Şəki rayonu İbrahimkənd kənd tam orta məktəbi

Şəki rayonu İbrahimkənd kənd tam orta məktəbi Təhsil müəssisəsi

Şəki rayonu İbrahimkənd kənd tam orta məktəbində riyaziyyat müəllimi Quliyeva Ceyran tərəfindən 5-ci sinifdə “Ədədi orta...
25/05/2026

Şəki rayonu İbrahimkənd kənd tam orta məktəbində riyaziyyat müəllimi Quliyeva Ceyran tərəfindən 5-ci sinifdə “Ədədi orta” mövzusunda açıq dərs keçirilmişdir.

Dərsdə şagirdlər mövzunu maraqlı və interaktiv fəaliyyətlər vasitəsilə öyrənmiş, müxtəlif çalışmalar üzərində işləyərək bilik və bacarıqlarını nümayiş etdirmişlər. Açıq dərsin məqsədi şagirdlərdə riyazi təfəkkürü inkişaf etdirmək və mövzunun praktik tətbiqini aşılamaq olmuşdur.

Açıq dərsdə Təlim-tərbiyə işləri üzrə direktor müavini Məhərrəmova Mirvari, məktəbin təşkilatçısı və riyaziyyat ixtisası üzrə fənn müəllimi Vəliyeva Ləman iştirak etmişlər.

Dərsin sonunda şagirdlərin fəallığı və müəllimin mövzunu təqdimetmə bacarığı yüksək qiymətləndirilmişdir.

Şəki rayon İbrahimkənd kənd tam orta məktəbində Riyaziyyat və İnformatika fənn aylığı çərçivəsində “Riyaziyyat həyatımız...
22/05/2026

Şəki rayon İbrahimkənd kənd tam orta məktəbində Riyaziyyat və İnformatika fənn aylığı çərçivəsində “Riyaziyyat həyatımızda” adlı yarışma təşkil olunmuşdur.

Yarışmada məktəbin 7, 8, 9 və 10-cu sinif şagirdləri iştirak etmiş, öz bilik və bacarıqlarını nümayiş etdirmişlər. Tədbirin təşkilində riyaziyyat fənn müəllimləri Quliyeva Ceyran, Vəliyeva Ləman və informatika fənn müəllimi Səlimli Sahilə fəal iştirak etmişlər.

Şagirdlər arasında keçirilən maraqlı tapşırıqlar, məntiqi suallar və komanda yarışları tədbirə xüsusi rəng qatmışdır. Yarışmanın əsas məqsədi şagirdlərdə riyazi düşüncə qabiliyyətinin inkişaf etdirilməsi, fənlərə marağın artırılması və onların asudə vaxtlarının səmərəli təşkili olmuşdur.

Münsiflər heyətində məktəbin təlim-tərbiyə işləri üzrə direktor müavini Mirvari Məhərrəmova, həmkarlar təşkilatının sədri Məhərrəmov Ayaz, fizika müəllimi Abdullayeva Aygün və coğrafiya müəllimi Zamanlı Sadiq iştirak etmişlər.

Sonda fərqlənən şagirdlər mükafatlandırılmış, iştirakçılara uğurlar arzulanmışdır.

Məktəbin coğrafiya müəllimi Zamanlı Sadiq tərəfindən 9-cu sinif şagirdləri üçün “Sağlamlıq və şəxsi gigiyena qaydaları” ...
22/05/2026

Məktəbin coğrafiya müəllimi Zamanlı Sadiq tərəfindən 9-cu sinif şagirdləri üçün “Sağlamlıq və şəxsi gigiyena qaydaları” mövzusunda məlumatverici dərs keçirilmişdir.

Dərs zamanı şagirdlərə sağlam həyat tərzinin əhəmiyyəti, gündəlik gigiyena qaydalarına düzgün əməl olunması, sağlam qidalanma və şəxsi təmizliyin insan sağlamlığındakı rolu barədə ətraflı məlumat verilmişdir.

Şagirdlərin mövzuya marağı nəzərə alınaraq qarşılıqlı fikir mübadiləsi aparılmış, onların sualları cavablandırılmışdır. Keçirilən dərs şagirdlərin sağlamlıq mövzusunda maariflənməsinə və gigiyenik vərdişlərinin formalaşmasına töhfə vermək xarakteri daşıyır.

