للراغبين في الدراسة في روسيا البيضاء-مينسك

تعلن شركة "vistaway" عن فتح باب التسجيل للعام الدراسي الجديد ٢٠٢٤-٢٠٢٥ في جميع جامعات بيلاروسيا🇧🇾
تواصلوا معنا الان 📥

للراغبين في الدراسة في بيلاروسيا-مينسك .. ✈️جميع الاختصاصات متوفرة 👷‍♀️👩‍⚕️ وبجميع المستويات ( دبلوم - ماجستير - دكتوراه) تواصلوا معنا الان واحجزوا مقاعدكم الدراسية. Study in Belarus 🇧🇾

للدراسة في جامعات بيلاروسيا - مينسك👨‍🎓 تواصلوا معنا الان من اي دولة كنتم ✈️لنحجز لكم مقاعد دراسية قبل بدا العام الدراسي الجديد🇧🇾
#بيلاروسيا #مينسك #طب #هندسة #سوريا #لبنانية #عراق

( نصائح قبل السفر للمرة الأولى )

- بالنسبة للناس اللي رح تسافر هالفترة خود .. هي بعض النصائح من ترحال المهمة الك..

- الحقيبة الكبيرة العملاقة يلي فيها تيابك وكل اغراضك لازم يكون الوزن تبعا 30 كيلو
فقط، وهي رح تاخدها منك الموظفة تبع توزين الشناتي ورح تنحط بباكاج الطيارة ..

- اما حقيبة المدرسة يلي رح تطلعها معك عالطيارة وشايلها عضهرك، هي بس تركب
بالطيارة بتحطها بالدرج يلي فوق مقعدك ولازم تكون فقط وزنها 7 كيلو وبسموها بالمطارات
( هاند باغ HandBag )

- اما الحقيبة (الجزدان) الصغير يلي فيه اوراقك متل هويتك وجوازك وورقة التحليل ..
هاد ما الو وزن أصلاً، لانو فاضي يعني فيو بس الوثائق والأوراق .

- لا تحط قصاصة اضافر ولا مقص ولا عطور ولا شامبو ولا شفرات حلاقة ولا اكسسوار
طوق فيو رصاصة محفور عليها اسمك، ولا ميدالية عبارة عن شفرة حلاقةمحفور عليا ذكريات ..وانتبه، ادويتك الشخصية شيلون
من الكرتونة تبعون مشان ما يفكروك رايح تتاجر فيون .

- دفتر الجيش تبعك، لا تاخدو معك عالغربة لأن مافي شركات شحن بتقبل تبعتو على
سوريا و ممنوع هالشي عنا ..واهلك محتاجينو مشان يأجلولك عالاقامة بشعبتك بعد ما تصير
هنيك بالغربة

- اما هويتك الشخصية عادي خدها معك عالغربة لأنك بتحتاجها في حال قدمت برا
لجوء ع مفوضية الامم المتحدة لازم يكون معك هويتك هنيك

- ورقة اذن السفر .. روح جلد النسخة الاصلية ..واحتفظ فيها ولا تعطيا لحدا ..
و الصورة يلي عطوك ياها بالشعبة مشان تسلمها للمطار .. بالشام أو الحدود السورية
كون ذكي ورجاع صور عنها كمان صورة تالتة مشان فورا تسلم المطار أو الحدود هي الصورة التالتة
(الأبيض والأسود والمو مختومة)..

- مصاري سوري لا تترك بالحقيبة تبع اليد لأنو ممنوع تطالع برا سورية اكتر من 50 الف
ليرة .. لذلك مافي لزوم للعملة السورية انك تحمل منها كتير بس خلي معك مصروف شغلة
لقعدتك ضمن المطار في حال اذا احتجت شي ..

- دولارات ( 1000 دولار )بزيادة، لأنو المبالغ الكبيرة لازم بالقانون تصرح عنها

-(قداحة) حاول لا تترك بالحقيبة تبع الاوراق لما تمر ع باب غرفة جهاز التفتيش ..و(طوق فضة) كمان لا تلبس لما تمر ع الجهاز لأنو بزمر ..

- لا تخبر حدا من جماعتك ..عن تاريخ وموعد سفرتك لأنو في اولاد الحلال كتار ماشالله
ومية واحد بعطل عليك .. وفهمك كفاية

-لا تشيل معك اغراض لحدا ..لا مصاري .. ولا اكل ولا تياب ..انت بصراحة مابتعرف الناس
شو حاطة بقلب هالاشياء لذلك اعتذر بلباقة وخلصت السيرة ..

- لا تلبس بوط سميك ورانج ..من هاد اللي بسمو (الساق) ..لانو رح تضطر تضل تشلح البوط والجرابات بكل المطارات عند
قسم جهاز التفتيش .

- خفف دقنك الطويلة كتير لانو بعض المطارات بتدقق عليك وبتكره هالمنظر جداً وبتنفر منو،
واذا مو حابب تخففها ع الأقل لبيس عالموضة و اكسسورات بإيدك مشان يفهموا انك غير
متدين ولا ملتزم و متعصب ..

- نصيحة الصبح خود حبة خافض حرارة قبل الرحلة ..
بشي ساعتين، مشان الجهازتبع الحرارة وخلي معك جوازك و هويتك واذن السفر وتذكرة
الطيران و ورقة التحليل ..كلو ضمن مصنف واحد.

- انتبه, هدايا غريبة ..لا تاخود معك ابداً من الشام خاصة با*رودة اولاد صغار .. لأنها بتتصادر منك فوراً ، وأي
شغلة مو طبيعية بتتصادر ..

- حسب خبر فريق ترحال انتبه لشغلة مهمة ..في رحلات طويلة و مملة
خاصة لمسقط و روسيا مثلاً .. حاول تلبس شي مريح الك ..كنزة واسعة ومريحة ...

- ماكينة الحلاقة لما تحطها بالحقيبة (لزق الزر) تبع التشغيل بلاصق جروح لانو من التحريك
بجوز تشتغل بقلب الطيارة ..ويفكروها جهاز معّير، لذلك اربط الزر يلي بيطلع لفوق بحيث ما
يتحرك بالمدافشة والخضخضة.

-خود معك اكل كتير ..ونقاريش للمطار لأنو طعام الطيارة ما بشبع ابداً مشان
ما تنصدم بس تركب وتدوخ فوق وحاول تمارس تمارين البلع مشان ما تسكر ادنك بس تطيروا، او خود معك علكة وضل اعلكها
بلحظة الإقلاع .

- اهم اهم نقطة بنصحك فيها التقط صورة بموبايلك للشناتي
مشان ما يضيعوا وعلمن بشريطة او شبرة مشان تميزن وكتوب اسمك علين بقلم خطاط عريض.

- لا تسمع اي كلام غير هالكلام ..و هالتعليمات من تجارب كتيرة ومن لوائح عدة مطارات بالعالم .. منها دمشق وحلب وبيروت
والقاهرة واسطنبول و اربيل و دبي والجزائر و برلين وغيرها ..

منقول...