Goranboy rayonu Qırıxlı kənd R.Qasımov adına tam orta məktəb

13/06/2026

🔔🎓 SON ZƏNG – 2026 🎓🔔
13 iyun 2026-cı il tarixində Goranboy rayonu R.Qasımov adına Qırıqlı kənd tam orta ümumtəhsil məktəbində “Son Zəng” tədbiri böyük coşqu və yüksək əhval-ruhiyyə ilə keçirildi.
Tədbir Azərbaycan Respublikasının Dövlət Himninin səsləndirilməsi ilə başladı, Vətənimizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edildi.
Tədbirdə Goranboy Rayon İcra Hakimiyyətinin başçısı Məhərrəm Quliyevin məzunlara ünvanladığı təbrik məktubu səsləndirildi.
Valideynlərin və məzunların çıxışları tədbirə xüsusi rəng qatdı. Məktəb rəhbərliyi tərəfindən təhsildə və ictimai fəaliyyətdə fərqlənən şagirdlərə fəxri fərmanlar təqdim olundu.
Həyəcanla gözlənilən Son Zəng səsləndirildi və məzunlar məktəb illəri ilə vidalaşdılar. Tədbirin sonunda xatirə şəkilləri çəkdirildi.
Elm və Təhsil Nazirliyi tərəfindən göndərilmiş müvafiq təlimata uyğun təşkil olunan tədbir yüksək səviyyədə başa çatdı.
Əziz məzunlar, sizə gələcək həyatınızda uğurlar, yeni nailiyyətlər və parlaq gələcək arzulayırıq!

09/06/2026

Gəncə-Daşkəsən regionunda 2026–2027-ci tədris ili üzrə təmayül tədris modelinin tətbiq ediləcəyi ümumi təhsil müəssisələrinə şagird qəbulu elan olunur.

Layihəyə hazırda ümumtəhsil məktəblərinin IX və X siniflərində təhsil alan şagirdlər müraciət edə bilərlər.

ℹ️ Təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir. Layihə çərçivəsində ali təhsil müəssisələrinə hazırlıq prosesi birbaşa məktəb mühitində həyata keçirilir. Qəbul proqramına uyğun planlaşdırılmış tədris prosesi, intensiv dərslər və məqsədyönlü akademik dəstək şagirdlərin zəruri bilik və bacarıqları məktəb daxilində əldə etməsinə imkan yaradır.

Gəncə-Daşkəsən Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu elan edilir.

Gəncə şəhər M.Ə.Sabir adına 5 nömrəli tam orta ümumtəhsil məktəbi
Gəncə şəhər N.Aydın 18 nömrəli tam orta ümumtəhsil məktəbi
Gəncə şəhər M.Füzuli adına 22 nömrəli tam orta ümumtəhsil məktəbi
Gəncə şəhər 9 nömrəli tam orta ümumtəhsil məktəbi
Goranboy şəhər 4 nömrəli tam orta ümumtəhsil məktəbi

Qeydiyyat üçün link

https://forms.gle/4BQ5D2tX5N4tBZMU6

Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.

Yeni təmayül tədris modelinin əsas üstünlükləri:
✅ Akademik nəticələrin yüksəldilməsinə yönəlmiş tədris mühiti;
✅ Abituriyent hazırlığının sistemli və ödənişsiz təşkili;
✅ Səriştəli müəllim kollektivi;
✅ Aylıq sınaq imtahanlarının təşkili;
✅ Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.

Qəbul ümumi orta təhsil səviyyəsi üzrə buraxılış imtahanlarının nəticələri əsasında həyata keçirilir.

🛜 Təmayül tədris modeli şagirdlərin yalnız imtahan nəticələrini deyil, onların akademik, sosial və şəxsi inkişafını da dəstəkləyir.

09/06/2026

📢 Vətəndaşların nəzərinə!

Gəncə-Daşkəsən Regional Təhsil İdarəsinin tabeliyində fəaliyyət göstərən təhsil müəssisələrində vətəndaşların qəbulu həyata keçirilir.

🗓️ Qəbul günləri: Hər həftənin çərşənbə axşamı günü
🕒 Qəbul saatı: 14:30 – 16:30

Vətəndaşlar onları maraqlandıran məsələlərlə bağlı müvafiq təhsil müəssisələrinə müraciət edə bilərlər.

09/06/2026

09/06/2026

📢 Təhsilverənlərin sertifikatlaşdırılması prosesində iştirak edəcək müəllimlərin nəzərinə

ℹ️ Təhsilverənlərin sertifikatlaşdırılması prosesinin test imtahanı mərhələsində iştirak edəcək müəllimlər imtahana gələrkən yalnız şəxsiyyəti təsdiq edən sənədi özləri ilə gətirməlidirlər.

📍 İmtahan binasına çanta və digər şəxsi əşyaların gətirilməməsi tövsiyə olunur.

Sertifikatlaşdırma prosesində iştirak edəcək bütün müəllimlərə uğurlar arzulayırıq!

09/06/2026

📌 Daha bir uğur! Daha bir qürur!
÷÷÷÷÷÷÷÷÷÷÷÷÷÷÷÷÷÷÷÷
🎯 Məktəbimizin IV sinif şagirdi Qurbanova Aynur Eşqin qızı öz bilik və bacarıqları ilə fərqlənərək uğura imza atıb.Beyin Olimpiada Mərkəzi tərəfindən keçirilən "Qlobal Riyaziyyat Olimpiadası"nda yüksək nəticə əldə edərək medal qazanmışdır.

💫 Bu uğur – zəhmətin, əzmkarlığın və müəllim-şagird əməkdaşlığının parlaq nəticəsidir!

👏 Şagirdimizi ürəkdən təbrik edir , ona daha böyük uğurlar arzulayırıq!

08/06/2026

#2026 #2027

06/06/2026

Məktəbimizin VI sinif şagirdləri Elm və Təhsil Nazirliyinin təşkil etdiyi Monitorinq imtahanında iştirak etdilər.
Şagirdlərimizə uğurlar arzu edirik.