հինգ միլիոն տոլարի պատմական նուիրատուութեան յայտարարութիւնը: Զեկուցուեցաւ նաեւ, որ արշաւը արդէն իսկ արձանագրած է զգալի խոստումներ ու նուիրատուութիւններ, մինչ հանգանակութեան ընթացքը կը մնայ բաց՝ ծրագրի ամբողջականացման համար համայնքի շարունակական մասնակցութեան առջեւ: Պաշտօնական յայտագիրէն ետք, ներկաները հաճելի մթնոլորտի մէջ շրջեցան շէնքը եւ մտերմիկ զրոյցներ ունեցան:

Ձեռնարկին ամբողջական թղթակցութիւնը կրնաք կարդալ մեր Օգոստոսի թիւին մէջ. մինչ այդ վայելեցէ՛ք ձեռնարկէն քանի մը լուսանկարներ:

On July 4th, our community gathered inside the newly acquired facility at 211 Consumers Road for an unforgettable first look at our future. Organized under the ACC Beyond Campaign, the evening allowed guests to tour the massive space, which was proudly unveiled as the Nareg Armenian Educational and Cultural Centre. Starting in September 2026, this modern facility will become the new home for A.R.S. Armenian Private School's Grades 7-12.

A major highlight of the night was the announcement of a transformational $5 million donation by the Hasserjian Family—the largest single gift in our community's history! It was reported that while significant funds and pledges have already been secured, the campaign remains open for ongoing community participation to close the remaining goal. Following the presentations, guests mingled and explored the blank canvas of a building that will soon shape the lives of thousands of Armenian families.

Stay tuned for our full coverage of the event in our upcoming August issue. Until then, please enjoy these highlights from the evening!

PHOTOS: White Photo

Բազմերանգ, բայց միասնական. մէկ համայնք, մէկ յաղթական տեսլական
Ռուբէն Ճանպազեան

Երբեմն, համայնքային կեանքի հոլովոյթին մէջ կը ստեղծուին այնպիսի պահեր, երբ անցեալի երազանքներն ու ապագայի տեսլականը կը բախին ներկայի հնարաւորութիւններուն հետ՝ ծնունդ տալով անկիւնադարձային իրականութեանց։
Թորոնթոհայ գաղութը այսօր կանգնած է ճիշտ այդպիսի պատմական շեմի մը վրայ։

Տարիներ շարունակ, սփիւռքեան տարածքներուն մէջ մեր հիմնական մտահոգութիւնը եղած է «պահպանումը»՝ մշակոյթի, լեզուի եւ ինքնութեան արխիւային խնամքը, կարծես ըլլայինք թանգարանի մը պահապանները, որոնք կը ջանան փոշին մաքրել անցեալի յուշերուն վրայէն։ Սակայն, ինչպէս անցեալին առիթով մը նշած եմ, պահպանումը կրաւորական արարք է, մինչդեռ այն ինչ որ այս օրերուն տեղի կ’ունենայ Թորոնթոյի մէջ, նուաճումի ու համարձակ ռազմավարութիւն մըն է՝ ընդդէմ ուծացման ու նահանջի։

Մենք այլեւս չենք կառավարեր մեր անկումը, այլ հաստատակամօրէն կը նախագծենք մեր յառաջխաղացքը յաջորդ հարիւրամեակին համար։

Կիպրոսի Մելգոնեան կրթական հաստատութեան ամայի ու լռելեան միջավայրին մէջ տարիներ առաջ ապրած յուսալքութեանս ու մտահոգութիւններուս՝ այսօր Թորոնթօն կու տայ ամենէն հզօր ու կենսունակ պատասխանը։ Այնտեղ, ուր կասկածը կրնար բոյն դնել, մեր համայնքը կը պատասխանէ նորանոր սիւներու հիմնադրութեամբ:

