Riva El Zein

بين المسؤوليات والاهتمام بالكل… أوقات مننسى حالنا.
مش أنانية إنك تعطي حالك مكان بحياتك. 🤍
إمتى آخر مرة سألتي حالك: أنا شو بدي؟

𝓡𝓲𝓿𝓪 𝓔𝓵𝔃𝓮𝓲𝓷💎

في أجوبة…
منقضي وقت طويل عم نفتش عليها.
وبعدين…
منكتشف إنها كانت ناطرتنا…
بعد أول خطوة.
🤍 شو هو السؤال اللي بعدِك ناطرة جوابه؟
لأنو بالنهاية…
الحياة بتعلّمنا كل يوم… إذا قررنا نتعلّم منها.
ريفا الزين. 💎𝓡𝓲𝓿𝓪 𝓔𝓵𝔃𝓮𝓲𝓷

في مراحل بحياتي…
كنت بسأل:
ليش؟
ليش هالباب تسكّر؟
ليش تعبت كل هالتعب؟
ليش الطريق أخد وقت أطول؟
وقتها…
ما كان عندي جواب.
واليوم…
لما برجع أتأمل بكل اللي مرقت فيه…
بكتشف إنو في أشياء…
ما منفهمها وهي عم تصير.
منفهمها…
بعد ما نقطعها.
الحياة علّمتني…
إنو مش مطلوب مني أعرف كل التفاصيل…
ولا أفهم كل الأسباب.
المطلوب مني…
إني أسعى…
وأترك النتيجة لله.
قال تعالى:
﴿وَكَانَ اللَّهُ عَلَىٰ كُلِّ شَيْءٍ مُقْتَدِرًا﴾
يمكن اليوم…
في شي بحياتِك ما عم تفهميه.
بس يمكن…
بعد فترة…
رح تشوفي إنو كان جزء من خير أكبر…
ما كنتِ شايفتِه.
🤍 خبريني…
في موقف بحياتِك ما فهمتي حكمته إلا بعد فترة؟
لأنو بالنهاية…
الحياة بتعلّمنا كل يوم…
إذا قررنا نتعلّم منها.
ريفا الزين

سنين…
كنت مفكرة إنو لازم أعرف كل الطريق…
قبل ما آخد أي قرار.
كنت ناطرة…
أحس بثقة.
أتأكد.
تكون الظروف أحسن.
وأعرف شو رح يصير.
بس الحياة…
ما كانت تعطيني الأجوبة قبل ما بلش..
كانت تعطيني جواب…
بعد كل خطوة.
ومن هون تعلمت…
إنو يمكن نحنا منضيع وقت طويل…
عم نفتش على أجوبة…
ما رح نلاقيها…
إلا إذا قررنا نبلش.
وهيدا من أهم الدروس…
اللي علّمتني ياها الحياة.

🤍 وهلأ بدي اسألك…
بكل قرار غيّر حياتِك…
لقيتِ الجواب قبل ما تبلّشي؟
ولا اكتشفتيه… وإنتِ عم تعيشيها؟

💛 مبروك ميريت، وأهلاً وسهلاً فيكي! 💛

اليوم أخدتي أول خطوة نحو شي جديد…
وأحيانًا، أول خطوة هي أصعب خطوة.

فخورة فيكي لأنك قررتي تعطي حالك فرصة، وتفتحي باب جديد لمستقبلك.

بتمنالك رحلة مليانة تعلّم، نمو، وإنجازات.
وأنا متحمسة أكون معك بكل خطوة.

أهلاً فيكي، وإن شاء الله هيدا يكون بداية لأشياء جميلة كتير. 🌸

كم مرة قلتي:
“بدي أشتغل من البيت.”
“بدي أبدأ أهتم بحالي.”
“بدي أعمل شي جديد.”
بس قليل منّا بيوقف ويسأل نفسه:

ليش؟

أنا سألت حالي هيدا السؤال لما قررت أرجع للشغل.
ومع كل الأسباب اللي كانت عندي، سألت نفسي:
هل أنا مستعدة أبذل الجهد؟
ولا بس لأن الفكرة عاجبتني؟
لأن الرغبة بتخلّينا نبدأ…
أما الالتزام هو اللي بيخلّينا نكمّل.

