Abşeron - Xızı Regional Təhsil İdarəsi

İyunun 24-də elm və təhsil naziri Emin Əmrullayev Respublika Fənn Olimpiadalarında yüksək nəticə göstərərək “Birincilərin birincisi” adına layiq görülən şagirdlərlə görüşüb.

Görüş zamanı olimpiadaçılar beynəlxalq yarışlara hazırlıq prosesi, əldə etdikləri nailiyyətlər və gələcək hədəfləri barədə danışıblar.

Ətraflı: https://muallim.edu.az/elm-ve-tehsil-naziri-rfo-nun-en-yuksek-netice-gosteren-qalibleri-ile-gorusub

📌 Təhsilverənlərin sertifikatlaşdırma prosesindən ən yaddaqalan görünütülər

Qeyd edək ki, 24 iyun tarixində keçirilən təhsilverənlərin sertifikatlaşdırılması prosesinin beşinci günü davam edir.

Bu gün prosesə tarix, coğrafiya, riyaziyyat və informatika fənlərini tədris edən müəllimlər cəlb olunub və onlar sertifikatlaşdırmanın müvafiq test mərhələsində iştirak edirlər.

Sertifikatlaşdırma prosesində iştirak edən bütün müəllimlərimizə uğurlar arzulayırıq!

📌 Təhsilverənlərin sertifikatlaşdırma prosesi davam edir

24 iyun tarixində keçirilən təhsilverənlərin sertifikatlaşdırılması prosesinin beşinci günü davam edir.

Bu gün prosesə tarix, coğrafiya, riyaziyyat və informatika fənlərini tədris edən müəllimlər cəlb olunub və onlar sertifikatlaşdırmanın müvafiq test mərhələsində iştirak edirlər.

Sertifikatlaşdırma prosesində iştirak edən bütün müəllimlərimizə uğurlar arzulayırıq!

📚 “Yeni təmayül tədris modeli” ilə bağlı təbliğat görüşləri davam edir

Abşeron-Xızı Regional Təhsil İdarəsinin tabeliyində fəaliyyət göstərən ümumi təhsil müəssisələrində 2026–2027-ci tədris ilindən etibarən tətbiqi nəzərdə tutulan yeni təmayül tədris modeli ilə bağlı maarifləndirici görüşlər davam etdirilir.

📌 Qeyd edək ki, yeni model çərçivəsində 2026–2027-ci tədris ilindən etibarən 10 və 11-ci siniflər üzrə şagird qəbulu həyata keçiriləcək.
Təbliğat görüşlərinin növbəti günlərdə digər təhsil müəssisələrində də davam etdirilməsi nəzərdə tutulur. 🎯📖

🏅 Abşeron rayonu İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinin yetirməsindən qızıl uğur!

🏅 Abşeron rayonu İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinin yetirməsi, eyni zamanda Xırdalan şəhər 8 nömrəli tam orta ümumtəhsil məktəbinin şagirdi Süleymanlı Ramal növbəti uğuruna imza atıb.

Məktəblilərin Respublika İdman Olimpiadası çərçivəsində keçirilən yarışlarda güləş idman növü üzrə çıxış edən Ramal Süleymanlı bütün rəqiblərini geridə qoyaraq qızıl medal qazanıb.

👏 Şagirdimizi bu uğuru münasibətilə təbrik edir, gələcək yarışlarda ona yeni nailiyyətlər və parlaq qələbələr arzulayırıq!

Direktorların işə qəbulu üzrə elektron qeydiyyat başlayır

29 iyun 2026-cı il saat 11:00-dan etibarən direktor vəzifəsi vakant olan dövlət ümumi təhsil müəssisələrinə direktorların işə qəbulu prosesi üzrə elektron sənəd qəbulu mərhələsinə başlanılır. Namizədlər 6 iyul 2026-cı il saat 17:00-dək miq.edu.az/direktor linki vasitəsilə elektron qeydiyyatdan keçə bilərlər.

Proses Elm və Təhsil Nazirliyi tərəfindən mərkəzləşdirilmiş qaydada proqram təminatı vasitəsilə müsabiqə yolu ilə həyata keçirilir. Müsabiqə seçim və müsahibə mərhələsindən ibarət olacaq.