Այս նոր համայնքային զարթօնքի առանցքը կը հանդիսանան երկու հսկայածաւալ ծրագիրներ, որոնք թէեւ կը ղեկավարուին տարբեր մարմիններու կողմէ, բայց ըստ էութեան կը ներկայացնեն նոյն մեծ հաւաքական տան երկու հզօր թեւերը։ Առաջինը՝ 211 Consumers Road հասցէին գտնուող հոյակապ համալիրի պատմական ձեռքբերումն է՝ աւելի քան տասնհինգ միլիոն տոլարի հսկայական ներդրումով, որ պիտի դառնայ ՀՕՄ-ի ամէնօրեայ վարժարանի (7-12-րդ կարգեր) նոր ու արդիական տունը, որ երկար տարիներու տարածքային սահմանափակումներու եւ սպասման ցուցակներու վերջնական սրբագրումով առիթ պիտի տայ մեր համայնքի հարիւրաւոր զաւակներուն ստանալու բարձրորակ դաստիարակութիւն՝ համալսարանական մակարդակի պայմաններու մէջ։

Միեւնոյն ժամանակ, համայնքի միւս կողմը՝ Ս. Երրորդութիւն Հայց. առաք. եկեղեցւոյ կից, կը նախապատրաստուի մէկ այլ անկիւնադարձային նախագիծ՝ Trinity Square Project-ը։ Ասիկա բազմասերունդային հսկայ կորիզ մըն է, որ շուրջ 470 000 քառակուսի ոտք տարածութեամբ, երեսունութ յարկանի երկու վերասլաց շէնքերով պիտի մէկտեղէ բնակարանային, ընկերային ու մշակութային ծառայութիւնները։ Հոն պիտի բաբախէ «Բարեւ» մշակութային կեդրոնը՝ իր ընդարձակ ճաշասրահով, մարզասրահով, արտօնագրուած մանկամսուրով ու տանիքի կանաչապատ պարտէզով։

Այս երկու ծրագիրները միասին կու գան ապացուցելու, որ թորոնթոհայութեան կենսունակութիւնը անսպառ է, երբ ան կը հաւատայ իր սեփական ուժերուն։

Սփիւռքեան իրականութեան մէջ յաճախ ականատես եղած ենք քաղաքական, եկեղեցական թէ ընկերային բաժանարար գիծերու, որոնք երբեմն ջլատած են մեր հաւաքական ներուժը։ Սակայն Թորոնթօն, մանաւանդ վերջին քանի մը տասնամեակներուն, եղած է բացառութիւն. ան եղած է միասնութեան ու համերաշխութեան փարոս մը։ Ինչպէս անցեալի յօդուածներէս մէկուն մէջ ալ առիթով մը նշած եմ, մեր ընտանիքին համար հայ եկեղեցին միշտ եղած է մէկ ու անբաժանելի, անկախ անկէ թէ ան Առաքելական է (Էջմիածնական թէ Կիլիկեան), Աւետարանական թէ Կաթողիկէ (որուն միասնութեան կատարեալ մարմնացումն ու կենդանի օրինակն է մեր գաղութի Միջյարանուանական մարմինը)։

Նոյնն է պարագան նաեւ մեր կազմակերպութիւններուն եւ հաստատութիւններուն։ Թէեւ երբեք չեմ թաքցուցած իմ աշխուժ պատկանելիութիւնը համայնքային որոշակի թեւի մը, սակայն ես ինծի տան մէջ կը զգամ Թորոնթոյի ամէն մէկ հայկական անկիւնը. որովհետեւ հոն ուր հայերէն կը խօսուի, հոն ուր հայերէն աղօթք կը հնչէ, հոն ուր հայկական կ’ուտեն, կը խմեն, ուր հայերէն կ’երգեն ու անոր եղանակին տակ կը պարեն, ուր բեմին վրայ հայերէնով կամ հայկական թեմաներով թատրոն կը խաղան, ուր հայ մանուկները պայուսակնին շալկած դպրոց կը յաճախեն, ուր կուրծքերնուն ձախ կողմը՝ ճիշտ սրտին վրայ, կարմիր-կապոյտ-նարնջագոյն դրոշմով մարզիկներ դաշտ կ’իջնեն, ուր երիտասարդ հայ զոյգ մը կը սկսի իր սիրոյ պատմութիւնը (սկիզբը ծնողներէն ու համայնքէն գաղտնի, անշուշտ), հոն ուր մկրտութեան կամ քառասունքի օրհնութեան բերուած մանուկին ճիչը կը ծակէ ականջները, ուր թաւլիի զառերը հարուածելով աշխարհի հարցերը կը լուծեն եւ ուր ազգային ու քաղաքական հարցերու շուրջ բարձրաձայն ու կրքոտ կը վիճաբանին՝ բայց ի վերջոյ միասին կենաց խմելով կը հաշտուին... այդ բոլո՛րը համախմբող վայրը իմ հարազատ տանիքս է։

