24/05/2026
༈ ལོ་བསྟར་བཞིན་ འབྲུག་བུམ་ཐང་ལྷོ་བྲག་མཁར་ཆུ་གི་ཡན་ལག་དགོན་པ་ གསར་སྤང་འོད་གསལ་ཆོས་གླིང་གྲྭ་ཚང་གི་འདུས་ཚོགས་ཡོངས་ཀྱིས་ སྦྱིན་བདག་ཨམ་སྐལ་བཟང་གིས་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་ལུ་ ཞུ་བ་ཕུལ་ཡོད་དོ་བཟུམ་སྦེ་ དྲིན་ཆེན་རྩ་བའི་བླ་མ་ སྐྱབས་རྗེ་རིན་པོ་ཆེ་མཆོག་ སྐུ་ཚེ་ཞབས་པད་བརྟན་ནི་དང་ འདི་བཟུམ་སྦེ་ འགྲན་ཟླ་མེད་པའི་སྐྱབས་མཆོག་ རྒྱལ་བ་ཤཀྱཱ་སེང་གེ་གི་བསྟན་པ་སྤྱི་དང་ བྱེ་བྲག་དྲིན་ཆེན་རྩ་བའི་བླ་མ་མཆོག་གི་ཆོས་བརྒྱུད་ སྔ་འགྱུར་བྱང་གཏེར་དང་ གཞན་ཡང་ཀློང་ཆེན་སྙིང་ཐིག་འབྲུག་པ་བཀའ་བརྒྱུད་ཚུ་ མི་ཉམས་གོང་འཕེལ་དང་ འདི་བཞིན་དུ་ སྤྱིར་འཛམ་གླིང་ཞི་བདེ་དང་ ལྷག་པར་དུ་ ང་བཅས་རའི་དཔལ་ལྡན་འབྲུག་པའི་རྒྱལ་ཁབ་ནང་ལུ་ བདེ་སྐྱིད་ཀྱི་ཉིམ་དུས་གཏན་རྐྱང་ཤར་ཏེ་ མི་དབང་མངའ་བདག་རིན་པོ་ཆེ་མཆོག་གིས་དབུ་གཙོས་པའི་ སྐུ་འཁོར་ལྷན་རྒྱས་རྣམས་ སྐུ་ཚེ་ཞབས་པད་བརྟན་ནི་དང་གཅིག་ཁར་ མི་དབང་མཆོག་གི་ཐུགས་ཀྱི་དགོངས་གཏེར་ དགེ་ལེགས་ཕུག་དྲན་ཤེས་ཁྲོམ་(GMC) འདི་ཡང་ གེགས་མེད་ལྷུན་གྱིས་གྲུབ་ཚུགས་ནི་དང་ སྤྱིར་བསྟན་པའི་སྦྱིན་བདག་དང་འགྲོ་བ་སེམས་ཅན་མཐའ་དག་གི་དོན་ལུ་དམིགས་ཏེ་ མཁར་ཆུ་ཡན་དགོན་ གསར་སྤང་འོད་གསལ་ཆོས་གླིང་གྲྭ་ཚང་འདི་ནང་ལུ་ རང་ཟླ་བཞི་པ་ས་ག་ཟླ་བའི་ཚེས་༨ ལས་ ཚེས་༡༠ ཚུན་ཚོད་ཀྱི་བར་ ཉིནམ་གསུམ་གྱི་རིང་ལུ་ ཚོགས་ཆེན་ཐུགས་རྗེ་ཆེན་པོ་གི་ཆོ་ག་ སྡུག་བསྔལ་རང་གྲོལ་འཚོག་གནང་བའི་ཐོག་ལས་ རླབས་ཆེན་སྐུ་རིམ་བསྒྲུབ་གནང་ནི་ཨིནམ་ལས་ དད་ལྡན་མི་དམངས་ཡོངས་ལུ་ ཚེ་ད་རིས་ སྒྲིབ་སྦྱང་ཚེ་བསོད་དབང་ཐང་དར་ནི་དང་ ཚེ་ཕྱི་མ་ཡང་ མངོན་མཐོ་དང་ངེས་ལེགས་ཀྱི་གོ་འཕང་ཐོབ་ཐབས་ལུ་ དངོས་འབྱོར་ཡོངས་འབྲེལ་ག་འབད་རུང་ དེ་ཚུ་གི་ཐོག་ལས་ སྨོན་ལམ་བཏབ་གནང་ནི་གི་དོན་ལུ་ བཅའ་མར་གཏོགས་གནང་ཟེར་ གསར་སྤང་འོད་གསལ་ཆོས་གླིང་གྲྭ་ཚང་གི་ཧོངས་ལས་ ཞུ་བ་ཕུལཝ་ཨིན།
In line with the earnest request made to Kyabje Namkhai Nyingpo Rinpoche by the patron Aum Kezang, every year the Sangha of Yoeselcholing Monastery, Lhodrak Kharchu Branch in Sarpang, performs the ritual for the duration of three days in the auspicious fourth lunar month Saga Dawa. In this regard, the profound ritual of Avalokitesvara (Chenrezig) named "Self liberation of the Suffering" is performed for the benefit of dharma patrons and all the sentient beings in general, and in particular for the well-being and long life of the root guru Kyabje Rinpoche, His Majesty the King, and the royal family. The prevalence of peace in the world and specifically in our country Bhutan, the swift and successful completion of the great, visionary initiative (GMC) of our beloved King, and the preservation and flourishment of Buddha dharma as a whole, especially the "Northern Treasure" lineage of the root guru Kyabje Rinpoche and others like Longchen Nyingtik and Drukpa Kagyu are also the reasons this great ritual is performed for. Yoeselchholing Monastery family, therefore, cordially requests all the devout people to make your valuable participation from 8th to 10th day of the auspicious fourth lunar month by whatever means possible, online or actual visit, to pray for all the success in this life and also for getting higher rebirth in the next, ultimately attaining Buddhahood for the benefit of all the sentient beings.
