Şəmkir rayonu Düyərli kəndi 2 nömrəli tam orta ümumtəhsil məktəbi

18/12/2025

Allah rəhmət eləsin!

Şəmkir ictimaiyyətinə ağır itki üz verib… 🥀

Dərin hüzn və kədər hissi ilə bildiririk ki, uzun illər səmərəli fəaliyyəti ilə rayonumuzun ictimai, təhsil və idarəçilik həyatında yaxından iştirak etmiş Allahverən müəllim dünyasını dəyişib.

ℹ️ Allahverən İsrafil oğlu Alırzayev 16 mart 1937-ci ildə rayonunun kəndində anadan olmuşdur.

1960-cı ildə Nəsrəddin Tusi adına Azərbaycan Dövlət Pedaqoji Universitetinin "Tarix-filologiya" fakültəsini əyani, 1993-cü ildə isə Azərbaycan Dövlət Aqrar Universitetinin "Meyvə-tərəvəzçilik və üzümçülük" fakültəsini qiyabi bitirmişdir.

Əmək fəaliyyətinə başladığı illərdən etibarən rayonumuzda partiya-sovet, təsərrüfat, maarif və mədəniyyət orqanlarında müxtəlif məsul vəzifələrdə çalışmışdır.
O, Düyərli kənd orta məktəbində ixtisası üzrə müəllim, rayon Partiya Komitəsində təlimatçı, rayon Mədəniyyət şöbəsinin müdiri, Şəmkir Xalq Deputatları Soveti İcraiyyə Komitəsinin katibi, rayon Xalq Maarif şöbəsində inspektor, Düyərli kənd sovxoz Partiya Komitəsinin katibi, sovxoz direktoru, Qaçqın və Məcburi Köçkünlərlə İş üzrə Respublika Komitəsinin Şəmkir rayonu üzrə nümayəndəsi, həmçinin Şəmkir rayon İcra Hakimiyyəti başçısının Düyərli kənd İnzibati Ərazi Dairəsi üzrə nümayəndəsi vəzifələrində işləmişdir.

Allahverən müəllim müəllimlik fəaliyyəti dövründə qabaqcıl pedaqoq kimi fərqlənmiş, şəkli Siyasi Maarif Evində Şərəf lövhəsində asılmışdır.

Hansı vəzifədə çalışmasından asılı olmayaraq, yüksək məsuliyyət hissi, səmimiyyəti və insanlara qayğıkeş münasibəti onun əsas xarakter xüsusiyyətləri olmuşdur. O, hər kəslə açıq və mehriban ünsiyyət qurur, əməkdaşlarının problemlərinə biganə qalmırdı.

Rayonun Tatarlı kəndindən (Zəyəm çayından) Düyərli kəndinə içməli su xəttinin çəkilməsində, eləcə də kənddə xəstəxananın açılmasının təşkilində Allahverən müəllimin böyük əməyi olmuşdur.

Mərhum 5 övlad atası idi və bütün övladlarına ali təhsil vermişdir.

Allahverən müəllim uzun illər səmimi fəaliyyəti, xeyirxahlığı və xidmətləri ilə yaddaşlarda qalacaq. Allahdan rəhmət diləyir, ailə üzvlərinə və yaxınlarına dərin hüznlə başsağlığı veririk. 🥀🙏🏻

©️ Şəmkir 57

17/12/2025

17.12.2025 ci il tarixdə Düyərli kənd 2 nömrəli tam orta ümumtəhsil məktəbində,məktəbin biologiya müəllimi N.Müşafərim tərəfindən “Gender bərabərsizliyi” mövzusunda tədbir keçirilib.
Gender bərabərliyi — cinsi bərabərlik və ya cinslərin bərabərliyi kimi də tanınır. Gender bərabərliyi, iqtisadi iştirak və qərarların qəbulu da daxil olmaqla, cinsindən asılı olmayaraq resurslara və imkanlara bərabər çıxış asanlığı vəziyyətidir. Eyni zamanda cinsindən asılı olmayaraq müxtəlif davranışları, istəkləri və ehtiyacları bərabər qiymətləndirmə vəziyyəti sayılır.

12/12/2025

12 dekabr Şəmkir rayon Düyərli kənd 2 nömrəli tam orta ümumtəhsil məktəbinin müəllim kollektivi Ulu Öndər Heydər Əliyevin Anım Günü münasibətilə onun abidəsini ziyarət etdilər.

Müəllimlər abidənin önünə gül dəstələri qoyaraq, Ümummilli Liderin əziz xatirəsinə dərin ehtiramlarını ifadə etdilər. Ziyarət zamanı Ulu Öndərin Azərbaycan dövlətçiliyinin möhkəmlənməsində və ölkəmizin inkişafında oynadığı misilsiz rol bir daha böyük hörmətlə anıldı.