Այս իրողութեան ամենէն վաւերական ու յուզիչ արտայայտութիւնը տեսանք վերջերս, երբ Ս. Երրորդութիւն եկեղեցւոյ հոգեւոր հովիւ տ. Զարեհ աւ. քհն. Զարգարեան, «Նոր հայ հորիզոն»-ի իր հարցազրոյցին ընթացքին, յատուկ հիացմունքով ու եղբայրական ջերմութեամբ շնորհաւորեց Հայ կեդրոնի ղեկավարութիւնը՝ 211 Consumers Road-ի նոր մասնաշէնքի գնման առիթով։ Տէր հօր այս խօսքերը, քաղաքավարական արտայայտութիւններ ըլլալէ անդին, պատգամ մըն էին ուղղուած ողջ գաղութին։

«Մենք բոլորս միասին ենք մեր յաղթանակներուն, մեր ցաւերուն եւ մեր տառապանքներուն մէջ... իմ խնդրանքս այն է, որ ինչպէս միշտ, թորոնթոհայութիւնը միասնական ըլլայ նման ծրագիրներու եւ գործունէութեանց շուրջ»…

Երբ հոգեւոր հովիւը բարձրաձայն կը սատարէ դպրոցական այս մեծագոյն նուաճումին, ան անգամ մը եւս կը փաստէ, որ Թորոնթօն կրնայ ունենալ տարբեր կառոյցներ, բայց ունի մէկ անբաժանելի սիրտ։ Այս խիզախ քայլերը, որոնք կը տրուին համայնքի տարբեր հատուածներուն կողմէ, ի վերջոյ պիտի բարօրութիւն եւ ուժ բերեն ողջ թորոնթոհայութեան, որովհետեւ մէկ «կողմի» յաջողութիւնը ամբողջական յաղթանակ է բոլորիս համար։

Այսպիսի ահռելի ծրագիրներու իրագործումը կը պահանջէ նիւթական ու բարոյական հսկայական զոհողութիւններ։ 2018-ին, երբ Ս. Երրորդութիւն եկեղեցւոյ կից ՀԲԸՄ-ի շէնքը վաճառքի հանուեցաւ, համայնքը մեծ պարտքերու տակ մտաւ զայն ապահովելու համար, որպէսզի եկեղեցին չզրկուի իր առաքելութիւնը ընդարձակելու հնարաւորութենէն։ Այսօր, դարձեալ նոյն մարտահրաւէրին առջեւ ենք. ACC Beyond արշաւը պէտք է հաւաքէ միլիոնաւոր տոլարներ՝ Consumers Road-ի նոր կրթօջախին համար:

Հետեւաբար, ժամանակն է բանալու մեր քսակները լայնօրէն, բայց մեր սիրտերն ու միտքերը՝ աւելի՛ լայն։ Համայնքին նուիրաբերելը բարեգործութիւն չէ, այլ գրաւ մը՝ մեր սեփական ապագային վրայ. եւ երբ մենք հաւաքաբար կը դնենք այդ գրաւը, յաղթանակի հաւանականութիւնը հարիւր տոկոս է։