21.05.2026-cı il tarixində Şəki rayonu İbrahimkənd kənd tam orta məktəbində informatika müəllimi Sahilə Səlimli tərəfind...
21/05/2026

21.05.2026-cı il tarixində Şəki rayonu İbrahimkənd kənd tam orta məktəbində informatika müəllimi Sahilə Səlimli tərəfindən müəllimlər üçün “Süni İntellektdən düzgün və səmərəli istifadə” mövzusunda ustad dərs keçirilmişdir.

Ustad dərs zamanı süni intellekt alətlərinin tədris prosesində tətbiqi, dərs planlarının hazırlanması, qiymətləndirmə və resurslardan daha effektiv istifadə yolları haqqında ətraflı məlumat verilmişdir. Müəllimlərlə praktiki nümunələr üzərində fikir mübadiləsi aparılmış, süni intellektin təhsildə yaratdığı imkanlar müzakirə edilmişdir.

Tədbirin əsas məqsədi müəllimlərin rəqəmsal bacarıqlarının inkişaf etdirilməsi və müasir texnologiyalardan tədrisdə düzgün istifadənin təşviq olunması olmuşdur.

18/05/2026

Şəki rayonu İbrahimkənd kənd tam orta məktəbin nəzdində fəaliyyət göstərən icma qrupu barədə məktəbin direktoru Cəlal Bayramov ictimaiyyətə məlumat vermişdir.

Bildirilib ki, məktəbdə fəaliyyət göstərən icma qrupu çərçivəsində 3–5 yaşlı uşaqların erkən inkişafı və məktəbə hazırlığı istiqamətində işlər həyata keçirilir. Bu təşəbbüs uşaqların sosial, emosional və ilkin təhsil bacarıqlarının formalaşdırılmasına dəstək məqsədi daşıyır.

Qeyd olunub ki, icma qrupunun əsas məqsədi məktəb–valideyn–icma əməkdaşlığını gücləndirmək, uşaqlar üçün daha sağlam və inkişafyönümlü təhsil mühiti yaratmaqdır.

Şəki rayonu İbrahimkənd kənd tam orta məktəbinin 6-cı sinfində Azərbaycan dili fənni üzrə “Xəbər vəzifəsində olan feillə...
30/04/2026

Şəki rayonu İbrahimkənd kənd tam orta məktəbinin 6-cı sinfində Azərbaycan dili fənni üzrə “Xəbər vəzifəsində olan feillərin deyilişi və yazılışı” mövzusunda nümunəvi dərs təşkil olunmuşdur. Dərs Mustafayeva Rəxşəndə müəllimin rəhbərliyi ilə interaktiv şəkildə keçirilmiş, şagirdlərin aktivliyi və marağı ilə seçilmişdir. Məşğələnin məqsədi feillərin xəbər vəzifəsində işlənmə xüsusiyyətlərini şagirdlərə aydın şəkildə çatdırmaq, düzgün tələffüz və yazı vərdişlərini inkişaf etdirmək olmuşdur. Bu tip dərslər şagirdlərin dil biliklərini dərinləşdirərək onların savadlı və düzgün nitq formalaşdırmasına müsbət təsir göstərir.

Şəki rayonu İbrahimkənd kənd tam orta məktəbinin 7-ci sinfində texnologiya fənni üzrə “Ətin mexaniki emalı texnologiyası...
30/04/2026

Şəki rayonu İbrahimkənd kənd tam orta məktəbinin 7-ci sinfində texnologiya fənni üzrə “Ətin mexaniki emalı texnologiyası” mövzusunda açıq dərs keçirilmişdir.

Dərs Nəbiyeva Vüsalə müəllimin təşkilatçılığı ilə şagirdlərin fəal iştirakı şəraitində baş tutmuşdur. Dərsin əsas məqsədi şagirdlərə ətin emalı proseslərini öyrətmək, praktik bacarıqlarını inkişaf etdirmək və qida təhlükəsizliyi qaydaları haqqında məlumatlandırmaq olmuşdur.
Dərsin sonunda güclü və inkişafa ehtiyac olan hissələr müzakirə olunmuşdur.

“Ana dilini necə bilirik?” adlı intellektual yarış keçirilmişdir.28 aprel 2026-cı il tarixində Şəki rayon İbrahimkənd kə...
29/04/2026

“Ana dilini necə bilirik?” adlı intellektual yarış keçirilmişdir.

28 aprel 2026-cı il tarixində Şəki rayon İbrahimkənd kənd tam orta məktəbinin Azərbaycan dili və ədəbiyyat müəllimləri Məhyəddinova Xatirə və Mustafayeva Rəxşəndənin təşkilatçılığı ilə Azərbaycan dili fənn aylığı çərçivəsində hər sinifdən şagirdlər seçilərək komandalar yaradılmış, 25 sualdan ibarət yarış turu keçirilmişdir.

