23/06/2026
«پېغمبرانو» چې په انساني ټولنه کې کوم تغیرات او بدلونونه راوستي دي، د زور ونډه پکې بیخي کمه ده. حقیقي بدلون ته هله زمینه برابریږي چې د خلکو داخلي قناعتونه تغیر شي. زور یوازې ظاهري اطاعت او موقتي چوپتیا رامنځته کوي. که داخلي قناعت تغیر نشي، موقتي چوپتیا او اطاعت به رامنځته شي، خو د پردې لاندې به د سرغړونو، فساد او جرمونو نړۍ په جوش کې وي.
«محمد ﷺ» په مکه کې د زور له لارې هیڅ بدلون نه دی راوستی. که د بدلون لاره زور او سیاسي واک وای، نو هغه فرصتونه ورته موجود وو. د مکې مشرکانو ورته د مشرتابه، شتمنۍ او نفوذ وړاندیزونه وکړل، خو هغه د واک پر ځای د فکرونو او عقایدو د بدلولو لاره غوره کړه.
استاذ سعید "جواد"
#لیکوال