Տէր Զարեհի իմաստուն բառերով՝ նման նախաձեռնութիւններ «իրագործելու եւ իրականութիւն դարձնելու համար ահռելի զոհողութիւններ եղած են եւ պիտի շարունակուին»։ Ան յայտնեց իր ամուր հաւատքը մեր ժողովուրդի իմաստութեան հանդէպ եւ կոչ ուղղեց բոլորիս՝ շարունակելու սատար հանդիսանալ մեր աղօթքներով, այո՛, բայց նաեւ մեր «մասնագիտական կարողութիւններով եւ սրտաբուխ լումաներով», որպէսզի օր մը միասնաբար կատարենք այս բոլոր հաստատութիւններուն հանդիսաւոր բացումը։ Նուիրատուութիւնը հաշուապահական գործողութիւն չէ, այլ մեր հաւաքական գալիքին ու համայնքին հանդէպ վստահութեան արարք:

Ուստի, որպէսզի մեր իսկ աչքերով տեսնենք այս հաւաքական կամքի շօշափելի պտուղները, կոչ կ'ուղղեմ Թորոնթոյի ողջ հայութեան՝ միանալու այս զարթօնքին: Եկէ՛ք, տեսէ՛ք թէ ինչպէ՛ս մեր սերնդակիցները պատասխանատուութեամբ կը քալեն մեր մեծերուն հետքերով, եւ եղէ՛ք մասնակիցը ապագայի կերտման այս գեղեցիկ պահերուն՝ անկախ անկէ, թէ նուիրումը կը վերաբերի դպրոցական նոր համալիրին թէ եկեղեցւոյ հսկայածաւալ ծրագրին։ Վերջիվերջոյ, ասոնք նոյն հզօր ծառին առողջ ճիւղերն են, որոնք պիտի հովանաւորեն մեր համայնքի վաղուան օրը։

Մեր ներկայութեամբ ու նուիրատուութեամբ մենք պիտի կերտենք այն հիմքը, որուն համար գալիք սերունդները մեզ պիտի դատեն։ Որպէս այս միացեալ տեսլականի գործնական մէկ քայլը, անյետաձգելի հրաւէր կ'ուղղեմ ողջ թորոնթոհայութեան՝ անձամբ ներկայ գտնուելու շաբաթ, 4 յուլիսի երեկոյեան ժամը 7-ին նախատեսուած ACC Beyond հանգանակային յատուկ ձեռնարկին, որ տեղի պիտի ունենայ մեր նոր՝ 211 Consumers Road շէնքին մէջ։ Հոն պիտի կարենանք մօտէն տեսնել ու սատարել մեր համայնքի նուաճումներէն մէկուն։ Թող այս ժամադրութիւնը ըլլայ մեր հաւաքական յանդգնութեան նոր մեկնակէտը, ուր մեր բացուած քսակներն ու ընդարձակուած սիրտերը կը դառնան ապագայի ամենէն անսասան խարիսխը՝ թէ՛ այս, եւ թէ՛ մեր գաղութի միւս բոլոր կենսական ծրագիրներուն համար։

Ըլլանք մասնակից եւ նուիրե՛նք յանդգնութեամբ։

***
Այս խմբագրականը լոյս տեսած է «Թորոնթոհայ»-ի յուլիս 2026 ( #227) թիւին մէջ:

Diverse, yet united: One community, one triumphant vision
By Rupen Janbazian

Sometimes, in the natural evolution of community life, the dreams of the past and the visions of the future collide with the opportunities of the present, giving rise to a watershed reality.

The Toronto Armenian community stands on the threshold of exactly that kind of historic moment today: We are witnessing the simultaneous launch of two monumental infrastructure projects that will permanently redefine our footprint in the city.

To understand the weight of this, we have to look at how we used to operate. For years across the diaspora, our primary concern has been 'preservation'—an archival curation of our culture, language, and identity. We acted like museum guards, tirelessly trying to dust off the relics of the past. But, as many have noted, preservation is a passive act. What is happening in Toronto right now is a proactive, bold, and aggressive strategy against retreat. We are no longer managing our own decline; instead, we are resolutely designing our progress for the next century.

