13/06/2026
Məktəbdə Son Zəng tədbiri duyğulu anlarla keçirildi.
Tədbirdə Dövlət Himnimizin sədaları ucaldı, müstəqilliyimiz və ərazi bütövlüyümüz uğrunda canından keçən qəhrəman şəhidlərimizin əziz xatirəsi 1 dəqiqəlik sükutla yad edildi.
Tədbiri giriş sözü ilə açan məktəbin direktoru P.Qarayev çıxış edərək ürək sözlərini çatdırdı: əziz məzunlar hər biriniz savadlı, tərbiyəli və vətənpərvər bir gənc olaraq məktəbi bitirirsiniz. Unutmayın ki, müstəqil həyatın astanasında qazanacağınız hər bir uğur həm də bu məktəbin, sizə gecəsini gündüzünə qatıb elm öyrədən müəllimlərinizin uğurudur.Siz müstəqil, güclü və qalib Azərbaycanın gələcəyisiniz! İnanıram ki, atacağınız hər addımda dövlətimizə, millətimizə xeyirli bir vətəndaş olacaq, məktəbimizin adını hər zaman uca tutacaqsınız. Qarşıdan gələn ali məktəb imtahanlarında və həyat yollarında hər birinizə sonsuz uğurlar arzulayıram.
Sonra müəllimlərdən S.Hadıyevin, T.Qurbanovun, direktor müavini M.Əmişovanın, valideynlərdən şəhid valideyni Hacı Əlbaxış Qarayevin və R.Əliyevanın çıxışları və duaları, dəyərli tövsiyələri məzunlarımızın yoluna işıq tutdu və gənclərin qəlbində vətənə sevgi, dürüstlük və fədakarlıq duyğularını bir daha alovlandırdı, onlara müstəqil həyatın astanasında böyük motivasiya və gələcəyə inam hissi bəxş etdi,bu unudulmaz gündə hər bir şagirdin yaddaşına əbədi xatirə kimi həkk olundu.
11-cilərin vida çıxışları, 1-ci sinif şagirdlərinin şirin təbrikləri duyğulu anlar yaşatdı.
Şagirdlərimizin hazırladığı milli-mənəvi dəyərlərə uyğun musiqi və rəqs nömrələri tədbirə xüsusi zəriflik qatdı.
🔔
Məktəb illərini uğurla başa vuran bütün məzunlarımızı ürəkdən təbrik edirik! Bu gün səslənən son zəng sizin müstəqil həyata atdığınız ilk addımın müjdəçisidir.
Yolunuz açıq, gələcəyiniz parlaq olsun, əziz məzunlar! 🌟
