Xaçmaz Rayonu R.Vəliyev adına Aşağı Zeyid kənd tam orta məktəbi

Xaçmaz Rayonu R.Vəliyev adına Aşağı Zeyid kənd tam orta məktəbi Adı: Aşağı Zeyid kənd tam orta məktəbi

Yaranma tarixi:

1951
Direktor əvəzi Eyvazova Reyhan Alik qızı

15 Sentyabr – Bilik Günü münasibətilə məktəbimizdə təntənəli tədbir keçirildi. Tədbir Azərbaycan Respublikasının Dövlət ...
15/09/2026

15 Sentyabr – Bilik Günü münasibətilə məktəbimizdə təntənəli tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı. Dahi şəxsiyyət, Ulu Öndər Heydər Əliyevin və vətənimizin azadlığı uğrunda canından keçmiş şəhidlərimizin əziz xatirəsi ehtiramla yad edildi.

​Daha sonra məktəbin direktoru Şəhla Əmirova çıxış edərək tədbiri açıq elan etdi, müəllim və şagirdləri yeni tədris ili münasibətilə təbrik edib onlara uğurlar arzuladı. Tədbirin bədii hissəsində şagirdlər öz ürək sözlərini bölüşdü, Vətənə və məktəbə həsr olunmuş şeirlər söyləyib, maraqlı mahnılar ifa etdilər.

​Sonda bilik rəmzi olan ilk zəng çalındı. Şagirdlər böyük həvəslə sinif otaqlarına daxil oldular və beləliklə, yeni tədris prosesinə start verildi

İlkin diaqnostik qiymətləndirmə keçirildiBu gün Təhsil Nazirliyinin müvafiq təlimat və göstərişlərinə əsasən, R. Vəliyev...
15/09/2026

İlkin diaqnostik qiymətləndirmə keçirildi
Bu gün Təhsil Nazirliyinin müvafiq təlimat və göstərişlərinə əsasən, R. Vəliyev adına Aşağı Zeyid kənd tam orta ümumi təhsil məktəbində siniflər üzrə ilkin diaqnostik qiymətləndirmə keçirildi.
Qiymətləndirmə məktəb rəhbərliyinin nəzarəti ilə təşkil olunaraq şagirdlərin bilik və bacarıq səviyyəsinin müəyyənləşdirilməsi, mövcud vəziyyətin dəyərləndirilməsi və qarşıdakı tədris prosesinin daha səmərəli qurulması məqsədini daşıdı.
Yeni tədris ilində hər bir şagirdə uğurlar arzulayırıq! 📚✨

🏛️ İlk dərsimiz – “Memarlıq və İnşaat İli”Yeni dərs ilinin ilk dərsində şagirdlərimizlə “Memarlıq və İnşaat İli” çərçivə...
15/09/2026

🏛️ İlk dərsimiz – “Memarlıq və İnşaat İli”
Yeni dərs ilinin ilk dərsində şagirdlərimizlə “Memarlıq və İnşaat İli” çərçivəsində ölkəmizin qədim və müasir memarlıq nümunələri haqqında söhbət apardıq.
Şagirdlərimiz Qız qalası, Şirvanşahlar Sarayı, Möminə Xatun türbəsi, Yusif ibn Küseyr türbəsi, Şəki Xan Sarayı, Lahıc və Basqalın tarixi tikililəri, eləcə də müasir memarlıq nümunələri haqqında məlumatlarını bölüşdülər.
Dərsimiz tariximizi, milli memarlığımızı və gələcəyin qurucuları olacaq şagirdlərimizin yaradıcılıq düşüncəsini bir araya gətirdi.
Keçmişimizi qoruyaq, bu günümüzü quraq, gələcəyimizi birlikdə inşa edək! 🇦🇿

Sabah 15 Sentyabr məktəbimizin ən şirin, ən həyəcanlı qonaqları — birincilərimizi qarşılamağa hazırıq! 🥰📚Sinif otaqları...
14/09/2026

Sabah 15 Sentyabr məktəbimizin ən şirin, ən həyəcanlı qonaqları — birincilərimizi qarşılamağa hazırıq! 🥰📚
Sinif otaqlarımız onların ilk addımlarına, ilk zənginə, ilk dostluqlarına və unudulmaz məktəb xatirələrinə hazırdır.
Əziz birincilər, məktəbimizə xoş gəlmisiniz!
Qoy bu yolunuz bilik, sevinc, gözəl dostluqlar və böyük uğurlarla dolu olsun!
İlk dərsiniz, ilk zənginiz, ilk məktəb xatirəniz mübarək!