Years ago, walking through the silent, desolate halls of the Melkonian Educational Institute in Cyprus, I felt a deep sense of despair. Today, Toronto offers the most powerful, vibrant response to those fears. In a space where doubt could have easily taken root, our community is responding by pouring the foundations for new pillars. The first of these pillars is the historic acquisition of the magnificent complex at 211 Consumers Road. This sweeping $15+ million investment will become the modern new home of the A.R.S. Armenian Private School (Grades 7-12). It is the ultimate cure for years of space constraints and waitlists, affording hundreds of our community's children the opportunity to receive an Armenian education in university-level facilities.

At the same time, on the other side of the community, adjacent to the Toronto Holy Trinity Armenian Apostolic Church, another milestone project is underway: the Trinity Square Project. This is a massive, multi-generational hub. Spanning roughly 470,000 square feet across two soaring 38-storey residential towers, it will seamlessly integrate residential, social, and cultural services. It will also be the beating heart of the Barev Cultural Centre, complete with a spacious banquet hall, a gymnasium, a licensed daycare, and a lush rooftop garden. Together, these two projects prove that the vitality of Toronto's Armenians is truly boundless when we believe in our own strength.

In the diaspora, we have often witnessed political, religious, or social fracture lines that have sapped our collective potential. Toronto, however—especially over the last few decades—has been an exception, standing as a beacon of unity and solidarity. As I've mentioned in past articles, for own my family, the Armenian Church has always been one and indivisible, whether it is Apostolic (Diocese or Prelacy), Evangelical, or Catholic (the perfect embodiment of which is our community's Inter-Denominational Body).

The same holds true for our organizations and institutions. While I have never hidden my active affiliation with one specific wing of the community, I feel completely at home in every Armenian corner of Toronto. Because wherever Armenian is spoken or prayed; wherever our traditional food and drink are shared; wherever our songs are sung and danced to; wherever a play is performed in Armenian or explores Armenian themes; wherever Armenian children shoulder their backpacks and head to school; wherever athletes take the field with the red, blue, and orange stamped over their hearts; wherever a young Armenian couple begins their love story (initially kept secret from their parents and the community, of course); wherever the piercing cry of a baby at a baptism or a 40-day blessing echoes; wherever the clack of backgammon dice punctuates debates solving the world's problems; and wherever loud, passionate arguments over national and political issues inevitably end in reconciliation over a shared toast... all of that feels like home to me.

The most authentic and moving expression of this reality was seen recently when the pastor of Holy Trinity, Rev. Archpriest Zareh Zargarian, gave an interview to Nor Hai Horizon - Նոր հայ հորիզոն. With genuine admiration and fraternal warmth, he congratulated the Armenian Community Centre’s leadership on purchasing the new 211 Consumers Road campus. Ter Zareh’s words went far beyond mere politeness; they were a profound message directed at the entire community: "We are all together in our victories, our pains, and our suffering... my request is that, as always, the Toronto Armenian community remains united around such projects and activities."

When a church leader vocally champions this monumental educational achievement, it proves once again that while Toronto may have different structures, it beats with one indivisible heart. These courageous steps taken by various segments of our community will ultimately bring prosperity and strength to all Toronto Armenians, because a victory for one ‘side’ is an absolute triumph for us all.

Bringing such colossal projects to life requires immense financial and moral sacrifices. In 2018, when the AGBU Toronto building adjacent to Holy Trinity went up for sale, the community took on significant debt to secure it, ensuring the church wouldn't lose the opportunity to expand its mission. Today, we face that same challenge: The ACC Beyond campaign must raise millions of dollars for the new educational campus on Consumers Road.

Therefore, it is time to open our wallets wide—and our hearts and minds even wider. Giving to the community isn't charity, but an investment in our own future. And when we make that bet collectively, our odds of winning are one hundred per cent.

In the wise words of Ter Zareh, "immense sacrifices have been made and will continue to be made" to realize these initiatives. He expressed his unwavering faith in the wisdom of our people and called on all of us to continue supporting these efforts—yes, with our prayers, but also with our professional capabilities and heartfelt donations, so that one day we can all celebrate the grand openings of these institutions together. A donation isn't a mere accounting transaction; it is a profound act of trust in our community and our shared tomorrow.