Heydər Əliyevin əziz xatirəsi hər zaman uca tutulacaq.

10/11/2025

10 a sinfinin şagirdləri və sinif rəhbəri Alırzayeva Rəmziyyə Allahverən qızının təşkilatçılığı ilə 8 Noyabr-Zəfər Gününə həsr etdikləri videoçarx. Əməyinizə sağlıq🇦🇿🇦🇿🇦🇿❤️❤️❤️

10/11/2025

Nə gözəl sürpriz👍😍 8b sinfinin şagirdləri sinif rəhbəri İsmayılova Mənzər Şamil qızı ilə birlikdə 8 Noyabr-Zəfər Günü münasibətilə məktəbimiz üçün təşkil etdikləri əl işi-“Xarı Bülbül” Əməyinizə sağlıq, çoox gözəl alınıb🇦🇿🌺😍👏❤️🇦🇿

09/11/2025

9 Noyabr kəndimizin igid oğlu, Vətən müharibəsinin ilk könüllülərindən biri olan Şəhid Əliyev Rövşənin şəhadətinin ildönümüdür.
Rövşən Əliyev 2020-ci ildə çağırışı gözləmədən, könüllü olaraq Vətən torpaqlarının müdafiəsinə yollanmış və Füzuli, Hadrut, Qubadlı, Zəngilan və Ağdam rayonlarının azad olunmasında qəhrəmanlıq göstərmişdir.

Şuşa istiqamətində gedən döyüşlər zamanı düşmən mühasirəsinə düşərək 4 saat ərzində döyüş yoldaşları ilə birlikdə müqavimət göstərmiş, iki silahdaşını xilas etmiş, lakin özü qəhrəmancasına şəhid olmuşdur.

Onun mərdliyi, fədakarlığı və Vətən sevgisi hər birimizin qəlbində əbədi yaşayacaq.
Rövşən Əliyev kimi igidlərin sayəsində bu gün biz azad və başıuca yaşayırıq.
Rövşən Əliyevin ruhu qarşısında baş əyir, bütün şəhidlərimizi dərin ehtiramla anırıq.
Ruhun şad olsun, qəhrəman!

07/11/2025

Zəfər günü ilə bağlı məktəbimizdə silsilə tədbirlər keçirildi

07/11/2025

📌06.11.2025-ci il tarixində Şəmkir rayon Düyərli kənd 2 nömrəli tam orta ümumtəhsil məktəbində 4-cü sinif şagirdləri arasında monitorinq keçirilib. Monitorinqin məqsədi şagirdlərin fənlər üzrə bilik və bacarıqlarının qiymətləndirilməsi, həmçinin tədris prosesində əldə olunan nəticələrin təhlil olunması olub. Keçirilən monitorinq zamanı şagirdlərin fəallığı və diqqəti müşahidə olunub. Nəticələr əsasında fənn müəllimlərinə müvafiq təklif və tövsiyələrin verilməsi planlaşdırılır.

07/11/2025

“Zəfərlər yaraşan Azərbaycanım”

Şəmkir rayon Düyərli kənd 2 nömrəli tam orta ümumtəhsil məktəbində 8 Noyabr – Zəfər Günü münasibətilə “Zəfərin mübarək Azərbaycan ” adlı tədbir təşkil olunub.

Tədbir Azərbaycan Respublikasının Dövlət Himninin səsləndirilməsi və şəhidlərin xatirəsinin bir dəqiqəlik sükutla yad edilməsi ilə başlanıb. Çıxış edənlər qeyd ediblər ki, 8 Noyabr Azərbaycan xalqının tarixində qürur və iftixar günüdür. Müzəffər Ali Baş Komandan İlham Əliyevin uzaqgörən siyasəti, rəşadətli Azərbaycan Ordusunun igidliyi və şəhidlərimizin canı, qanı bahasına bu Zəfər qazanılıb.
Tədbir çərçivəsində şagirdlər vətənpərvərlik mövzusunda şeirlər səsləndirib, “Zəfərin mübarək Azərbaycan” adlı bədii kompozisiya nümayiş edib, rəqslər ifa ediblər. Tədbir iştirakçılarında dərin vətənpərvərlik duyğuları oyadan çıxışlar və səhnə nömrələri böyük maraqla qarşılanıb.

03/11/2025

🔊 Respublika Fənn Olimpiadalarına qeydiyyat başlayır!

🔗Ətraflı: https://shorturl.at/LQH2v

03/11/2025

Məktəbdə şagirdlər arasında sağlamlıq sorğusu keçirildi. Bu cür sorğular məktəbdə ildə iki dəfə keçirilir.
Sorğunun keçirilməsində məqsəd şagirdlərin fiziki və psixoloji sağlamlığını təşviq etmək, nəticəyə uyğun olaraq onların rifahını təmin etmək, məktəbdə sağlam mühit yaratmaqdan ibarətdir.