03/06/2024
📌"ingwara yo mu kigo":irarindwa,iravugwa,irakira.
🤰🏾Ingwara yo mu kigo ni ingwara ivuye ku ka gorane kaba mu gihe umukenyezi aba ariko aribaruka.Igafata ahanini abakenyezi bamaze umwanya muremure bariko baribaruka canke abibarukira mu hira kuko baba bibarutse bibagoye cane.
Iyo ngwara ifata ahanini 🧏🏾♀️abakenyezi bari mu myaka iri hagati 19-49 na cane cane abari musi y'imyaka 25 nk'uko tubimenyeshwa n'ishirahamwe UNFP.
✍🏾Ibimenyetso vyayo bihagaze ahanini ku gusohokera hamwe kw'umwanda mukuru na mutoyi.
inyuma yo kwandura iyo ngwara abenshi mu bakenyezi baratabwa n'imiryango yabo Ku bw' akamoto atari keza kaba kava kuri bo.Bamwe muri abo bakenyezi bagwaye iyo ngwara bagaca baharirwa ivomo barahasinzikarira ku mutima kubw'ugutabwa n'imiryango yabo.
📅 Mu mwaka wa 2010 haruguruwe mu ntara ya gitega ikigo kivura" ingwara yo mu kigo" .ico kigo kikaba kimaze kuvura abakenyezi 2607 mu kiringo c'imyaka 13.
👩🏾⚕️Nubwo biruko ingwara yo mu kigo n'ingwara irindwa,ivugwa,kandi igakira.Twese turahamagariwe gushigikira abo bakenyezi, kubaba hafi no kutabakumira ,ahubwo kubahimiriza kuyivuza ,no kuvyarira kwa muganga narirya vyabonetse ko abakenyezi bayigwaye abenshi baba bibarukiye muhira.