So, to witness the tangible fruits of this collective will with our own eyes, I call upon the entire Armenian community of Toronto to join this awakening. Come and see how our generation is responsibly walking in the footsteps of our elders. Be a part of these beautiful, future-building moments—regardless of whether your donation goes toward the new school complex or the massive church project. Ultimately, these are the healthy branches of the same mighty tree that will shade our community tomorrow.

Through our presence and our generosity, we will lay the foundation by which future generations will judge us. As a practical step toward this united vision, I extend an urgent invitation to every Toronto Armenian:

Please join us in person on Saturday, July 4th, at 7 p.m. for the special ACC Beyond fundraising event, held at our new building at 211 Consumers Road (details in the flyer in the comments).

There, we will be able to see one of our community's greatest triumphs up close and lend it our support. Let this gathering be the new starting point for our collective audacity, where our open wallets and expanded hearts become the most unshakeable anchor for the future—for both this initiative and all the other vital projects in our community. ֍

***

This editorial was published in Torontohye's July 2026 ( #227) issue. The image was created by artificial intelligence.

Կոչ կ'ուղղենք ողջ թորոնթոհայութեան՝ անձամբ ներկայ գտնուելու շաբաթ, 4 յուլիսի երեկոյեան ժամը 7-ին նախատեսուած ACC Beyond հանգանակային յատուկ ձեռնարկին, որ տեղի պիտի ունենայ մեր համայնքի նոր՝ 211 Consumers Road շէնքին մէջ։

We extend an invitation to you all. Please join us in person on Saturday, July 4, at 7 p.m. for the special ACC Beyond fundraising event, held at our community's new building at 211 Consumers Road.

Հ.Օ.Մ.-ի Ամէնօրեայ Վարժարանի《Պապայեան》 Մանկապարտէզի աւարտական հանդէսը տեղի ունեցաւ Յունիս 5ին, 《Գոլոլեան》 Նախակրթարանի աւարտական հանդէսը տեղի ունեցաւ Յունիս 12ին իսկ «Լափոյեան» Երկրորդական Վարժարանի 22րդ հունձքի աւարտական հանդէսը տեղի ունեցաւ Յունիս 19ին։
Այս տարի, վարժարանս 22րդ հունձքը անուանեց` 《Գարեգին Նժդեհ》 Հունձք։

Վարժարանի Տնօրէն Րաֆֆի Սարգիսեան իր խօսքին մէջ շեշտեց,《Խոստացած էի այս դասարանին որ նախքան աւարտեն, միասին պիտի այցելենք 211 Consumers Road-ի մեր նոր շէնքը եւ պիտի ըլլան առաջինները որ տեսնեն շէնքը որպէս դասարան եւ այնտեղ ունենան կարճ դասապահ մը միասին: Այցելութեան առիթը ունեցանք երէկ, ուր մեր դասապահին նիւթը նուիրումի մասին էր, թէ ինչպէ՞ս ամէն Թորոնթոհայ սերունդ եղաւ հեռատես, անոնց ծրագիրները միշտ ի շահ մեր գաղութի ապագային եւ հերթը ահաւասիկ այսօր մերն է, որ նուիրուինք ապագայ սերունդներուն համար: Այո՛, այս բեմին նստած 29 աշակերտները պիտի չի վայելեն այս շէնքը որպէս աշակերտ այսօր, բայց փառք պիտի տան, երբ իրենց զաւակներուն համար տեղ կ'ունենանք այս վարժարանէն ներս տասնեակ տարի յետոյ: Ահա սուրբ գործի գաղափարը, ուր ամէն սերունդ, հենուելով իր նախորդի հաստատած ամուր հիմքերուն, պատուով կը դառնայ անոր ջահակիրը ու կը ծառայէ ի շահ գալիք սերունդներուն:      

