Poetry the voice of soul شاعری روح کی آواز

شاعر حیدر قریشی
انتخاب
غزل
جب تیر چل گیا، تو کماں بھی نہیں رہی
لگتا تھا جیسے جسم میں جاں بھی نہیں رہی

سارے حسِین بیچتے پِھرتے ہیں شہر میں
جنسِ وفا، اب ایسی گراں بھی نہیں رہی

وہ مسکرا کے پوچھتے تھے مدعائے دل
اور اپنے منہ میں جیسے زباں بھی نہیں رہی

خواہش، وصالِ یار کی، زندہ ہے آج بھی
لیکن، یہ پہلے جیسی جواں بھی نہیں رہی

اس سے بچھڑ کے آئینہ دیکھا تو یوں لگا
ہاتھوں میں اپنے عمرِ رواں بھی نہیں رہی

شہرِ ستمگراں میں، پناہ ڈھونڈئیے کہیں
شہرِ اماں میں، جائے اماں بھی نہیں رہی

اس کے لبوں پہ، میری محبت کے واسطے
انکار بھی نہیں تھا، تو ہاں بھی نہیں رہی

رسمِ وفا تو اگلے زمانوں کی بات ہے
اب اپنے بیچ، رسمِ جہاں بھی نہیں رہی

حیدر! اب اپنی عادتیں، اَطوار، ٹھیک کر
ابا بھی چل بسے، تِری ماں بھی نہیں رہی
حیدر قریشی

ایسی نہیں ہے پیاس کہ پانی سے جل بجھے
آتش اسے دکھا کہ قلندر کی پیاس ہے
Summan Tariq

تیری جنت سے نکالے ہوئے انسان ہیں ہم
خُلد میں پھر سے بلاؤ تو کوئی بات بنے
شاہد پرویز

کہیں ادراک گر ہونے لگے اس فانی دنیا کا
تو آنا تم کسی کی زندگی میں کہکشاں ہو کر
Lubna Shahid

آپ کے ساتھ چلنا مشکل ہے
آپ کے پاس کچھ بھی بھار نہیں
Abdul Basit Tahir

آگ کا کام تو جلانا ہے
آگ دونوں طرف لگی ہو گی
Iqbal Mohsin

یہ بھی نہیں کہ یاد ہی آئی نہیں تری
یہ بھی نہیں کہ یاد ہی سے میں جُڑا رہا
ق ر م احمد