R. Vəliyev adına Aşağı Zeyid kənd tam orta məktəbində yeni tədris ilinin ilk pedaqoji iclası keçirilibR. Vəliyev adına A...
11/09/2026

R. Vəliyev adına Aşağı Zeyid kənd tam orta məktəbində yeni tədris ilinin ilk pedaqoji iclası keçirilib
R. Vəliyev adına Aşağı Zeyid kənd tam orta məktəbində 2026–2027-ci tədris ilinin ilk pedaqoji iclası keçirilib.
İclasda məktəb rəhbərliyi və pedaqoji kollektiv iştirak edib. Görüşün əsas məqsədi yeni tədris ilinin qarşıya qoyduğu vəzifələrin müəyyənləşdirilməsi, təlim-tərbiyə prosesinin səmərəli təşkili və qarşıda duran prioritet istiqamətlərin müzakirəsi olub.
İclas zamanı məktəbin illik fəaliyyət planı, tədris prosesinin təşkili, şagirdlərin davamiyyəti və nizam-intizamı, məktəbdaxili qaydalara riayət olunması, müəllim-şagird və müəllim-valideyn münasibətlərinin düzgün qurulması, təlim keyfiyyətinin yüksəldilməsi ilə bağlı məsələlər ətrafında geniş fikir mübadiləsi aparılıb.
Həmçinin müəllimlərin peşəkar fəaliyyətinin daha da təkmilləşdirilməsi, hər bir şagirdə fərdi yanaşmanın gücləndirilməsi və sağlam psixoloji-pedaqoji mühitin formalaşdırılması istiqamətində qarşıda duran vəzifələr diqqətə çatdırılıb.
Məktəb rəhbərliyi tərəfindən pedaqoji kollektivə yeni tədris ilində uğurlar arzulanan iclasda birgə əmək, məsuliyyət və qarşılıqlı əməkdaşlığın məktəbin inkişafında mühüm rol oynadığı vurğulanıb.
Yeni tədris ilinin ilk pedaqoji iclası qarşıya qoyulan məqsədlərin və vəzifələrin müəyyənləşdirilməsi, kollektivin vahid hədəflər ətrafında səfərbər olunması baxımından səmərəli və işgüzar şəraitdə başa çatıb.

I və III sinif şagirdlərinin valideynləri ilə görüş keçirildiBu gün məktəbdə I və III sinif şagirdlərinin valideynləri i...
10/09/2026

I və III sinif şagirdlərinin valideynləri ilə görüş keçirildi
Bu gün məktəbdə I və III sinif şagirdlərinin valideynləri ilə görüş keçirilib. Görüş zamanı yeni tədris ilində qarşıda duran və valideynləri maraqlandıran məsələlər müzakirə olunub, şagirdlərin təlim-tərbiyəsi, məktəb-valideyn əməkdaşlığı və tədris prosesinin səmərəli təşkili ilə bağlı valideynlərə ətraflı məlumat verilib. Görüşdə valideynlər fəal iştirak edərək fikir və təkliflərini bildiriblər.

📚 2026–2027-ci tədris ilinə hazırlıq çərçivəsində dərsliklərin paylanılması2026–2027-ci tədris ilinin başlanması ilə əla...
08/09/2026