Գարեգին Նժդեհն այս առաքելութիւնը լաւագոյնս պատկերացուցած էր հետեւեալ խօսքերով «Գերազանցի՛ր նախորդներիդ:  Կռուիր այնպէս, որ քո ընթացքով հեշտացնես քեզնից յետոյ միևնոյն նպատակի համար կռուողների գործը,  քանզի ով չի գերազանցում իր նախորդներին, նա անարգում է նրանց  անունը՝ մեղանչելով ոգու զարգացման օրէնքի դէմ>>, դա ասել է, որ քո սերունդն աւելի մեծ պարտականութիւն ունի, քան ունէր անցնող սերունդը, և որ պարտականութեան մէջ քո բաժինը՝ առիւծի բաժինն է, ամենամեծը»: 

Վկայելով ձեր տարիներու ընթացքին ցուցաբերած ազգանպաստ գործերն ու ձեր բուռն հայրենասիրութիւնը եւ քաջ գիտնալով, որ ձեր մէջ կ'ապրի եւ կը շարունակէ ծաղկիլ հայու հզօր հոգին, որուն յառած դուք պիտի սաւառնիք արիաբար դէպի ազգային եւ անձնական կեանքի մարտահրաւէրներու դիմաց՝ ձեր սրտին պահելով Նժդեհի խօսքերը որ կ'արձագանգէ անցեալէն եւ կը մարմնաւորուի այսօրուայ մեր գաղութին կատարած ազգափրկիչ գործերով՝ ձեր հունձքը, կ'անուանենք «Գարեգին Նժդեհ» հունձք: 》

Յաջողութիւն կը մաղթենք մեր սիրելի աշակերտներուն։ Բոլորիս աչքերը լոյս։

Լուսանկար` Յարութ Յակոբեանի

Շնորհաւոր Մայիս 28, հազար փառք Մայիսեան անկախութիւնը կերտողներուն։

Մեր վարժարանի 8րդ դասարանի աշակերտները ներկայացուցին յայտագիր մը նուիրուած Հայաստանի Հանրապետութեան Առաջին Անկախութեան 108 Ամեակին։
Շնորհակալ ենք սիրելի աշակերտներ ձեր գեղեցիկ պատրաստութեան համար։ Այս առիթով նաեւ` մեր Ծիլէն Երրորդ դասարանի աշակերտները մասնակցեցան դրօշակի արարողութեան։

Անգամ մը եւս մեր դպրոցը մասնակցեցաւ տարեկան STEM մրցոյթի "Let's Talk Science Challenge"6"-ին, որ կը կազմակերպուի Գանատայի տարբեր համալսարաններու մէջ: Այս տարի մեր աշակերտները շատ յաջող արդիւնքներ արձանագրեցին եւ լաւագոյն ձեւով ներկայացուցին մեր դպրոցը:

Պատուոյ յիշատակութեան արժանացաւ մեր 8րդ դասարանի խմբակը՝ "The Atom's Family"-ին, եւ իր փայլուն արդիւնքով գրաւեց 2րդ տեղը: Մեր 7րդ դասարանի խմբակը եւս իր հոյակապ աշխատանքով մասնակցեցաւ հպարտութեամբ եւ համագործակցութեամբ ձեռք ձգելով յիշատակելի փորձառութիւն մը:

Կը շնորհաւորենք մեր բոլոր մրցակիցները, կամաւորներն ու իրենց օժանդակող ուսուցիչները յաջող տարի մը եւս բոլորելու համար: Անկասկած, որ այս տարուայ յաջողութիւնը պարծանքի արժանի էր եւ անմոռանալի փորձառութիւն մը բոլորին համար:

Once again our school has participated in the annual Let’s Talk Science Challenge, a STEM competition held across campuses all over Canada. This year, our school had a strong run in the competition and represented the school very well.

An honorary mention goes to our Grade 8 team, "The Atom’s Family," for an outstanding performance, securing 2nd place overall!
Our Grade 7 team also did a fantastic job, competing with pride, teamwork, and strong effort throughout the competition. They showed great desire and gained valuable experience for future years.

Congratulations to all our competitors, volunteers and supporting staff for a successful year. Without a doubt, this season was one to be proud of, and more importantly, an unforgettable experience for all our participants.