14/08/2026
İnzibati-təsərrüfat və tədris-köməkçi vəzifələrə işə qəbulu üzrə müsabiqə elan edilir.
Qazax-Tovuz Regional Təhsil İdarəsinin tabeliyində olan təhsil müəssisələrində vakant olan təsərrüfat işləri üzrə direktor müavini, təsərrüfat müdiri, uşaq birliyi təşkilatı rəhbəri, kitabxanaçı, kitabxana müdiri, gənclərin çağırışaqədərki hazırlığı rəhbəri, psixoloq,katibə, kargüzar, laborant vəzifələrinə işə qəbul üzrə müsabiqə elan edilir.
Müsabiqə iki mərhələdən (sənədlərin qəbulu və test imtahanı) ibarət olacaq.
Qeyd edilən vəzifələr üzrə işə qəbul olmaq istəyən şəxslər 14 avqust 2026-cı il tarixindən 18 avqust 2026-cı il tarixinədək, saat 10:00-dan 17:00-a kimi (yalnız iş günlərində) Qazax-Tovuz Regional Təhsil İdarəsinə yaxınlaşmaqla qeydiyyatdan keçə bilərlər.
Tələb olunan sənədlər:
- şəxsiyyəti təsdiq edən sənədin surəti;
- təhsil haqqında sənədin surəti (attestat, diplom);
- əmək kitabçasının surəti (olduğu halda);
- hərbi biletin sürəti (gçhr vəzifəsi üzrə müraciət etdikdə).
Təqdim edilən məlumatların düzgünlüyünə görə namizəd məsuliyyət daşıyır. Hər hansı mərhələdə təqdim edilmiş məlumatların yanlış və ya saxtalaşdırılmış olduğu aşkarlanarsa,
bu zaman namizədin nəticəsi ləğv edilir.
Müvafiq vəzifələrin tutulmasına dair tələblər:
https://drive.google.com/file/d/1NbIu1uV4zqpZCKB5N7KlmGyIiyBSDybs/view?usp=sharing
Test imtahanında namizədlərə “Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası”na müvafiq olaraq vəzifənin tələbləri üzrə 30 sual, qanunvericilik üzrə ( "Təhsil haqqında" Azərbaycan Respublikasının qanunu, "Uşaq hüquqları haqqqında" Azərbaycan Respublikasının qanunu ) 15 sual, İKT (informasiya və kommunikasiya texnologiyaları) bacarıqlarının yoxlanılması üzrə 15 sual olmaqla ümumilikdə 60 test tapşırığı təqdim edilir.
İKT (informasiya və kommunikasiya texnologiyaları) bacarıqlarının yoxlanılması üzrə müsabiqə proqramı: https://drive.google.com/file/d/1Guu3HXOaNSnT3yj2koNPasNUipDTz7OW/view?usp=sharing
Test imtahanında hər bir suala düzgün cavab 1 (bir) balla qiymətləndirilir və səhv cavablar düzgün cavablara təsir göstərmir. Test imtahanında 30 bal və daha yüksək nəticə göstərən namizədlər uğur qazanmış hesab edilir. İmtahandan uğurla keçmiş namizədlər topladıqları bala əsasən mövcud vakant vəzifələrə yerləşdirilir. Bir vakant yerə iki və daha artıq sayda eyni bal toplamış namizəd olduqda aşağıdakı ardıcıllıqla namizədlərə üstünlük verilir:
- müharibə iştirakçıları və onların ailə üzvləri;
- təhsil səviyyəsi daha yüksək olan şəxslər;
- iş stajı daha çox olan şəxslər;
- müəssisəyə daha yaxın ərazidə yaşayan şəxslər.
Müsabiqədən uğurla keçmiş, lakin vakant vəzifəyə yerləşdirilməmiş namizədlər cari tədris ilinin sonunadək ehtiyat kadr kimi saxlanılır. Vakant vəzifəyə yerləşdirilməsi nəzərdə tutulan namizəd tərəfindən ona təklif edilən vəzifədən imtina edildiyi təqdirdə, o, ehtiyat kadrlar siyahısından çıxarılır.
Aşağıdakı keçid vasitəsilə vakant yerlərin siyahısı ilə tanış ola bilərsiniz:
https://drive.google.com/file/d/1DkNlj2EpMBEc_GmnRcRZS2qMaKur8PYT/view?usp=sharing
Qeyd: Namizəd yalnız bir vakant vəzifə üzrə qeydiyyatdan keçə bilər. Qeydiyyatdan keçmək və sənədlərin surətini təqdim etmək üçün Qazax-Tovuz Regional Təhsil İdarəsinin inzibati binasına
(ünvan: Tovuz rayonu Düz Cırdaxan kəndi) yaxınlaşmağınız xahiş olunur.