Seçim mərhələsində namizədlərin təqdim etdikləri məlumat və sənədlərin düzgünlüyü yoxlanılacaq. Bu mərhələni uğurla keçən namizədlər müsahibəyə dəvət olunacaqlar.
Namizədlər müsahibə mərhələsinə qaydalara müvafiq olaraq ardıcıllıq əsasında dəvət olunacaqlar.
Müsahibə mərhələsi Elm və Təhsil Nazirliyi tərəfindən yaradılmış müvafiq komissiyalar tərəfindən keçiriləcək.

Namizədlər müsahibədə liderlik və strateji idarəetmə, pedaqoji və tədris, idarəçilik və təşkilatçılıq, ünsiyyət və əlaqə, problemlərin həlli və qərarvermə, rəqəmsal və texnoloji, eləcə də sosial və emosional bacarıqları üzrə qiymətləndiriləcəklər.

Müsabiqənin nəticələri ilə hər bir namizəd “Şəxsi səhifə” vasitəsilə tanış ola biləcək.

Müsabiqədə uğur qazanan namizədlərlə əmək münasibətləri qüvvədə olan qanunvericiliyin tələblərinə uyğun olaraq rəsmiləşdiriləcək.

Elm və təhsil naziri Emin Əmrullayevin Xəzər TV, APA və Trend İnformasiya Agentliklərinə verdiyi müsahibədə Azərbaycan təhsil sistemində aparılan islahatlar, məktəbəqədər, ümumi, peşə və ali təhsilin inkişafı, tədrisin keyfiyyəti, rəqəmsallaşma, gələcəyin təhsil modeli və digər aktual məsələlər müzakirə olunub.

Nazir həmçinin müəllimlərin sertifikatlaşdırılması, məktəblərin rasionallaşdırılması, repetitorluq, dərsliklərin məzmunu, süni intellektin təhsildə tətbiqi və təhsildə keyfiyyətin artırılması istiqamətində görülən işlər barədə fikirlərini bölüşüb.

Ətraflı: ⤵️
https://www.youtube.com/watch?v=x9xIH21tk7g
https://az.trend.az/azerbaijan/society/4200459.html
https://apa.az/elm-ve-tehsil/emin-emrullayev-azerbaycan-tehsilinde-en-cetin-isle-mesgul-olanlar-muellimlerdir-onlarin-ehtiyaclarini-anlamaq-vacibdir-musahibe-975180

23 iyun – Dövlət Qulluqçularının Peşə Bayramı Günü münasibətilə ölkəmizin inkişafına, vətəndaşlara keyfiyyətli xidmətin göstərilməsinə, eləcə də elm və təhsil sahəsində həyata keçirilən islahatların uğurla davam etdirilməsinə töhfə verən dövlət qulluqçularını təbrik edir, onlara məsul və şərəfli fəaliyyətlərində yeni uğurlar arzulayırıq!

İyunun 22-də Sumqayıt Dövlət Universitetində Sumqayıt şəhəri Təbiət Elmləri Təmayüllü Gimnaziyanın ali təhsil müəssisələrinə qəbul imtahanlarında yüksək bal toplamış bir qrup şagirdləri ilə görüş keçirilib.

Tədbirdə Abşeron-Xızı Regional Təhsil İdarəsinin müdiri İlhamə Abdullayeva, Sumqayıt Dövlət Universitetinin rektoru, professor Nurəli Yusifbəyli, gimnaziyanın rəhbərliyi və yüksək nəticə göstərmiş şagirdlər iştirak ediblər.

Görüş zamanı şagirdlərin əldə etdikləri uğurlar yüksək qiymətləndirilib, onların gələcək təhsil və karyera hədəfləri ətrafında fikir mübadiləsi aparılıb. Çıxışlarda orta və ali təhsil müəssisələri arasında əməkdaşlığın əhəmiyyəti vurğulanıb, gənclərin elmi və akademik inkişafının dəstəklənməsinin vacibliyi qeyd olunub.