📚 2026–2027-ci tədris ilinə hazırlıq çərçivəsində dərsliklərin paylanılması
2026–2027-ci tədris ilinin başlanması ilə əlaqədar olaraq məktəbimizdə şagirdlərin dərsliklərlə təmin olunması istiqamətində müvafiq işlər həyata keçirilmişdir.
Yeni tədris ili üçün nəzərdə tutulmuş dərsliklər və tədris vəsaitləri şagirdlərə müəyyən edilmiş qaydalara uyğun şəkildə paylanılmışdır. Dərsliklərin vaxtında və səliqəli şəkildə şagirdlərə çatdırılması onların tədris prosesinə daha yaxşı hazırlaşmasına və yeni dərs ilinə yüksək əhval-ruhiyyə ilə başlamasına şərait yaradır.Paylanılma zamanı dərsliklərin şagirdlər tərəfindən qorunması, onlardan səmərəli istifadə edilməsi və tədris ilinin sonunda müəyyən edilmiş qaydada təhvil verilməsi ilə bağlı müvafiq tövsiyələr verilmişdir.
Məktəb rəhbərliyi olaraq qarşıdan gələn 2026–2027-ci tədris ilində bütün şagirdlərimizə uğurlar, yüksək nəticələr və bol nailiyyətlər arzulayırıq!
📖 Yeni dərs ili – yeni biliklər, yeni hədəflər və yeni uğurlar deməkdir!

Məktəbimizin uğurlu məzunları ilə görüş keçirildiBu gün məktəbimizdə ali təhsil və orta ixtisas təhsili müəssisələrinə q...
07/09/2026

Məktəbimizin uğurlu məzunları ilə görüş keçirildiBu gün məktəbimizdə ali təhsil və orta ixtisas təhsili müəssisələrinə qəbul olan məzunlarımızla görüş keçirildi. Görüş zamanı şagirdlərimizin qazandıqları uğurlar təqdir olunaraq onların gələcək təhsil və həyat yolları barədə səmimi fikir mübadiləsi aparıldı.Məktəb rəhbərliyi tərəfindən məzunlarımıza təşəkkürnamələr təqdim edildi, onlara seçdikləri ixtisaslarda uğurlar, yüksək nailiyyətlər və parlaq gələcək arzulandı.
Əziz məzunlarımız, qazandığınız hər bir uğur məktəbimiz üçün qürur mənbəyidir! Yolunuz daim açıq, gələcəyiniz işıqlı olsun!

Uğurlarınız daim zirvələrə yüksəlsin!Məktəbimizin məzunlarının ali məktəblərlə yanaşı, orta ixtisas təhsili müəssisələri...
06/09/2026

Uğurlarınız daim zirvələrə yüksəlsin!
Məktəbimizin məzunlarının ali məktəblərlə yanaşı, orta ixtisas təhsili müəssisələrinə, kolleclərə qəbul olunmaları münasibətilə hər bir şagirdimizi ürəkdən təbrik edirik!
Bu uğurda əməyi olan şagirdlərimizə, onların valideynlərinə və müəllimlərimizə təşəkkürümüzü bildiririk. İnanırıq ki, hər bir məzunumuz seçdiyi sahədə uğur qazanacaq, bilik və bacarıqları ilə gələcəyimizə öz töhfəsini verəcək.
Yolunuz açıq, gələcəyiniz işıqlı, uğurlarınız bol olsun, əziz məzunlarımız! Sizin uğurunuz – bizim qürurumuzdur!

Uğurlarınız daim olsun, əziz məzunlarımız!Məktəb rəhbərliyi olaraq ali məktəblərə qəbul olan bütün şagirdlərimizi bu böy...
06/09/2026

Uğurlarınız daim olsun, əziz məzunlarımız!
Məktəb rəhbərliyi olaraq ali məktəblərə qəbul olan bütün şagirdlərimizi bu böyük uğur münasibətilə səmimi-qəlbdən təbrik edirik! Bu uğur sizin zəhmətinizin, əzminizin və müəllimlərinizin fədakar əməyinin gözəl nəticəsidir. Sizə bundan sonrakı təhsil həyatınızda yüksək nailiyyətlər, möhkəm iradə, parlaq gələcək və uğurlu yol arzulayırıq.
Unutmayın ki, qazandığınız bu uğur yalnız başlanğıcdır. Qarşıda sizi daha böyük məqsədlər və yeni zirvələr gözləyir. Məktəbimiz sizinlə fəxr edir! Uğurlarınız davamlı, yolunuz açıq, gələcəyiniz işıqlı olsun!
Hər birinizə tələbəlik həyatınızda uğurlar arzulayırıq!

Address

Azərbaycan
Xaçmaz
2719

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+994233261446

Website

Alerts

Be the first to know and let us send you an email when Xaçmaz Rayonu R.Vəliyev adına Aşağı Zeyid kənd tam orta məktəbi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category