Sumqayıt şəhər 11 nömrəli tam orta məktəb

Məktəbimizin 9-cu sinif şagirdi Abbaslı Barış, may ayında Varşavada keçirilən beynəlxalq fəlsəfə olimpiadasında iştirak edib. Onun bu beynəlxalq uğuru, fəlsəfəyə olan dərin marağının, zəhmətinin və düşüncəsinin yüksək göstəricisidir.Bu təcrübə və uğur Barışın həm şəxsi inkişafında, həm də məktəbimiz üçün yeni bir ilham qaynağıdır. Qürurla ,təbrik edir uğurlarının davamını diləyirik

18 may-18 iyun İnsan hüquqları aylığı ilə əlaqədar olaraq VI c sinfində sinif rəhbəri MəmmədovaYeganə tərəfindən maarifləndirici dərs keçirildi.

Məktəbimizin IX sinfində “Dayanıqlı inkişaf” mövzusunda məlumatlandırıcı seminar keçirilib.

Seminarda dayanıqlı inkişafın əhəmiyyəti, ətraf mühitin qorunması, resurslardan səmərəli istifadə və gələcək nəsillər üçün sağlam mühitin formalaşdırılması barədə iştirakçılara ətraflı məlumat verilib.

Şagirdlər mövzu ətrafında fikir mübadiləsi apararaq maarifləndirici məlumatlar əldə ediblər.

Məktəbimizdə coğrafiya müəllimi Zeynalova Aynur tərəfindən 7b sinfində “Vergi mədəniyyəti” mövzusunda maarifləndirici söhbət keçirilmişdir. Şagirdlərə verginin dövlətin inkişafındakı rolu, vətəndaşların vergi öhdəlikləri və vergi mədəniyyətinin formalaşdırılmasının əhəmiyyəti barədə məlumat verilmişdir. Görüş zamanı qanunlara hörmət, məsuliyyətli vətəndaşlıq mövqeyi və vergi ödəməyin cəmiyyətin rifahına verdiyi töhfələr diqqətə çatdırılmışdır.

02.06.2026- cı il tarixdə biologiya müəllimi Baxışova Aytən "Bullyoz və ixtioz "xəstəlikləri barəsində şagirdlərlə marifləndirici söhbət apardı.

Əziz şagirdlər, gününüz mübarək.

Məktəbimizdə 28 May – Respublika Gününə həsr olunmuş bilik yarışı keçirildi. Yarışın təşkil olunmasında əsas məqsəd şagirdlərdə vətənpərvərlik ruhunun, tariximizə və dövlətçilik ənənələrimizə marağın artırılması idi. Şagirdlər yarış boyunca müxtəlif mövzular üzrə bilik və bacarıqlarını nümayiş etdirərək yüksək fəallıq göstərdilər.
Tədbirin təşkilatçısı və sinif rəhbəri Şəfiyeva Afət müəllim şagirdlərin hazırlığında xüsusi zəhmət göstərərək yarışın maraqlı və yadda qalan şəkildə keçirilməsinə nail oldu. İştirak edən komandalar arasında sağlam rəqabət və yüksək komanda ruhu müşahidə edildi.
Maraqlı mübarizə şəraitində keçən yarışın qalibi “Zəka” komandası oldu. Qalib komanda öz bilik səviyyəsi, çevik düşüncə qabiliyyəti və komanda işi ilə fərqlənərək hamının rəğbətini qazandı.
Sonda qaliblər təbrik edildi, iştirakçılara isə uğurlar arzulandı.

4d sinif şagirdimiz Aylin Göyüşlü EOC English Olympiad Center tərəfindən təşkil olunan ingilis dili olimpiadalarında yüksək nəticə göstərərək:
🥇 “Əlaqə” English Olympiad müsabiqəsində I yerə,
🥉 “English Cup” English Olympiad müsabiqəsində isə III yerə layiq görülmüşdür.
Şagirdimizi bu uğurları münasibətilə təbrik edir, gələcək təhsil həyatında daha böyük nailiyyətlər arzulayırıq!

Sumqayıt şəhəri 11 nömrəli tam orta məktəbin 5 C sinif şagirdi Gülnur Kəriimli Stolüstü tennis üzrə Özbəkistanda keçirilən növbəti beynəlxalq yarışda etimadı doğruldub. Andijan şəhərində məşhur stolüstü tennisçi Rafik Şiriyevin xatirəsinə həsr olunan ənənəvi turnirdə yalnız finalda uduzan Gülnur Kərimli (U 11) yarışda ikinci yeri qazanıb.