Salyan rayon Elxan Ağayev adına Arbatan kənd tam orta ümumtəhsil məktəbi

26/06/2026

26 iyun Azərbaycan Respublikasının Silahlı Qüvvələri Günüdür. 🇦🇿

Vətənimizin müdafiəsi və təhlükəsizliyi naminə şərəflə xidmət edən bütün hərbçilərimizi təbrik edir, onlara uğurlar arzulayırıq.

25/06/2026

17–25 iyun tarixlərində keçirilən müəllimlərin sertifikatlaşdırılması prosesinin test imtahanı mərhələsi başa çatıb. Salyan rayonu Elxan Ağayev adına Arbatan kənd tam ümumtəhsil məktəbinin tarix müəllimi Cəfərova Rəxşəndə Həsən qızı və texnologiya müəllimi İbrahimova Turan Təlafin qızı 53 bal toplamışlar . Yüksək nəticə əldə edən və
sertifikatlaşdırma prosesindən uğurla keçən bütün müəllimləri təbrik edir, onların bilik və bacarıqlarını, məsuliyyətli fəaliyyətini və əzmini yüksək qiymətləndirir, müəllimlərə gələcək pedaqoji fəaliyyətlərində uğurlar arzulayırıq.

24/06/2026

24/06/2026

Məktəbdə yubiley tədbiri keçirilib.

23 iyun 2026-cı il tarixində Salyan rayonu Elxan Ağayev adına Arbatan kənd tam orta ümumtəhsil məktəbində uzun illər Azərbaycan dili - ədəbiyyat müəllimi işləmiş Əliyeva Tamilla Aydın qızının anadan olmasının 65-ci ildönümü münasibətilə tədbir keçirilib.
Tədbirdə ETİHİ Salyan Rayon Komitəsinin sədri Aynur Əsgərova iştirak edib. O, yubilyarı təbrik edərək, ona gül dəstəsi, Fəxri Fərman və mükafat təqdim edib.
İllərdir çiyin-çiyinə çalısdığı kollektiv yoldaşları da yubilyarı təbrik edib , ona sağlam və mənalı ömür arzuladılar.

20/06/2026

14/06/2026

🔔2025–2026-cı tədris ilinin “Son zəng” tədbiri keçirildi.

2025–2026-cı tədris ilinin başa çatması münasibətilə məktəbdə ənənəvi “Son zəng” tədbiri keçirildi. Tədbirdə məktəb rəhbərliyi , məktəb kollektivi, təqaüddə olan müəllimlər,şəhid Vüsal Cəfərovun valideynləri,məzunların ailə üzvləri və 1-ci sinif şagirdləri iştirak etdilər.

Tədbirin rəsmi hissəsi Azərbaycan Respublikasının Dövlət Himninin səsləndirilməsi ilə açıq elan olundu. Daha sonra ölkəmizin müstəqilliyi, suverenliyi və ərazi bütövlüyü uğrunda canlarından keçmiş qəhrəman şəhidlərimizin əziz xatirəsi bir dəqiqəlik sükutla yad edildi.

Qonaqlar çıxış edərək məzunları təbrik edib , onlara gələcək həyat və təhsil yollarında uğurlar arzuladılar, məktəb illərinin insan həyatında mühüm mərhələ olduğunu vurğuladılar. Bildirildi ki, məzunlar qazandıqları bilik və bacarıqlarla ölkəmizin inkişafına töhfə verəcək, Vətənə layiqli vətəndaş kimi xidmət göstərəcəklər.

Tədbirin bədii hissəsində məzunların hazırladıqları rəqs nömrələri, musiqili çıxışlar və müxtəlif kompozisiyalar təqdim olundu. Şagirdlərin ifaları iştirakçılar tərəfindən böyük maraq və alqışlarla qarşılandı. Məzunların müəllimlərinə və valideynlərinə ünvanladıqları təşəkkür sözləri tədbirə xüsusi duyğusal ab-hava qatdı.

Sonda məzunlar üçün rəmzi “Son zəng” səsləndirildi. Bu əlamətdar gün məktəb həyatının unudulmaz səhifələrindən biri kimi yadda qaldı və məzunların yeni həyat mərhələsinə qədəm qoymalarının rəmzinə çevrildi. Onlara gələcək təhsil və fəaliyyətlərində uğurlar arzulandı.

11/06/2026

İyunun 11-də Bakı Dövlət Universitetində Respublika Fənn Olimpiadalarının humanitar fənlər üzrə qaliblərinin mükafatlandırılması mərasimi keçirilib.
Salyan rayonu Elxan Ağayev adına Arbatan kənd tam orta ümumtəhsil məktəbinin şagirdi Qəniyev Əkbər coğrafiya fənni üzrə gümüş medal ilə təltif olunmuşdur.Əkbəri təbrik edir ,ona uğurlar arzulayırıq.

11/06/2026