24/07/2026
༈ རིན་པོ་ཆེ་མཆོག་གི་སྐུའི་འཁྲུངས་སྐར་ལ་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབ་གཅིག་མཛད་ཕྲིན་ཕྱོགས་མཐར་རྒྱས་པའི་སྨོན་འདུན་ཞུ།
ཨོཾ་སྭསྟི། ཚེ་དང་ཡེ་ཤེས་དཔག་མེད་བཅོམ་ལྡན་འདས། །
འཆི་མེད་རིག་འཛིན་པད་འབྱུང་བི་མ་ལ། །
མར་པ་མི་ལ་དྭགས་པོ་དུས་གསུམ་མཁྱེན། །
བཀའ་དྲིན་ཚེ་བྱིན་མེ་ཏོག་ཆར་དུ་ཕོབས། །
འཇ༵མ་དཔལ་དབྱ༵ངས་སོགས་སྲས་བཅས་རྒྱལ་ཀུན་གྱིས། །
བྱིན་རླབས་ཐོས་བསམ་སྒོམ་པའི་ཡོན་ཏན་རྫོགས། །
འཆད་རྩོད་རྩོམ་པའི་བློ༵་གྲོ༵ས་མཚུངས་པ་མེད། །
ཐུབ་བསྟན་རྒྱ༵ལ་མཚ༵ན་བགྲེངས་བཞིན་ཞ༷བས་བརྟ༷ན་གསོལ། །
རྣམ་དག་ཚུལ་ཁྲིམས་གསེར་གྱི་ས་གཞི་ལ། །
སྨོན་འཇུག་བྱང་སེམས་རི་གླིང་བཀོད་པས་བརྒྱན། །
ལྷ་སྔགས་ཆོས་སྐུར་དག་འབྲས་ཉི་ཟླས་མཛེས། །
ས་གསུམ་འགྲོ་བའི་མགོན་དུ་ཞབས་བརྟན་གསོལ། །
རྒྱལ་བསྟན་སྤྱི་དང་ཁྱད་པར་སྒྲུབ་བརྒྱུད་ཀྱི། །
བཀའ་སྲོལ་བཤད་དང་སྒྲུབ་པའི་སྡེ་ཚོགས་འཕེལ། །
ནག་ཕྱོགས་དུས་ཀྱི་རྒུད་པ་ཀུན་ཞི་ཞིང་། །
རྫོགས་ལྡན་གསར་པའི་དགའ་སྟོན་བཞད་གྱུར་ཅིག །
ཞེས་པ་ནི་གྲུབ་དབང་ནམ་མཁའི་སྙིང་པོས་གསུང་ངོ། །
འཁྲུངས་སྐར་བཀྲ་ཤིས་བདེ་ལེགས་ཞུ།🎂🎂🎂🎂🎉🎉🎉🎂🎈🎈🎈