Yarışın məqsədi şagirdlərin ana dilinə marağını artırmaq, dil biliklərini möhkəmləndirmək və sağlam rəqabət mühiti formalaşdırmaq olmuşdur.
Gərgin və maraqlı mübarizə şəraitində keçən yarışın sonunda qalib komanda müəyyən olunmuş, onlara fəxri fərman və hədiyyələr təqdim edilmişdir.

28 aprel 2026-cı il tarixində Şəki rayonu İbrahimkənd kənd tam orta ümumtəhsil məktəbində pedaqoji heyətlə “Əməyin mühaf...
28/04/2026

28 aprel 2026-cı il tarixində Şəki rayonu İbrahimkənd kənd tam orta ümumtəhsil məktəbində pedaqoji heyətlə “Əməyin mühafizəsi, şagirdlərin sağlamlığı və təhlükəsizliyi” mövzusunda müzakirə aparılmışdır.

Görüş zamanı təhsil mühitində təhlükəsizliyin təmin olunması, fövqəladə hallara hazırlıq, şagirdlərin sağlamlığının qorunması, məktəbdaxili nizam-intizam və risklərin qarşısının alınması ilə bağlı vacib məsələlər diqqətə çatdırılmışdır.

Müzakirə çərçivəsində müəllimlərə təhlükəsizlik qaydalarına riayət olunması, dərs prosesində şagirdlərin sağlamlığının qorunması, məktəb ərazisində nəzarətin gücləndirilməsi və maarifləndirici işlərin davamlı aparılması ilə bağlı bir sıra tapşırıqlar verilmişdir. Qeyd olunmuşdur ki, təhlükəsiz və sağlam təhsil mühitinin formalaşdırılması pedaqoji kollektivin birgə məsuliyyəti olmaqla daim diqqətdə saxlanılmalıdır.

Bu istiqamətdə görüşlərin davamlı olaraq valideynlərlə də keçirilməsi nəzərdə tutulmuşdur.

08 aprel 2026-cı il tarixində Şəki rayon İbrahimkənd kənd tam orta məktəbin riyaziyyat müəllimi Vəliyeva Ləman Nazim qız...
08/04/2026

08 aprel 2026-cı il tarixində Şəki rayon İbrahimkənd kənd tam orta məktəbin riyaziyyat müəllimi Vəliyeva Ləman Nazim qızının 7-ci sinifdə “İkidəyişənli xətti tənliklər sisteminin toplama üsulu ilə həlli” mövzusunda açıq dərsi keçirilmişdir.

Dərs müasir təlim metodları əsasında təşkil olunmuş, şagirdlərin fəallığı və mövzuya marağı ilə yadda qalmışdır. Müəllim tərəfindən şagirdlərin məntiqi təfəkkürünün inkişafına, problem həll etmə bacarıqlarının formalaşdırılmasına və əməkdaşlıq mühitinin yaradılmasına xüsusi diqqət yetirilmişdir. Tapşırıqlar fərdi, cüt və qrup işləri formasında təşkil olunmuş, nəticələrin müzakirəsi aparılmışdır.

Dərsin məqsədləri:
• İkidəyişənli xətti tənliklər sisteminin mahiyyətini izah etmək
• Toplama üsulunun tətbiq qaydalarını şagirdlərə öyrətmək
• Tənliklər sistemini toplama üsulu ilə həll etmə bacarığı formalaşdırmaq
• Riyazi məntiq və analitik düşünmə qabiliyyətini inkişaf etdirmək
• Şagirdlərdə əməkdaşlıq, müzakirə və təqdimetmə bacarıqlarını gücləndirmək
• Mövzunun gündəlik həyatla əlaqəsini quraraq tətbiqi məsələləri həll etmək

Açıq dərs metodiki baxımdan səmərəli təşkil olunmuş və iştirakçılar tərəfindən müsbət qiymətləndirilmişdir.

Address

Sheki

Opening Hours

Monday 08:30 - 17:00
Tuesday 08:30 - 17:00
Wednesday 08:30 - 17:00
Thursday 08:30 - 17:00
Friday 08:30 - 17:00

Telephone

+994242491612

Website

Alerts

Be the first to know and let us send you an email when Şəki rayonu İbrahimkənd kənd tam orta məktəbi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Şəki rayonu İbrahimkənd kənd tam orta məktəbi:

Shortcuts

Share

Category