Ə.Vahid adına 293 nömrəli tam orta məktəb

03/08/2026

Azərbaycan-Qırğızıstan Münasibətlərində Yeni Zirvə: Strateji Müttəfiqlikdən Genişmiqyaslı Əməkdaşlığa » Kanalım 1

Prezident Cənab İlham Əliyev 31 iyul 2026-cı ildə Qırğızıstana rəsmi səfər edib. Səfər çərçivəsində hər iki qardaş ölkənin maraqlarını təmin edən məsələlərə toxunulub. Bu səfər Azərbaycan və Qırğızıstan arasındakı münasibətlərin keyfiyyətcə yeni mərhə...

23/07/2026

https://intertv.info/index.php?newsid=61121

Prezident İlham Əliyevin 20–21 iyul 2026-cı il tarixlərində Almaniya Federativ Respublikasına etdiyi rəsmi səfər Azərbaycan Respublikasının xarici siyasətində mühüm hadisələrdən biri kimi qiymətləndirilir. Bu səfər Azərbaycan ilə Almaniya arasında siyasi dialoqun genişl....

15/07/2026

https://azerinfo.info/109519-metbuat-cemiyyetin-guzgusudur.html

30/06/2026

30 iyun 2026-cı il tarixində məktəb rəhbərliyinin təşkilatçılığı ilə Pedaqoji Şuranın cari tədris ilinin yekunlarına həsr olunmuş növbəti geniş iclası keçirilmişdir.
​İclası giriş sözü ilə açan məktəbin direktoru Rövşən Qasımov ötən tədris ili ərzində qazanılan uğurlardan danışmışdır. Rəhbər öz çıxışında il ərzində keçirilən daxili monitorinq və Böyük Summativ Qiymətləndirmələrin (BSQ) nəticələrini, təşkil olunan nümunəvi və ustad dərslərini, eləcə də fənn olimpiadalarında yüksək nailiyyət göstərən şagirdlərin uğurlarını xüsusi qeyd etmişdir. Direktor həmçinin bu il buraxılış imtahanlarında 9 və 11-ci sinif şagirdlərinin topladığı yüksək balları və məzunların ali məktəblərə qəbul imtahanlarındakı əla göstəricilərini iclas iştirakçılarının diqqətinə çatdırmışdır.
​Daha sonra iclasda idarəetmə heyətinin il sonu hesabatları dinlənilmişdir. Direktor müavinləri Lətafət İsmayılova, Asim Ələsgərli, təlim-tərbiyə işləri üzrə təşkilatçı Zümrüd Əliyeva və təsərrüfat işləri üzrə direktor müavini Aytən Novruzova çıxış edərək rəhbərlik etdikləri sahələr üzrə görülən işlərin yekun hesabatlarını şura üzvlərinə təqdim etmişlər.
​İclasın sonunda tədris ili ərzində fədakar əməyi, yüksək peşəkarlığı və şagirdlərin nailiyyətlərində göstərdiyi xüsusi xidmətləri ilə fərqlənən müəllimlər məktəb rəhbərliyi tərəfindən Fəxri Fərman və Təşəkkürnamələr ilə təltif olunmuşlar. Sonda Rövşən Qasımov qazanılan bütün uğurlara görə pedaqoji kollektivə dərin təşəkkürünü bildirmiş və növbəti tədris ilində yeni nailiyyətlər arzulamışdır.