واليوم بسألك نفس السؤال…
إذا في شي نفسك تبدئي فيه…
ليش؟
وهل أنتِ مستعدة تبذلي الجهد كرماله؟

شاركيني رأيك بالتعليقات. 🤍

أحيانًا… كل ما نحتاجه هو لحظة هادئة، لنتذكر إلى أين نحن ذاهبون. 🤍

غدًا أسبوع جديد…
وفرصة جديدة لنختار أنفسنا، ونقترب خطوة من الحياة التي نحلم بها.

ما هو الوعد الذي ستقطعينه لنفسك هذا الأسبوع؟ ✨

#تأمل #تحفيز #تغيير إلهام النجاح

كم مرة وعدتِ حالِك…
“بكرا ببلّش.”
يمكن بكرا الدايت.
أو بكرا الرياضة.
أو بكرا المشروع.
أو حتى بكرا رح اهتم بحالي.
الغريب…
إنو المشكلة مش بكلمة “بكرا”.
المشكلة هي السبب اللي خلانا نقولها.
أنا كنت قولها كتير…
لحد ما اكتشفت إنو كل مرة كنت عم أجّل…
ما كنت عم أجّل خطوة.
كنت عم أجّل نسخة جديدة من حياتي.
ومن وقتها…
بطّلت اسأل: “إمتى ببلّش؟”
وصرت اسأل: “ليش عم أجّل؟”
لأنو لما بتعرفي السبب…
بيصير الحل أوضح.
🤍 خبريني…
برأيك، شو السبب الحقيقي اللي بيخلّينا نقول: “بكرا”؟ 𝓡𝓲𝓿𝓪 𝓔𝓵𝔃𝓮𝓲𝓷💎

مبارح حكيت معكن…
إنو كل حلم…
كان بيوم من الأيام…
مجرد فكرة.
وإنو أصعب شي…
هو أول خطوة.
واليوم…
بدي ضيف شغلة…
غيّرت نظرتي للحياة.
أنا ما بقدر أتحكم بالنتيجة.
بس بقدر أتحكم…
بسعي.
كل خطوة…
كل محاولة…
كل تعب…
كل مرة وقعنا وقمنا…
ولا مرة كانت تضيع عند رب العالمين.
يمكن الناس تشوف النتيجة…
بس الله بيشوف الطريق كله.
لهيك…
إذا في حلم بقلبِك…
لا تخافي من البداية.
وخلي النتيجة على الله.
﴿وَأَنْ لَيْسَ لِلْإِنسَانِ إِلَّا مَا سَعَى﴾
يمكن كل المطلوب منك اليوم…
إنك تكمّلي خطوة وحدة…
ورب العالمين بيتكفّل بالباقي. 🤍
خبريني…
شو هي الخطوة اللي رح تاخديها اليوم؟ #السعي

كل شي حلو منشوفه…
كان بيوم من الأيام…
مجرد فكرة.
وبعدين…
صار في أول خطوة.
وبعدين تعب…
وأيام طويلة…
وتفاصيل ما حدا بيشوفها.
واليوم وأنا بالشغل…
لما شفت النتيجة…
وتعليقات الناس…
تذكرت إنو كل التعب…
كان يستحق.
وهيدا ذكرني بشغلة…
كتير منّا بيوقفوا قبل البداية…
لأنهم شايفين التعب…
وما عم يشوفوا النتيجة اللي ممكن توصلهم إلها.
يمكن اليوم…
كل اللي بينك وبين حلمك…
هو إنك تاخدي أول خطوة.

🤍
خبريني…
شو أول خطوة مأجلتيها من زمان؟