11/02/2025
Amahoro cane☺️.
Uno munsi twashimye kubaganirira ku ndwara bita intandara canke mu gifaransa.
Iyo ndwara mu kirundi bayiha amazina menshi : igicuri,ibiduduzi, utunyoni n’ibindi. Yamara uko bayita amazina atandukanye niko mukibano duheza tukayiha insiguro zitandukanye. Iyo ndwara ntizwi kubera igira n’ibimenyetso bitandukanye kanatsinda iyo ndwara ifata mu buryo bubiri ariyo le petit mal na le grand mal.
Le petit mal niyo ifata kenshi abantu, iyo nayo umuntu ntaheza ngo atakaze ubwenge; ifata ikadadaza igihimba kimwe c’umubiri nk’ukuboko canke amaso, uwuyifise ntasobanukirwa neza ibimushikiye araheza akagira nk’ikibazo igihe yariko aravuga canke gutahura, birashika nk’igihe umuntu ariko araharura akibagira aho yarageze, hari ibindi bimenyetso nk'igihimba kimwe c’umubiri bigakunda gushika kikikakaza mu buryo butamenyerewe canke nkiyo umwana muto ashobora gusa n'uwurerembuje amaso canke agakubita ingohe mu buryo butameneyerewe uwutabizi akavuga ngo n’utunyoni,…
Le grand mal nayo ni mu gihe umuntu yikubita hasi,agatakaza ubwenge, agacira ifuro n’ibindi agaheza akavyuka inyuma y’iminota itarenga itanu ariko avyutse ntaheze ngo amenye ivyamushikiye.
Hari abibaza ko indwara y’intandara ari indwara yo mu mutwe, habe namba!!! Ibitera iyo ndwara ni vyinshi ariko ivyo bimenyetso biza kubera ko ata guhanahana canke communication yabaye hagati y’udutsi nsozabwenge two mu mutwe utwo bita neurotransmetteurs ivyo rero bigatuma haba iyo crise, iyo ndwara isanzwe ivurwa iyo imenyekanye hakiri kare, iyo bidakunze naho hashobora kubaho ico bita kugabanya ama crise umuntu yarasanzwe agira.
Ku muntu afise indwara y’intandara bigira kenshi ingaruka ku wurwaye mu buryo bwo mumutwe agahungabana canke no kumuryango wiwe; muti gute🤔?
1. Ingaruka mbi umuntu agendana iyo ndwara ni nyishi naho kenshi bitavugwa kuko iyo ndwara kenshi uwuzoyigwara azobanza kujanwa kubavuza imiti y’ikirundi canke ku musengera kubera bibaza ko yoba yafashwe n’ibisigo canke ibindi gurtyo bigatuma ya ndwara iguma igwira mu muntu agateba kuvuzwa.
2. Umuryango kenshi ugerageza gukumira wa mwana canke wa muntu agendana iyo ndwara aho kenshi baba bibaza ngo bariko baramurinda kubabara ariko baba bariko bamubabaza gusumba, ivyo rero bigaragara mu kumubuza gukora ivyo abandi bakora, gukina n’abandi bana, kuja kw’ishure, kuja aho abandi bari,... aho hose batinya ko yohava yikubita hasi imbere y'abantu, kenshi banka ko yobamaramaza.
3. Gutungwa urutoki nabo bigana canke abo mu kibano ivyo bigatuma uyo muntu asa nk’uwikumira ntaheze ngo akore canke yiyumvire ivyomuteza imbere nk'abandi.
4. Mu gihe agize crise ya le grand mal, ashobora k***a ku kintu kimukomeretsa canke akarwa mu muriro gurtyo agashobora gukomereka, agasha canke akahasiga ubuzima. Ni naco gituma abantu bari bakwiye kwiga ingene bofasha umuntu yagikze ikibazo nkico.
5. Ikindi naco nuko nawa muryango ufise umuntu agwaye uragira akabonge ko kubona umuntu wabo agira izo crises ataco baribumufashe, harimwo no kumuvuza igihe kirekire n’uburyo bw’umuryango buhaherera.
Mu guheraheza, nukwibutsanya ko iyo abarwayi b’intandara bajanywe kwa muganga, bagakwirikiza impanuro za muganga, barashobora kurangura imirimo abandi bose barangura harimwo guteza imbere imiryango yabo n’iguhugu. Ni ngombwa ko bavuzwa, bagashigikirwa mu kubereka ko bashoboye aho kubagirira impuhwe ngo bakumirwe.
31/01/2025
29/01/2025
27/01/2025
17/01/2025
15/01/2025
31/12/2024
25/12/2024
18/12/2024
18/12/2024
18/11/2024
30/10/2024