Şəki rayon Köbər Zəyzid kənd tam orta məktəbi

16/06/2026

15/06/2026

Bu gün Azərbaycan Respublikasının Milli Qəhrəmanı Çingiz Mustafayevin şəhid olamasının 34-cü il dönümdür.
Tarixi lentə alan,özü tarixə yazılan qəhrəman.
Allah bütün şəhidlərimizə rəhmət eləsin.

13/06/2026

“Son Zəng” tədbiri keçirilib
13 iyun 2026-cı il tarixində Şəki rayon Köbər Zəyzid kənd tam orta ümumtəhsil məktəbində 2025–2026-cı tədris ilinin başa çatması və XI sinif şagirdlərinin məktəb həyatı ilə vidalaşması münasibətilə “Son Zəng” tədbiri keçirilib.
Tədbirdə məktəb rəhbərliyi, müəllimlər, valideynlər, şagirdlər və dəvət olunmuş qonaqlar iştirak ediblər. Azərbaycan Respublikasının Dövlət Himninin səsləndirilməsi ilə başlayan tədbirdə ölkəmizin ərazi bütövlüyü və suverenliyi uğrunda canından keçmiş şəhidlərimizin əziz xatirəsi ehtiramla yad olunub. Çıxış edənlər məzunları məktəb həyatının uğurla başa çatması münasibətilə təbrik edib, onlara qarşıdakı imtahanlarda və müstəqil həyat yollarında uğurlar arzulayıblar. Bildirilib ki, məktəb illəri hər bir insanın həyatında mühüm mərhələdir. Bu illər ərzində şagirdlər yalnız bilik və bacarıqlar qazanmır, həm də vətənpərvərlik, məsuliyyət, əməksevərlik, dostluq, hörmət və insanlıq kimi dəyərlərə yiyələnirlər. Tədbirdə çıxış edən məktəb rəhbərliyi 11 il ərzində şagirdlərin təlim-tərbiyəsində zəhməti olan müəllimlərə, övladlarının təhsilinə dəstək göstərən valideynlərə təşəkkürünü bildirib. Qeyd olunub ki, məzunların gələcəkdə layiqli vətəndaş, savadlı mütəxəssis və cəmiyyət üçün faydalı şəxsiyyət kimi formalaşması məktəb kollektivinin əsas arzularındandır. “Son Zəng” tədbiri şagirdlərin bədii çıxışları, musiqi nömrələri və 11-ci sinif məzunlarının hazırladıqları təqdimatlarla davam edib. Məzunlar müəllimlərinə minnətdarlıqlarını ifadə edərək məktəb illəri ilə bağlı xatirələrini bölüşüblər. Sonda “Son Zəng” səsləndirilib və məzunlar üçün unudulmaz anlar yaşanıb.
Əziz məzunlar, yolunuz açıq, gələcəyiniz parlaq olsun!

12/06/2026

Əmək fəaliyyətinin yaş həddinin başa çatması ilə əlaqədar tədbir keçirildi.
Məktəbimizin uzun illər səmərəli fəaliyyət göstərmiş riyaziyyat müəllimi İradə Əliyevanın əmək fəaliyyətinin yaş həddinin başa çatması ilə əlaqədar tədbir keçirildi. Tədbirdə məktəb rəhbərliyi, müəllimlər və kollektiv üzvləri iştirak edərək İradə müəllimin təhsil sahəsində göstərdiyi xidmətləri, peşəkarlığını və kollektivdə qazandığı hörmət və nüfuzu xüsusi vurğuladılar.
Çıxış edənlər onun uzun illər ərzində məktəbin inkişafına verdiyi töhfələrdən danışaraq gələcək həyatında sağlamlıq, xoşbəxtlik və uğurlar arzuladılar. Tədbirin sonunda müəllimə ETİHİ Şəki Şəhər Komitəsinin xatirə hədiyyəsi təqdim olundu, ona minnətdarlıq ifadə edilərək səmimi təşəkkürlər çatdırıldı.
Belə dəyərli insanların zəhməti və fəaliyyəti hər zaman hörmətlə xatırlanacaq və gənc nəslə örnək olacaqdır. 🌹