08/06/2026
08.06.2026-cı il tarixində Şamaxı Rayon Təhsil Sektorunun və Şamaxı rayon Vidadi Rəhimov adına Uşaq-Gənclər İdman-Şahmat Məktəbinin təşkilatçılığı ilə Şamaxı şəhər 9 nömrəli tam orta məktəbin idman meydançasında məktəbli qızlar arasında mini-futbol üzrə rayon turniri keçirilmişdir.
Turnirin əsas məqsədi məktəblilər arasında sağlam həyat tərzinin təbliği, idmana marağın artırılması, fiziki inkişafın dəstəklənməsi və komanda ruhunun formalaşdırılması olmuşdur.
Yarışın nəticələrinə əsasən:
🥇 I yer – Şamaxı şəhər 3 nömrəli tam orta məktəbin komandası
🥈 II yer – Göylər kənd 2 nömrəli tam orta məktəbin komandası
🥉 III yer – Şamaxı şəhər 9 nömrəli tam orta məktəbin komandası
Qalib komandalar Şamaxı rayon Vidadi Rəhimov adına Uşaq-Gənclər İdman Şahmat Məktəbinin diplomları ilə təltif olunmuşlar.
Qalibləri təbrik edir, gələcək yarışlarda onlara yeni uğurlar arzulayırıq.