26/06/2026

18/06/2026

Məktəbimizdə məktəb rəhbərliyinin təşkilatçılığı ilə pedaqoji kollektivin iştirak etdiyi "Korrupsiyaya qarşı mübarizə" mövzusunda xüsusi iclas keçirilmişdir.
​İclasda çıxış edən məktəbin direktoru Rövşən Qasımov təhsil müəssisələrində şəffaflığın təmin edilməsi, hesabatlılıq və korrupsiyaya qarşı mübarizənin hüquqi əsasları barədə geniş məlumat vermişdir. Direktor öz çıxışında təhsil sahəsində etik davranış qaydalarına 6h saxlanılan əsas məsələlər:
​Şəffaflıq və dürüstlük: Təlim-tərbiyə prosesinin təşkilində və qiymətləndirmədə şəffaflıq prinsiplərinin qorunması.
​Etik qaydalar: Müəllimlərin etik davranış qaydaları və bu qaydaların pozulmasının qarşısının alınması istiqamətində görülən profilaktik tədbirlər.
​Açqıqlıq prinsipləri: Valideyn və məktəb münasibətlərində neqativ hallara yol verilməməsi, sağlam və obyektiv mühitin qorunması.

18/06/2026

Məktəbimizdə hüquq-mühafizə orqanlarının əməkdaşları, məktəb rəhbərliyi və 8, 9, 10, 11-ci sinif şagirdlərinin valideynlərinin iştirakı ilə mühüm maarifləndirici görüş təşkil olunub.
​Görüşün keçirilməsində əsas məqsəd yeniyetmələrin zərərli vərdişlərdən qorunması, cəmiyyətdə sağlam fərd kimi yetişməsi və məktəb mühitində yarana biləcək neqativ halların qarşısının vaxtında alınmasıdır.
​Narkomaniyaya qarşı birgə mübarizə: Polis əməkdaşları valideynlərə yeniyetmələrin davranışlarındakı psixoloji və fiziki dəyişikliklərə qarşı diqqətli olmağı tövsiyə edib, ağ ölümə qarşı mübarizədə ailə və məktəb əməkdaşlığının rolunu xüsusi vurğulamışlar.
​Bullinqlə (həmyaşıd təzyiqi) mübarizə: Məktəblilər arasında fiziki və ya psixoloji zorakılıq hallarının qarşısının alınması, uşaqların emosional durumunun qorunması və effektiv ünsiyyətin qurulması barədə valideynlərə geniş məlumat verilmişdir.
​Görüşün sonunda polis əməkdaşları tərəfindən valideynləri maraqlandıran suallar cavablandırılıb və uşaqların gələcəyi üçün bu cür profilaktik söhbətlərin mütəmadi keçirilməsinin vacibliyi qeyd olunub.

13/06/2026

13.06.2026-cı il tarixində məktəbimizdə məzunlar üçün bənzərsiz və unudulmaz "Son zəng" tədbiri baş tutub.
​Tədbir məktəbin direktoru Rövşən Qasımov və 11A sinif rəhbəri Xatirə Qurbanova, 11B sinif rəhbəri Malik Eylasov, 11C sinif rəhbəri Şövkət Bədəlova, 11P sinif rəhbəri Yusif Niftiyev və məzunların birgə təşkilatçılığı ilə yüksək səviyyədə ərsəyə gəlib.
Xüsusilə məzun qızların və 11A sinif rəhbəri Xatirə Qurbanovanın əllərində səbətlərlə milli musiqi sədaları altında ifa etdikləri rəqs kompozisiyası və hazırladıqları kiçik səhnəciklər tədbirə xüsusi rəng qatıb, qonaqlar tərəfindən alqışlarla qarşılanıb.
​Məzunlar doğma məktəbə, sevimli müəllimlərinə öz təşəkkürlərini şeir, mahnı və rəqs nömrələri ilə ifadə ediblər.
Məktəbin direktoru Rövşən Qasımov və müəllimlər də çıxış edərək məzunlara gələcək müstəqil həyatda uğurlar arzulayıblar.
​Müstəqil həyata ilk addımlarını atan bütün məzunlarımızı ürəkdən təbrik edir, gələcək yollarında və qarşıdan gələn imtahanlarda hər birinə uğurlar arzulayırıq! Yolunuz açıq olsun!

12/06/2026

12.06.2026-cı il tarixində cari tədris ilində məktəb rəhbərliyinin iştirakı ilə rəsm və idman sahəsində yüksək nailiyyətlər qazanmış şagirdlər diplomla təltif olundular.