Qubadlı rayon C.Ə.Həşimov adına Mərdanlı kənd tam orta məktəbi

Məktəbimizin VII sinif şagirdləri vətənimizin ərazi bütövlüyü və müstəqilliyi uğrunda canlarından keçmiş şəhidlərin əziz xatirəsini dərin ehtiram və minnətdarlıq hissi ilə yad etmək məqsədi ilə Şəhidlər Xiyabanını ziyarət etmişlər.Qəhrəmanlarımızın xatirəsi hər bir azərbaycanlının qəlbində əbədi yaşayacaqdır.

Qubadlı rayon C.Ə.Həşimov adına Mərdanlı kənd tam orta məktəbinin 9a sinif şagirdi Mirzəli Eyyub ölkə üzrə gənclər arasında keçirilən taekvondo yarışında III yer tutmuşdur.Şagirdimizi təbrik edirik!

Məktəbimizin VIII sinif şagirdi Jalə Qocayeva Dekabrın 27-də 14 yaşadək cüdoçular arasında Azərbaycan birinciliyində III yerə layiq görülmüşdür. Şagirdimizi təbrik edir, uğurlar arzulıyırıq

Bu gün Azərbaycan Respublikasının Prezidenti cənab İlham Əliyevin doğum günüdür.

Dövlətimizin başçısını doğum günü münasibətilə ürəkdən təbrik edir, ona möhkəm cansağlığı, uzun ömür, ölkəmizin davamlı inkişafı və Azərbaycan xalqının rifahı naminə fəaliyyətində yeni-yeni uğurlar və nailiyyətlər arzulayırıq.

“Məktəbin psixoloqu Ağayeva Sevda tərəfindən gender bərabərliyi mövzusunda maarifləndirici söhbət aparıldı.Şagirdlər mövzuya böyük maraq göstərərək sual-cavabda fəal iştirak etdilər, öz fikirlərini sərbəst şəkildə bildirdilər. Nəticə olaraq, söhbət uşaqların gender rolları barədə düzgün psixoloji təsəvvürlər əldə etməsinə və sosial münasibətlərdə bərabərlik prinsipini dərk etməsi imkanı yaratdı.

Məktəbin psixoloqu Ağayeva Sevda tərəfindən "Erkən nigaha yox deyək" maarifləndirici söhbət aparıldı.Şagirdlərə erkən nikahın psixoloji,sosial və təhsil baxımından fəsadları barədə məlumat verildi. Şagirdlərə sağlam qərarlar verməyin və gələcəklərini qorumağın,hüquqlarını və özünü tanımağın vacibliyi izah edildi.Erkən nikah yalnız fərdi deyil, cəmiyyət üçün də ciddi sosial problemlər yaradır.
Belə maarifləndirici söhbətlərin təşkili uşaqların gələcək həyatlarını təhlükəsiz və sağlam şəkildə planlamasına dəstək olur.Məqsəd şagirdləri güclü, müstəqil və sağlam gələcək qura biləcək vətəndaşlar kimi yetişdirməkdir.

Bəxtiyar Vahabzadənin 100 illiyi münasibətilə məktəbimizdə Azərbaycan dili və Ədəbiyyat müəllimi Alıbəyli Leyla tərəfindən bədii gecə keçirildi. Tədbirdə şairin həyat və yaradıcılığı haqqında məlumat verildi, şagirdlər tərəfindən sənətkarın şeirləri səsləndirildi, səhnəciklər nümayiş etdirildi. Gecədə şairin sözlərinə yazılmış mahnılar səsləndirildi. Tədbirin sonunda məktəbin direktoru K.Kərimova çıxış etdi .

Ulu Öndər Heydər Əliyevin Anım Gününə Həsr Olunmuş Dəyirmi Masa Keçirildi.

Ulu öndər Heydər Əliyevin anım günü ilə bağlı təsdiq olunmuş tədbirlər planına əsasən məktəbimizin VIII a sinifində dəyirmi masa keçirildi. Tədbirin məqsədi Azərbaycan xalqının ümummilli liderinin həyat və fəaliyyətini şagirdlərə daha dərindən tanıtmaq, onun dövlətçiliyimizin inkişafı naminə göstərdiyi xidmətləri gənc nəslin yaddaşında daha da möhkəmləndirmək idi.
Tədbir zamanı Ulu Öndərin uşaqlara olan qayğısı, təhsilə verdiyi xüsusi önəm, eləcə də müstəqil Azərbaycanın qurulmasında misilsiz rolu haqqında ətraflı məlumat verildi.
Sonda müəllim Heydər Əliyevin əziz xatirəsinin Azərbaycan xalqının yaddaşında daim yaşayacağını, onun ideyalarının isə gənc nəslin tərbiyəsində mühüm istiqamət olduğunu vurğuladılar.

Dahi şəxsiyyət Heydər Əliyevin məzarı ziyarət olunub.
Dekabrın 10-da məktəb rəhbərliyi ilə 5"a" və 5"b" sinif şagirdləri Heydər Əliyevin məzarını ziyarət ediblər.
Məqsəd Ümummilli Liderin xatirəsini əbədiləşdirmək, Azərbaycançılıq məfkurəsinin geniş təbliği və şagirdlərdə vətənpərvərlik hislərinin gücləndirilməsidir.

“‘Narkomaniyaya yox deyək’ mövzusunda məktəbin psixoloqu Ağayeva Sevdanın iştirakı ilə şagirdlərlə birgə maarifləndirici söhbət aparıldı. Görüş zamanı narkomaniyanın nə olduğu, onun insan həyatına psixoloji və sosial zərərləri barədə ətraflı məlumat verildi və şagirdlərin fəal iştirakı ilə mövzu geniş müzakirə olundu.”

https://www.facebook.com/share/p/16cxDR4x5i/