15/09/2026
📌14 .09.2026-cı il tarixində pedaqoji şura iclası keçirilmişdir.
İclasda lisey rəhbərliyi və kollektivi iştirak etmişdir.
Azərbaycan Respublikasının Dövlət Himni səsləndirilmiş, torpaqlarımız uğrunda canlarından keçən Şəhidlərimizin əziz xatirəsi bir dəqiqəlik sükutla yad edilmişdir.
Lisey direktoru Elmir Məmmədəliyev yeni tədris ilində qarşıda duran əsas vəzifələrdən, tədris prosesinin səmərəli təşkili, təhsilin keyfiyyətinin yüksəldilməsi, şagirdlərin hərtərəfli inkişafı və məktəb–müəllim–şagird–valideyn əməkdaşlığının düzgün qurulmasının vacibliyindən danışıb. Direktor təhlükəsiz və sağlam təlim mühitinin təmin edilməsi, şagirdlərin davamiyyət və davranışına nəzarətin gücləndirilməsi istiqamətində qarşıda duran məsələləri də diqqətə çatdırıb.
İclasda yeni tədris ilində təlim prosesinin təşkili, müəllimlərin fəaliyyətinin əlaqələndirilməsi, şagird nailiyyətlərinin yüksəldilməsi, davamiyyət və nizam-intizam məsələləri ilə bağlı qarşıda duran vəzifələr müzakirə olunub. Tədris prosesinin daha səmərəli təşkili və təhsilin keyfiyyətinin artırılması istiqamətində fikir mübadiləsi aparılıb.
Liset psixoloqu tərəfindən şagirdlərin yaş xüsusiyyətlərinin nəzərə alınması, onların məktəb mühitinə psixoloji uyğunlaşması, psixoloji xidmətin səmərəli təşkili və müəllim–şagird münasibətlərinin düzgün qurulmasının əhəmiyyəti vurğulanmışdır.
İclasın sonunda qarşıda duran məsələlərlə bağlı müvafiq qərarlar qəbul edilmiş və 2026–2027-ci tədris ilində fəaliyyətin daha səmərəli təşkili istiqamətində prioritetlər müəyyənləşdirilmişdir.
